متى يتم تغيير كاوتش العربية؟؟؟؟؟
http://i1383.photobucket.com/albums/...psvkb6gejd.jpg
كاوتش العربية هو الوصلة الوحيدة بين العربية وبين الطريق ولذلك من المهم جداً إن الكاوتش يكون بحالة جيدة وده بيستدعى أسئلة مهمة عند بعض الناس :
"أنا إمتى أغير الكاوتش؟"
"أنا كنت عاوز أغير الكاوتش والراجل بتاع الكاوتش قاللى لسه شوية أعمل إيه؟"
"الكاوتش بتاعى نقشته لسه سليمة ومعدى بيه الـ ٥٠ الف كم أغيره ولا أستنى؟ "
والعديد من الاسئلة المشابهة - لذلك حأحاول هنا أجاوب على هذا السؤال .
فردة الكاوتش مالهاش عدد كيلومترات معين نقدر نقول اننا حانغير عنده لأن الطرق بتختلف والحمولة بتختلف وطريقة السواقة كمان بتختلف .
- أول حاجه لازم نعرفها إن كل فردة كاوتش ليها تاريخ إنتاج بيبقى مكتوب عليها - بيبقى مكتوب فين؟
١) حنلاقى على اى فردة كاوتش قرب الجنط شوية كتابة بحروف صغيرة حندور على كلمة DOT حنلاقى بعدها شوية حروف وأرقام بعدهم فيه ٤ أرقام محطوطين فى برواز لوحدهم - هما دول تاريخ إنتاج الفردة - أول رقمين من الشمال بيدوا رقم الاسبوع اللى تم فيه إنتاج الفردة ( السنة ٥٢ إسبوع) واخر رقمين بيدوا السنة بمعنى لو لقينا الأربع أرقام دول مثلا ٢٥١١ يبقى رقم ٢٥ هو ده الاسبوع اللى تم فيه انتاج الفردة الاسبوع الخامس والعشرين ( تقريبا شهر يوليو) ورقم ١١ ده بيدل على السنة يعنى سنة ٢٠١١ - يبقى تاريخ الانتاج يوليو ٢٠١١.
٢) لو لقينا كلمة DOT دى بعدها حروف وارقام ومافيش الاربع ارقام دول يبقى نقلب الفردة حنلاقيهم فى الناحية التانية.
٣) لو ملاقيناش كلمة DOT مكتوبة على الفردة يبقى ندور على البرواز اللى مكتوب فيه ٤ ارقام .
ودى صورة بتوضح مكان التاريخ
http://i1383.photobucket.com/albums/...psoex5ocrm.jpg
لو الفردة فات على تاريخ انتاجها ١٠ سنين يبقى لازم تتغير فورا حتى لو لسه مركبها إمبارح
- تانى حاجة لازم نعرف إن أى فردة بيبقى فيها مقياس للتاكل لو وصلنا للمقاس ده يبقى لازم نغير الفردة فوراً - طيب فين مكان المقاس ده ؟؟؟
حنلاقى على الفردة من ناحية الكتابة على حرفها قرب القطر الخارجى راس سهم او مثلث محفور على الكاوتش ( الميشلان ممكن نلاقى الراجل الكاوتش شعار ميشلان مكان السهم) - عند السهم ده حنبص على المجارى اللى فى وسط الفردة حنلاقى فى كل مجرة خط كاوتش صغير بالعرض هو ده المقاس - لو لقينا الخط ده جوة واوطى من النقشة يبقى لسة الفردة شغالة ومش متاكلة - لو لقينا الخط ده فى الحذا بتاع النقشة يبقى الفردة لازم تتغير فوراً - لو لقينا التاكل باين فى مجرة واحدة والباقى كويسين يبقى برضه الفردة لازم تتغير فوراً .
دى صور بتوضح مكان مقاس التاكل
http://i1383.photobucket.com/albums/...psneojwwhf.jpg
http://i1383.photobucket.com/albums/...psyzoavbxo.jpg
http://i1383.photobucket.com/albums/...psmutyvpv9.jpg
ودى صورة بتوضح شكل الفردة اللى وصلت النقشة فيها لغاية المقاس ولازم تتغير
http://i1383.photobucket.com/albums/...pstdbdfix2.jpg
والأحسن إننا منستناش لغاية النقشة ماتوصل للمقاس لأ إحنا حانغير قبل المقاس بـ ١ مم أو ١,٥ مم علشان نكون فى الأمان .
- لو الفردة حصل فيها بعض القطعات أو الثقوب الكبيرة أو الحروف بتاعتها إتاكلت أو حصل للفردة تاكل من ناحية وناحية لأ أو تاكل فى مكان معين أو اتقطعت من ناحية الكتابة أو عملت بلالين أو حصل فيها تنميل وتشققات - يبقى لازم نغيرها على طول .
ودى مجموعة صور لبعض المشاكل التى تحتم تغيير الفردة :
http://i1383.photobucket.com/albums/...psp1g9h393.png
http://i1383.photobucket.com/albums/...psl86c3dlv.png
http://i1383.photobucket.com/albums/...psvn6nqnd5.jpg
http://i1383.photobucket.com/albums/...psnaliojuw.jpg
http://i1383.photobucket.com/albums/...ps5kc5mi7l.jpg
http://i1383.photobucket.com/albums/...pseibxa7ez.jpg
http://i1383.photobucket.com/albums/...psmhobbm6r.jpg
http://i1383.photobucket.com/albums/...psafhzj1zq.jpg
لولقيت الفردة بتاعتك كويسة ومافيهاش مشاكل ومافيهاش تاكل وتاريخ انتاجها جديد معظم صناع الكاوتش متفقين على قاعدة بتقول إن الكاوتش يتغير على ٥ سنين إستخدام أو ١٠ سنين من تاريخ الإنتاج أيهما أقرب بغض النظر عن عدد الكيلومترات المقطوعة .
أرجو إنى أكون قد وفقت فى شرح هذا الموضوع ببساطة ليستفيد منه الجميع.