تكييف السياره الجديده

**mora_farahat** · 13-07-2016 12:55 AM

من فضلكم عاوز اعرف اشغل تكييف سياره جديده بعد كام كيلو عشان في ناس بتقول شغله على طول وناس بتقول بعد ١٠٠٠ كيلو

**mohamed_berlitz** · 13-07-2016 09:56 AM

فعلا تعددت الاقاويل ولكن لو تكلمنا بعيدا عن التخصص العلمى لوجدنا انه من الافضل عدم استخدام التكييف اول 1000 كيلو نظرا الى ان زيت الموتور المستخدم فى ذلك الوقت هو زيت المصنع واعتقد مكونات هذا الزيت تكون خفيفة ولايحبز تحميل الموتورمع هذا الزيت سواء بأنك تشغل التكييف او انك تزود ال rpm عن 3000 او انك تركب اكثر من شخصين بالغيين فى السيارة والمقصود هنا الوزن.
وشكراو والف مبروك وربنا يكفيك شرها

**mizomizomizo** · 13-07-2016 10:26 AM

ممكن تشوف في الكتالوج وتشوف ولكن علي العموم محظور فقط جر اي عربية خلال اول 15000 كيلو بالنسبة فترة التلين ممنوع تخلي عدد rpm يعدي 4000 لفة ودة بيخلي بعض يقول متجريش بالعربية عن 120 ك لكن شغل التكيف عدي جدا بس متخليش عداد rpm يزيد عن عن عدد الفات المذكورة يعني متقرص علي العربية لان لو في خطر علي تشغيل التكيف كان الشركة المصنعة منعت تشغيل التكيف او فصلتة في اول 1000 كيلو

**borio1704** · 13-07-2016 11:51 AM

في كتالوج كل عربية .. لازم تلاقي توصيات الاستخدام خلال أول 1000 كيلومتر... وغالبا هتلاقيها في بداية الكتالوج...

مفيش في التوصيات دي أي حاجة تقول بلاش تستخدم التكييف.

وأنا شخصيا لما استلمت عربيتي من التوكيل هنا في السعودية .. استلمتها دايرة والتكييف شغال.. وكانوا عاملين كده قاصدين علشان حتة التكييف دي بالذات.

شغل التكييف ومعندكش أي مشاكل.

...

**salam100100** · 13-07-2016 12:33 PM

انا من نفس المدرسه دى" شغل التكييف"

ايه الاسباب انى مشغلوش
* هيحمل على الموتور ؟؟؟؟!!!!! طب ميحمل- مهو الموتور متصمم على كدا
طب وهيحمل اد ايه؟؟؟؟؟؟؟؟؟؟؟ دا الموتور ممكن ال rpm بتاعه يذيد اقساه 100 لفه على السلانسيه عشان يعادل استخدام التكييف
يعنى من غير التكييف السلانسيه على مثلا 800
لما تشغل التكييف مش هيذيد عن 900
هل ال100 الفرق دى هى اللى هتضر الموتور

يقلك التكييف هيسخن العربيه- لو سخن العربيه تبقا عربيه معيوبه وفيها عيب صناعه
العربيه ودوره التبريد متصممه لوجود تكييف

وكمان التكييف اشتغل فاختبارات المصنع قبل ماستلم العربيه

موضوع الزيت: انا معرفش عنه حاجه- لكن معتقدش ان اى شركه تجازف وتحط زيت فى مواتيرها الزيرو اقل من المستوى عشان توفر فلوس
وهفترض انها حطط زيت ردئ: الحمل بتاع التكييف ميجيش حاجه كحمل بالمقارنه بطبيعه السواقه اليوميه والعاديه كمطالع الكبارى

حاجه على جمب: مكتوب فمانيوال الصنى" متمشيش على سرعه ثابته لفتره طويله" حاول تنوع فالسرعات كما بالصوره المرفقه

**S O P H O S** · 18-07-2016 07:33 PM

تشغيل التكيف عادي
الاهم هو عدم التحميل علي العربية فالاول

**a7medsh3rawi** · 19-07-2016 12:28 PM

المشاركة الأصلية كتبت بواسطة borio1704

في كتالوج كل عربية .. لازم تلاقي توصيات الاستخدام خلال أول 1000 كيلومتر... وغالبا هتلاقيها في بداية الكتالوج...

مفيش في التوصيات دي أي حاجة تقول بلاش تستخدم التكييف.

وأنا شخصيا لما استلمت عربيتي من التوكيل هنا في السعودية .. استلمتها دايرة والتكييف شغال.. وكانوا عاملين كده قاصدين علشان حتة التكييف دي بالذات.

شغل التكييف ومعندكش أي مشاكل.

...

نفس الكلام معايا اكسنت 2015 واستلمتها بالتكييف فى جده برضه
وقاللى ما تعديش سرعه 100كم اول 1000 كم ومفيش تنبيهات تانيه
بس لازم نتقابل ونستفيد من خبرات حضرتك

**akmm** · 19-07-2016 03:29 PM

اختلفت الاقوال ...................... وكله له وجه نظر مقنعه ................ عموما خذ بالاحوط شغله بعد التليين انا عملت كده ... ومبروك السياره ويكفيك شرها .