ادردش مع حضرتك شوية على ما بقية الاعضاء الكرام يشاركونا الرأى .....
الشركة المصنعة لأى معدة ..... بتدى رقم معين لكل قطعة غيار ... كل مسمار .... و احيانا كمان كل تجميعة صغيرة مكونة من اكتر من قطعة غيار ..... زى مثلا ... طرمبة الباور .... تاخد بارت نمبر ... و الرقم ده بيكون مختلف عن البارت نمبر لكل قطعة صغيرة داخل طرمبة الباور
و الشركات المحترمة ... بتحاول تخلى الرقم ده ليه معنى ... او فى تسلسل منطقى
الشركة بتعمل ايه بالكلام ده ؟؟
بيكون عندها كتالوجات تفصيلية لكل قطعة غيار ... رسومات تفصيلية ... الخامات و كل المعلومات عن القطعة دى ... و يتم التعامل عليها من خلال رقمها ... الى هو البارت نمبر
و الارقام دى بتكون موجودة فى مانيوال الصيانة فى الغالب بتاع الشركة ... و ده بيكون فى مركز الصيانة
الناس فى بعض مراكز الصيانة بيكونوا حافظين البارت نمبر بتاع العديد من قطع الغيار المختلفة !!!!
الموضوع حتى الان ... ملهوش دعوة ان قطعة الغيار اصلية و لا لأ ... بس تقدر تقول .. ان محدش بيهتم بالبارت نمبر غير التوكيل .... و محدش بيهتم بوضع الرقم ده على العبوة غير المصنع الاصلى
حضرتك ممكن تسأل سؤال تانى خالص ...... ايه الفرق بين قطعة الغيار الاصلية .... و غير الاصلية ؟؟
و ازود سؤال كمان ... ايه الفرق بين البارت نمبر و بين السيريل نمبر ؟!!
متابع معاك
المفضلات