للمناقشه الجاده فقط: بعد ارتفاع الاسعار... ما هى السيارات المتوقع انها تنقرض

للمناقشه: بعد ارتفاع الاسعار... ما هى السيارات (موديلات او ماركات) المتوقع انها تنقرض او مبيعاتها تقل (عربيات زيرو وليست مستعمله) ؟؟؟
الهدف من الموضوع يدينا فكره وتصور لاداء الماركات والتوكيلات فى السوق المصرى وممكن نتوقع ايه اللى ممكن ينجح وايه اللى ممكن يفشل
مين اللى له فرصه انه يكبر فى ظل التزلزل اللى احنا شايفينه
خلينا بكل حياديه نتناقش- قول اللى انت شايفه - بلاش نهاجم بعض ونطلع الطرف التانى انه مبيفهمش حاجه
زى مبقول الهدف توقع السوق رايح فين ....البقاء للاقوى والاذكى

هضرب مثل سريع
انا من فتره كنت بشوف (هنا فالمنتدى) عربيات بتدخل فى مقارنات مع غيرها وحاليا اتنست
تيويتا ياريس: كنت بشوفها بتتقارن بعربيات تانيه لكن دلوقتى اتنست- محدش بيجيب فى سيريتها
مع ان التيوتا مركه محترمه ومحبوبه فى مصر--الياريس عربيه اثبتت نفسها-- تعددت الاسباب لكن اتنست (دا من وجه نظرى)

ايه تانى؟؟؟؟؟؟؟؟؟؟؟ مين يكملل اللسته

اقلك يا سيدي

عندك البروتون برسونا والجين 2 اللي اسعارها دخلت فى ال 160 الف ومش عايز اشتم عشان ملاكها ميزعلوش

عندك السيفيك الموديل الجديد هيعدي ال 300 الف مستريح جدا

عندك بقي الكرولا اللي دخلت ف 280 الف الكلام ابتدي يقل عنها...والمازدا شرحه

الديهاتسو جراند تريوس...سعرها عدي جاااامد وشكلها قديم جدااااااااااااا

ضيف عليهم الهوندا سيتي تقريبا وصلت لسعر وهمي

المستقبل حاليا للصيني اللي هو تحت ال 200 الف وشويه وهيعدي ال 200 ولكي الله يامصر

اقتباس:

---

المشاركة الأصلية كتبت بواسطة ahmad--ezzat

اقلك يا سيدي

عندك البروتون برسونا والجين 2 اللي اسعارها دخلت فى ال 160 الف ومش عايز اشتم عشان ملاكها ميزعلوش

عندك السيفيك الموديل الجديد هيعدي ال 300 الف مستريح جدا

عندك بقي الكرولا اللي دخلت ف 280 الف الكلام ابتدي يقل عنها...والمازدا شرحه

الديهاتسو جراند تريوس...سعرها عدي جاااامد وشكلها قديم جدااااااااااااا

ضيف عليهم الهوندا سيتي تقريبا وصلت لسعر وهمي

المستقبل حاليا للصيني اللي هو تحت ال 200 الف وشويه وهيعدي ال 200 ولكي الله يامصر

---

كلام منطقى وأضيف عليهم العربيات زى البيكانتو والفيرنا والجراند اى تن
لان المشترى هيستخسر يدفع فلوس فى عربيه كان سعرها زيرو اقل من تمنها الحالى ب 40 فى الميه
وفعلا المستقبل للصينى

فى الغالب مش هيحصل حاجة الاسعار هتزيد والناس برضه هتشترى
المشكلة ان السوق مش مستقر حاليا فنسبة لا بأ س بها محجمة عن الشراء
الصينى بيتقدم بخطى ثابته خصوصا بعد ما اثبت نفسه كجودة وأداء مقابل سعر واصبح له وكلاء اقوياء زى جيلى و شيرى اللى غبور وكيلهم و الابترا الصينى اللى منصور وكيلها
باقى الماركات موجودة برضه لكن نقطة الوفاء لماركة معينة ليست من طبيعة السوق المصرى
تقبل مرورى

اقتباس:

---

المشاركة الأصلية كتبت بواسطة amr011111

كلام منطقى وأضيف عليهم العربيات زى البيكانتو والفيرنا والجراند اى تن
لان المشترى هيستخسر يدفع فلوس فى عربيه كان سعرها زيرو اقل من تمنها الحالى ب 40 فى الميه
وفعلا المستقبل للصينى

---

ومعاهم الاتراج

اقتباس:

---

المشاركة الأصلية كتبت بواسطة miam0502788391

فى الغالب مش هيحصل حاجة الاسعار هتزيد والناس برضه هتشترى
المشكلة ان السوق مش مستقر حاليا فنسبة لا بأ س بها محجمة عن الشراء
الصينى بيتقدم بخطى ثابته خصوصا بعد ما اثبت نفسه كجودة وأداء مقابل سعر واصبح له وكلاء اقوياء زى جيلى و شيرى اللى غبور وكيلهم و الابترا الصينى اللى منصور وكيلها
باقى الماركات موجودة برضه لكن نقطة الوفاء لماركة معينة ليست من طبيعة السوق المصرى
تقبل مرورى

---

" نقطة الوفاء لماركة معينة ليست من طبيعة السوق المصرى "
فعلا دى الحقيقه ومش عيب الشعب المصرى عيب التوكيل اللى مش قادر يحافظ على اسمه

قبل الثمانينيات الامريكانى- وشويه الفرنساويين
الثمانينات فيات الايطاليه
التسعينات اليبانى والالمانى
الالفينات السوق وسع والسجاد اتاخدت من تحت رجلين الامريكان والطلاينه والفرنساويين

اعتقد الفيرنا
وبروتون لو مغيرتش فخلال سنة بردوا
الموديلات الموجودة

اقتباس:

---

المشاركة الأصلية كتبت بواسطة s o p h o s

اعتقد الفيرنا
وبروتون لو مغيرتش فخلال سنة بردوا
الموديلات الموجودة

---

انا معاك الفيرنا والافيو كمان لو كملوا بالسعر دا هيخسروا مش عشان هم عربيات وحشه,لا عشان هم اتحطوا فى شريحه تخلى المشترى يزود شويه ويجيب عربيه اعلى سنه او يوفر وينزل ويجيب حاجه ارخص
مثال:
شيفورليه:
اذود واجيب اوبترا
او اوفر واجيب لانوس
بس ليه اجيب افيو- ايه اللى هيخلينى اجرى ورا الموديل دا
دا مجرد رائ

انا حابب اضيف فيات بكل موديلاتها- انا اتوقع انقراض كل موديلات فيات
ماركه بقالها اكتر من 15 سنه فى تدهور
عملت السيننا التجميع المصرى وبتنقرض

مفيش حاجه ح تنقرض الموضوع عرض وطلب ولوا اختلاف الاذواق لبارت السلع اعتقد ان اللى ممكن يحصل هو ركود بمعنى اللى معاه عربيه مش ح يبيعها بسهوله والتاجر مش ح يقدر يسوق الجديد اللى عنده. وكله ح يفضل محلك سر بغض النظر عن نوع العربيات

اقتباس:

---

المشاركة الأصلية كتبت بواسطة drsalah

مفيش حاجه ح تنقرض الموضوع عرض وطلب ولوا اختلاف الاذواق لبارت السلع اعتقد ان اللى ممكن يحصل هو ركود بمعنى اللى معاه عربيه مش ح يبيعها بسهوله والتاجر مش ح يقدر يسوق الجديد اللى عنده. وكله ح يفضل محلك سر بغض النظر عن نوع العربيات

---

فى انقراض لبعض الماركات وبعض الموديلات فى مصر
هدى امثله سريعه:

برادو كانشيل من هاشم بص
جيلى شيرى الصينى
لادا سامارا- اوكا-
دايو ليجانزا وماتيز- ريسير
كيا العصفوره- شوما- سيفيا
دايهاتسو ميرا
فيات تيبو- اونو- برافا- برافو- شيكو شينتو
رينو ميراج- كليو- رينبو
ستيروين اكسارا- بيكاسو
بيجو 205-206
سكودا فيفوريت- فورمان- سوبريم
فولكس جول- بوينتر-
اوبل كورسا
هوندا جاز
ميتسوبيشى كولت
تويوتا ايكو

وكتييييييييييييييييييييير


الانقراض المقصود بيه انك كنت بتشوفها فالشارع كتير زمان اول منزلت ودلوقتى فين وفين لما تلاقيها ماشيه جمبك
المشترك فالموديلات دى انها ابتداءا من التسعينات- وفى منها فال2000 هى انقرضت على عكس موديلات تانيه من نفس السنه بتلاقيها لسه فالشارع وهديك بردو امثله سريعه

ميتسوبيشى لانسر كريستاله
تيوتا كورولا
اكسنت

بعد تعوييم الجنيه وزياده الاسعار لاكثر من الدبل
ايه توقعاتكم للعربيات اللى هتنقرض؟

6 اشهر على تعوييم الجنيه
فالتعويم دا عربيات غرقت وصعب تقوم الا بذكاء من اداره المابيعات واستراتيجيه التسويق زى شركه ام جى ولادا وغيرها

السؤال: يعملوا ايه عشان يرجعوا تانى؟

اقتباس:

---

المشاركة الأصلية كتبت بواسطة ahmad--ezzat

اقلك يا سيدي

عندك البروتون برسونا والجين 2 اللي اسعارها دخلت فى ال 160 الف ومش عايز اشتم عشان ملاكها ميزعلوش

عندك السيفيك الموديل الجديد هيعدي ال 300 الف مستريح جدا

عندك بقي الكرولا اللي دخلت ف 280 الف الكلام ابتدي يقل عنها...والمازدا شرحه

الديهاتسو جراند تريوس...سعرها عدي جاااامد وشكلها قديم جدااااااااااااا

ضيف عليهم الهوندا سيتي تقريبا وصلت لسعر وهمي

المستقبل حاليا للصيني اللي هو تحت ال 200 الف وشويه وهيعدي ال 200 ولكي الله يامصر

---

كلام بيطبق حاليا وتوقع فى محله
البروتون مبتتبعش
السبفك ب500000

فات سنه على الموضوع
الاسعار فى زياده
المنافسه فى زياده
الركود فى زياده

ماركه اضيفها مبيعاتها قلت وانتشارها وهى سوزوكى (سويفت- سياز- فيتارا)

السوق بيتقلص
التوكيلات لازم تطلع بره الصندوق وتفكر ازاى تخرج بره الركود فالمابيعات