الموضوع: إمتى تغير زيت الموتور؟؟؟

المشاركة الأصلية كتبت بواسطة ahmedz310

طب معلش عندي بعض الاستفسارات ؛
- بعيداً عن الديزل، انخفاض رقم ال tbn لبترومين مش بيدي افضلية للسجنتشر!؟
- زيت بترومين لو هو تخليقي من اساس غير معدني (مجموعة رابعة) ليه مافيش مايدل علي انه بيقعد فترة تشغيل طويلة!؟
- ليه الداتا شيت مانصتش من قريب او من بعيد ان بترومين حاصل علي كود ال ACEA!؟
- اقصد ان كتالوج العربية هو اللي بيقول 10000كم او 6 شهور

الداتا شيت .. ده بتاع زيت اسمه سوبر سينثتيك GF5 .. ده اقرب شيئ ل A1 او اقل من A1 قليلا
لاحظ ان الداتا شيت لم يتحدث عن ACEA برغم انها مكتوبه على العلبه ( اعلى مواصفه للبنزين A5 .. يعنى المفروض يذكرها لانها شيئ مميز )
بترومين بعد تجديد موقعها .. تعتبر مقصره فى اعطاء المعلومات المطلوبه .. و منها مده الاستعمال



- رقم ال TBN دى قصه تانيه محتاجه موضوع منفصل .. ده بيعبر عن مدى قدره الزيت على مقاومه الاحماض المتكونه .. و بالتالى الصدأ .. و التآكل .. وبالتالى الاكسده

- عموما فى زيوت معدنيه ليها رقم TBN عالى .. موبيل عندها زيوت الرقم بيوصل 12

- العبره موش بالرقم فى حد ذاته .. و لكن فى مدى قدره الزيت ( كوحده واحده شامله التصميم الكامل للزيت و الاضافات ) على المحافظه على هذا الرقم اثناء فتره الاستخدام ( انخفاض تدريجى محسوب )

بمعنى رقم ال TBN لا يتم النظر اليه كرقم و لكن كعلاقه مع رقم اخر هو TAN
.. ( total acid number ) كدلاله على تكون الاحماض







- من احدى اساليب تحديد Drain interval هو حساب العلاقه بين TBN و ال TAN و بناء عليها يتم تحديد العمر المناسب لاستخدام للزيت

رقم ال TAN يظل ثابت .. و لا يبدا بالارتفاع الا بعد ان ينخفض رقم ال TBN بنسبه 50% مثلا
حينها يبدأ رقم ال TAN فى الارتفاع الى حين الوصول الى نقطه التعادل بينهما مثلا ( مثلا عند انخفاض 65% من رقم ال TBN )

- الفكره .. يعنى انا لو عندى زيت ( او موتور .. او قوانين ) استطاع ان يمنع تكون الملوثات اصلا .. يبقى اقل رقم TBN سيؤدى المطلوب قبل ان تتكون الاحماض بصوره ضاره

بعيداً عن الديزل

- كتير من الزيوت بيشتغل ديزل و بنزين .. انا بس حبيت اوضح موضوع الرقم TBN
- يعنى من 10 سنين كده ابتدأ موضوع Long life .. و فيه حاجه اسمها Long drain technology ( امسويل بتستعملها ) و فيه اكثر من اسلوب

الخلاصه لو بصيت على مستويات الخدمه اللى بتظهر و قوانين ال Emissions فى الدول .. حتلاقى كله متجه للحفاظ على الزيت نظيف .. و لو الزيت حيفضل نظيف و يمنع تكون الملوثات من اساسه .. يبقى الاضافات حتعيش فتره اطول .. يعنى الزيت عمره حيزيد .. و ساعتها موش محتاج رقم TBN عالى ( مثلا ) .. الزيوت تصميم متكامل بدأ من زيت الاساس بالتكامل مع الاضافات .. بالتكامل مع القوانين المنظمه للانبعاثات .. بالتكامل مع القوانين المنظمه لنوعيه البنزين و ما يشتمل عليه

و فى زيوت الموتور .. ده حتحسه فى مستوى خدمه GF 5 وال Dexos و ال API للديزل خصوصا و البنزين

المشاركة الأصلية كتبت بواسطة ahmedz310

مبدع كالعادة :)
انا حالياً بستخدم amsoil signature المتوافق مع الكتالوج
وناوي اغيره علي 20000 كم (بس هغير فلتر في النص) او سنة (ايهما اقرب) رغم ان الكتالوج بيقول 10000كم او 6 شهور ايه رأيك يا كبير!؟
ياريت يبقي فيه موضوع بأهم اختبارات ال astm اللي اكيد بتميز نوع زيت عن التاني حتي لو الاتنين نفس اللزوجة والمواصفات

ياريت توضيح اكثر لانطباعك عن الزيت

و اللزوجه المستخدمه

و مشيت بيه كام كم حتى الان