الموضوع: برجله في العربيه

انا يا جماعه معايا فليشيا 97
عندي مشكلتين
الاولي ان الموتور فيه صوت خبطه كده علطول جايه من تحت الغطا بتاع التاكيهات و ظبط التاكيهات كتير بس الصوت مرحش لحد ما فيه ميكانيكي منه لله و هو بيغير جوان وش السلندر قالي ان الصوت ده مش هيروح خالص و لحد دلوقتي مش عارف هو قال كده ليه فليا استفسار هل ممكن الصوت ده يكون من سير الكاتينه و خصوصا اني حاسس ان الموتور صوته خشن شويه؟؟؟
المشكله التانيه ظهرت لما الميكانيكي الي منه لله ده غير الجوان وفك الاسبراتير وغير ابلاتين و كندنسر ومن يوميها و العربيه حاسس انها متلته و الموتور مبرجل و بيتهز و اول لما اشيل رجلي من علي البنزين تبطل ورجعتله تاني قالي انه هيعليهالي شويه علشان متبطلش_ميكانيكي نص كم يعني_ بس برده
رحت لواحد تاني ميكانيكي معرفه فكلي الوش تاني و نضف الصبابات و غيرت البوجيهات و السلوك بس برده لسه المشكله
فهل ده ممكن يكون من الاسبراتير خصوصا ان العربيه بتتاخر شويه في الدواره
وبحس ان فيه صوت شرز بيطلع من الاسبراتير فهل ممكن اغير وش الاسبراتير و الابلاتين و الكندنسر تاني و اظبط الاسبراتير
ياريت و النبي تردوا عليا لحسن العربيه انا راكنها بقالي اسبوعين من خنقتي منها
نسيت اقول كمان ان انا نضفت الكربراتير و غيرت فلتر الهوا والبنزين ومفيش فايده

على فكرة الميكانيكى عنده حق الصوت مش هيروخ غير لما تعمل نص عمرة من تحت و صوت الخبط ده عامل زى خبط البلى ببعض جاى من بنز المكبس