دايخ على بنك يقبل فتح حساب بدون مفردات مرتب

**ma7amadk** · 13-07-2016 10:12 PM

السلام عليكم
بقالي أكتر من شهر بدور على أي بنك يقبل فتح حساب بدون مفردات مرتب ومش لاقي
لا الأهلي المصري ولا بنك مصر ولا cib ولا كريدي اجريكول الامارات دبي الوطني HSBC كلهم لازم مفردات مرتب
مفيش غير الأهلي اليوناني بس قلقان منه وفروعه وال atm قليله جدا
البطاقة مكتوب في الوظيفة حاصل على بكالوريوس هندسة
حاليا سبت الشغل بقالي فترة وعايز أفتح حساب ومش عارف
ياريت حد يقدر يفيدني

**mk3** · 13-07-2016 11:52 PM

اعمل سجل تجارى واقفله بعد ما تفتح الحساب

**imnotim** · 14-07-2016 03:01 AM

بالواسطه كله بيمشي انا حصلت معايا وكلمت خدمة عملاء بنك مصر للاسف متشددين وقالوا مينفعش رحت البنك كلمت واحد مسؤول قلت له ايه الحكاية دي ؟؟ رفع سماعة التلفون سأل موظفه وطلب منها عمل اللازم لي بصراحه رجل محترم وشكرته جدا حاول بس انت مع مدير الفرع او النائب بتاعه او اي موظف ممكن يعديك من المشكلة دي

**ma7amadk** · 14-07-2016 09:26 PM

المشاركة الأصلية كتبت بواسطة mk3

اعمل سجل تجارى واقفله بعد ما تفتح الحساب

فكرت في كده بس السجل التجاري موال طويل من إجراءات ومستندات وضرايب وغيره

**ma7amadk** · 14-07-2016 09:30 PM

المشاركة الأصلية كتبت بواسطة imnotim

بالواسطه كله بيمشي انا حصلت معايا وكلمت خدمة عملاء بنك مصر للاسف متشددين وقالوا مينفعش رحت البنك كلمت واحد مسؤول قلت له ايه الحكاية دي ؟؟ رفع سماعة التلفون سأل موظفه وطلب منها عمل اللازم لي بصراحه رجل محترم وشكرته جدا حاول بس انت مع مدير الفرع او النائب بتاعه او اي موظف ممكن يعديك من المشكلة دي

هي كمان دي بقت بالواسطه :(
عموما هحاول أشوف حد

**Karim Alaa** · 15-07-2016 03:53 PM

هو قرار من البنك المركزى بس هو قرار غلط لانه عارف ان البلد دى كلها شغاله من غير ورق رسمى هو صح عالميا انك تبقى مستوفى اوراقك و تتعامل فقط عن طريق البنوك و ده يسهل كل شىء بس برضه كان لازم يبقى عارف و متاكد ان نص البلد ممعهاش الورق ده و هو كده بيجبرهم يحوشو تحت البلاطه و بيخرج تعاملات كتير اوى برا النظام المصرفى الرسمى

**mk3** · 15-07-2016 04:10 PM

المشاركة الأصلية كتبت بواسطة ma7amadk

فكرت في كده بس السجل التجاري موال طويل من إجراءات ومستندات وضرايب وغيره

وانت واقف بتعمله

**imnotim** · 15-07-2016 05:54 PM

المشاركة الأصلية كتبت بواسطة ma7amadk

هي كمان دي بقت بالواسطه :(
عموما هحاول أشوف حد

عن نفسي شغالة ومجربه بس انا كنت عميل عندهم قبل كده وسبتهم وحبيت ارجع لهم تاني يمكن ده اللي خلاه يعدي لي الموضوع لأنهم مشددين على حكاية السجل التجاري وطبيعة عملك في البطاقة

او ريح نفسك وشوف البوسته ده لو مقدرتش تفتح الحساب في بنك

**ma7amadk** · 15-07-2016 06:50 PM

شكرا لكم جميعا
أنا سألت واحد معرفة في البنك الاهلي قالي ممكن تفتح حساب بدون مفردات أول مره وتعدي عادي
بس بعد كده كل مره هتودع فيها فلوس هيقولك جايبها منين والكلام البايخ ده
ممكن يكون قصده لو المبلغ كبير بس قفلني بصراحة بسبب القيود دي وكإن الشعب كله تجار مخدرات أو شغالين في غسيل الأموال

واحد قالي ع البنك العربي الأفريقي هروح واشوف هينفع والا لاء

**imnotim** · 15-07-2016 07:50 PM

المشاركة الأصلية كتبت بواسطة ma7amadk

شكرا لكم جميعا
أنا سألت واحد معرفة في البنك الاهلي قالي ممكن تفتح حساب بدون مفردات أول مره وتعدي عادي
بس بعد كده كل مره هتودع فيها فلوس هيقولك جايبها منين والكلام البايخ ده
ممكن يكون قصده لو المبلغ كبير بس قفلني بصراحة بسبب القيود دي وكإن الشعب كله تجار مخدرات أو شغالين في غسيل الأموال

واحد قالي ع البنك العربي الأفريقي هروح واشوف هينفع والا لاء

هما هيستهبلوا يعني ايه جايبها منين ؟ ابويا توفى مثلا وسابها لي هو الميراث حرام ولا ايه ولا البنك بقى سلطة تحقيق ؟ دخل ابوهم ايه لو في حد مخطأ الحكومه اللي تحاسبه مش البنك وبعدين ايه الذكاء ده اكنهم بيقولوا للناس اللي شغاله شمال بلاش تحط في البنك هتتمسك والصح سيبه يحط عندك فلوسه ولما يثبت انه في حاجه زي غسيل اموال او غيره البنك ياخد اجرائته القانونية ويبلغ واهي تبقى فايده لخزينة الدولة تعمل بها اي مشاريع او تزود مرتبات وكده في رائي القرار ده محتاج يتراجع تاني من البنك المركزي