تجارة السيارات

**farouk 147** · 14-07-2016 05:34 PM

السلام عليكم
انا جديد في المنتدا وليه الشرف اتكلم.مع حضرتكم انا كتبت موضوعي في قسم السيارات العام محدش رد عليه خالص
المهم.... انا كنت بسال اني معايه مبلغ 20 الف وعاوز اجيب عربيه وابعها واكسب فيها عملية تجاره يعني منها تجربه وعلي قد الفلوس انا محتار ابدا بأيه الصراحه مش عارف اجيب فيات 128 ولا لادا ولا شاهين وللا ايه بالظبط واسف علي الإطاله

**lancer06** · 15-07-2016 07:53 AM

ربنا يوفقك فى بدايتك بإذن الله
ممكن تبدأ بالماروتى عربيه صغيره واسعارها فى متناول الايد من قطع غيار لبنزين لضريبه ترخيص
بس عاوز اقولك حاجه قالها صديق قديم كلمه تاجر معناها
ت ( تقى )
ا (أمين )
ج ( جرىء )
ر ( رؤوف )
ربنا يوفقك

**farouk 147** · 18-07-2016 02:10 AM

يارب انا وانت واتشرفت بحضرتك وان شاء الله هعمل بنصحتك ده بس هي ماروتي سوقها حلو انا صراحه كنت رسيت على لادا

**lancer06** · 18-07-2016 06:32 AM

الشرف لينا
الماروتى من اكتر العربيات بيعا وشراءا فى مصر لانعا صغيره الحجم فسهل تركنها واقتصاديه جدا فى الاستهلاك البنزين قطع غيارها رخيصه واعطالها قليله
بالمبلخ دا ممكن تجيب ٢٠٠٠ او ٢٠٠١ فابريكا دواخل وخوارج بس اختار حاجه عدادها قليل وحالتها نضيفه علشان تلاقى زبونها وتلاقى مكسبك

**farouk 147** · 19-07-2016 12:31 AM

جزاك مل خير ان شاء الله بس انا حابب اوضحلك حاجه انا هجيب العربيه وابعها فى البحيره كوم حماده لو تعرفها وانا كل الي بشوفو فيات 128 شاهين لادا هيونداي اكسل بيجو 504 سكودا فليشيا مازدا 323 وهي باين واحده او اتنين باكتير سوزوكي ماروتي.....واسف لو بتقل على حضرتك

**lancer06** · 19-07-2016 04:21 AM

يبقى تشتغل على الحاجات المطلوبه علشان تبيعها بسرعه لكن كان غرضى فى انك تشتغل فى موديل احدث بالمبلغ ده

الماذدا ٣٢٣ سنه صنعها ١٩٨٢
والفليشيا من سنه ١٩٩٥ حتى ١٩٩٨
و البيجو اعتقد من سنه ١٩٧٣ حتى ١٩٨٠
والفيات ١٢٨ اعتقد من سنه ١٩٧٠ حتى اوائل ١٩٩٠
اعتقد انا افضل فرصه فى انك تلاقى حاله نضيفه هيا فى الاسكودا فليشيا علشان سنه الصنع تكون اقرب
لكن المشكله ان اى حاجه فيهم هتعدى السعر دا بإستثناء الفيات بيتهيقلى لازم تعيد النظر فى المبلغ علشان تجيب حاجه كويسه انما لوجبت بالسعر ده هتكون عاوزه تتشد