السلام عليكم
محتار بين فورد فييستا 2010 وبونتو ايفو 2011 وجولف 4
ايه رأيكم في ال3 من حيث الاوبشنز واسعار وتوافر قطاع الغيار واستهلاك البنزين واللي تعيش اكتر وماتتعبنيش في مصاريفها
ارجو المساعدة و شكرا جزيلا
عرض للطباعة
السلام عليكم
محتار بين فورد فييستا 2010 وبونتو ايفو 2011 وجولف 4
ايه رأيكم في ال3 من حيث الاوبشنز واسعار وتوافر قطاع الغيار واستهلاك البنزين واللي تعيش اكتر وماتتعبنيش في مصاريفها
ارجو المساعدة و شكرا جزيلا
الفورد جميله مفيش كلام
اوبشن وامان وثبات وكل حاجه
البونتو عن تجربه
صيانتها غاليه نسبيا
قطع الغيار متوفره و موجوده في كل مكان
بس غاليه نسبيا
العفشه بتاعتها مش بتاعه شوارع القاهره
بس عربيه ناعمه جدااااااا ثبات ممتااااز جداااااا
التكييف الي حد ما ضعيف شويه ظ لازم تكون مفيم العربيه عشان تقدر تحس بيه
وفي معلومه مش عارف صح ولا غلط الصراحه
بس اللي قالهالي واحد مهندس شغال في البونتو بالتحديد
انها بعد 100 الف كم العربيه بتبدا تاكل زيت
وده حصل معايا بالفعل
اول ما وصلت 98 الف كم
العربيه بالفعل بدات تاكل زيت يادوب زيت 5 الاف كم باغيره كل 3 الاف كم لان مش بيكون فيها باقي زيت كتير
تقريبا كل 1000 كم بتاكل ربع لتر زيت
والله اعلم بس انا باتكلم عن تجربه شخصيه
الجولف ... لا غبار عليها
اتا ارشح لحضرتك الجولف احسن
من البونتو في رأي
شكرا يافندم علي المشاركة و حضرتك مش أول واحد تقولي علي مشاكل في البونتو.. فيه عضو زميل هنا برضه قال علي مشاكل تانية زي البور الكهربا بيفصل ومشكلة في الفتيس بيمور لوحده.. حضرتك شوفت المشاكل دي او سمعت عنها في البونتو ايفو؟اقتباس:
المشاركة الأصلية كتبت بواسطة abo_salah
وبالنسبة للجولف حضرتك ليه فضلتها رغم ان الفورد 2010 وهي هتكون مثلا 2002 والاتنين ممتازين
مشكله الفتيس في بونتو عموما لو اتوماتيك
المانيوال مفيش منها اي مشاكل خالص
مشاكل الفتيس انه محتاج طريقه سواقه ومعامله خاصه
لانها مش اتوماتيك عادي زي باقي العربيات
هي اتوماتيك ومانيوال في نفس الوقت Dualogic
حسب كلام التوكيل بتحتاج تغير طقم دبرياج كل 40 الف كم
وفي ناس بتغيروا علي 100 الف كم
وفي ناس ربنا كرمها وماغيرتش طقم الدبرياج خالص
انا عن نفسي غيرته مرتين خلال 4 سنين
مره كان فعلا بايظ ومحتاج يتغير
ومره بالعافيه في التوكيل غيروه وهو سليم كنت لسه مركب الطقم الاولاني قبلها ب 4 شهور
بحجه انهم هايكشفوا علي الفتيس ولازم يفكوه وفعلا فكوه وغيرته وبضعف المبلغ اللي غيرته بيه بره التوكيل
غير كده الفتيس مفيش منه اي مشاكل
لو حضرتك هاتستعمله بالطريقه الصحيحه بتاعته
** حاجه مهمه **
الفتيس اتوماتيك اه ... بس هايديك احساس المانيوال عادي جدا
يعني هاتحس بكل نقله العربيه بتنقلها اكنك ماشي مانيوال .. بس العربيه هي اللي بتنقل
** مش هانكر برضه ان لو مشيت بيها مانيوال العربيه بتديك تسارع جميل جدا
عكس الاتوماتيك ** ده راي الشخصي
مشكله الباور اللي بيفصل ...
العربيه فيها CITY POWER
ده حضرتك المفروض تستخدمه وحضرتك بتركن العربيه فقط لا غير
ده بيخلي الدركسيون نااااااعم جدا وسهل تحركه عشان تعرف تركن بكل سهوله
اللي بيبوظه بقي ان ناس كتير جدا من كتر ما بيخلي الدركسيون سهل والحركه بسيطه جدا
بيستعملوه طول الوقت في السواقه سواء بيركن او لا ....
انا كنت برضه سالت في التوكيل عن طريقه استخدامه
المهندس قاللي ده في حاله الركن فقط لا غير
غير كده بيبوظ الباور ( بعد فتره استخدام كبيره طبعا )
لانه مش معمول عشان استخدام فتره طويله
بالنسبه للفورد او الجولف ..
انا كان معايا عربيه فورد اسكورت زيرو وقعدت معايا 12 سنه
اللي فاكره كويس اني كنت باشتري قطع الغيار بتاعتها الاصليه اغلي من قطع غيار ال BMW وقتها
عربيه جميله وصاج تقيل و بتاعه بهدله وشغل جامد بصراحه مالهاش حل
بس هو حسب حالتها
لو حضرتك شايف ان الفورد احسن من الجولف يبقي اتكل علي الله D:
اكيد فرق موديل 8 سنين مش حاجه بسيطه يعني
بس اعتقد ممكن الجولف تكون اوسع
شغلها وصيانتها اسهل من الفورد
ولا ايه رأي حضرتك ؟
انا ميال اكتر للفورد بس متردد اكتر عشان فعلا موضوع قطع الغيار واسعارها وماعرفش ايه مدي توافرها وايه نظام التوكيل و مراكز الخدمة.. لو ليك خبرة معاهم ياريت تقولي
بالنسبة للبونتو فالرؤية كده بقت اوضح عنها.. تسلم يا باشا
انا بتاع البونتو البور عندى فصل مرتين تقريبا مع انى مكنتش بستخدموا حتى فى الركن القصة انت كنترول العربية بيهيس ويفصل البور ولو رحت كشفت كمبيوتر مش هتلاقى العربية مسجلة عطل ودة الهبل بحد ذاتة كمان موضوع الزيت انا من و العربية ماشية 25 الف لحد 54 الف لان بعتها وهى ماشية 54 الف كانت بتاكل زيت فعلا حوالى كل الف كيلو لازم ازود حوالى مقدار كوباية شاى زيت مع انى كنت بحط اللزوجة اللى فى الكاتلوج ومش بحرق على العربية نهاءى وغيرت كذا نوع زيت لقيت نفس مقدار النقص بيحصل مهما غيرت نوع الزيت وفى مرة كنت حاطط زيت ومشيت علية حوالى 9 الاف وهو زيت 10 الاف ببص على المقياس الزيت ملقتش معلم على المقياس ان فى زيت يعنى العربية كلت فى 9 الاف حوالى 2 لتر زيت ومن ساعتها عرفت انها بتاكل زيت وبقيت زى الباشا ازود مقدار الكوباية بعد ما امشى 1000 كيلو . دة طبعا غير مشاكل طقم الدبرياج والفتيس الاتوماتك اللى كلمتك عنها قبل كدة a_b_s
طيب هو مفيش حل لموضوع انها بتاكل زيت ده ؟؟؟
لان في حد قال لي لازم نص عمره ولا شمبر حاجه كده من فتره
وانا مش مهتم اوي بالموضوع ده
وبازود زيت كل 3 او 4 الاف كم وخلاص علي كده
العربيه قرفتني فعلا
المفروض انها فيات يعني حاجه محترمه
عمري ما شوفت عربيه بالمنظر ده ولا صيني حتي !!
يافورد يا جولف
واميل للجولف بصراحة وان كنت احبظ موديل احدث