السلام عليكم

طبعاً كنت خلاص محتار بين النيو اوبترا و الصنى وعملت موضوع و تقريباً شبه اقتنعت بالاوبترا
و بعد ما شوفت معاناة ناس كتير منها مع احترامى لملاكها بس حسيت انها بطيخة انت وحظك
و احنا مش لاقيين الفلوس احنا تعبانين فيها فمش هنجازف ب ١٤٨ الف بالاوفر برايس بتاع المعارض

فدا خلانى ابص لفئات سعرية اعلى ووقع الاختيار على سى اليزيه اللى كنت اصلا حاططها فى دماغى من سنه
وكنت غيرت رأيى لانها سعرها وصل ل ١٦٠ الف من الوكيل طبعاً بعد اللى شوفته رجعت افكر فيها
و انا هيطلع عينى فى الفلوس لانها هتبقى تقسيط وخلاص اخدت الموافقه بس حتى الان متردد

هل دا افضل اختيار فى الفئة السعرية دي ... هل هتستاهل معايا انى افضل اقسط فيها ٥ سنين

فمحتار ومحتاج نصايحكم فى عربية فى نفس الفئة السعريه دى ولا الاليزيه كدا اختيار كويس

علماً بانى حاطط سعر اعادة البيع فى اعتبارى انه هيبقى قليل للستروين اصلاً بس مش عاوز اجيب عربية لغيري عاوز عربيه ليا و باقل مشاكل و امكانيات كويسة فى نفس الحدود السعريه دي ١٦٠ الف

انا اسف على الاطاله بس عارف ان الناس هنا هتساعدنى زى ما كانوا دايماً


وكل عام وانتم بخير