مروحة التكييف لاتعمل اسبرانزا 516 موديل 2010
السلام عليكم
اخوانى الأعزاء
معايا اسبرانزا 516 موديل 2010
اللى حصل كان التكييف شغال و الدنيا تمام وفجأة لاقيت المروحة فصلت تماما
رغم ان كل حاجة على شاشة التكييف كانت تمام حاولت اعلى المروحة مفيش فايدة
طفيت التكييف وشغلته تانى مافيش فايدة
الكمبروسر شغال وكل حاجة ماعدا المروحة اللى جوة تحت التابلوه
عملت سكان على التكييف ادانى 00 يعنى كل حاجة تمام
قولت يبقى اكيد فيوز
بصيت على علبة الفيوزات كلها سليمة وبدلت بين الكتاوت وبعضها بردو سليمة
قولت بس يبقى الموتور بتاع المروحة اتحرق
فكيت المروحة ووصلتها مباشر على البطارية اشتغل زى الاكس
ركبته تانى وبصيت على الفيش بتاعته لاقيت ان الارضى بتاعها مش واصل
فوصلتلها ارضى من بره اشتغلت تمام بس كنترول التكييف مابيتحكمش فيها نهائي
انا مش عارف اعمل ايه ومش عايز اى صنايعي يشتغل فيها لأن العربية ماوقفتش عند صنايعي قبل كدة وانا حاجتها بعملها بنفسي
وانا من مرسى مطروح عشان يعنى بعيد عن اى صنايعي ممكن يكون جنب حضرتك
ارجوكم ياجماعة اللى عند حل يقولوه
وشكرا للجميع