الموضوع: ملخص انقلاب تركيا

المشاركة الأصلية كتبت بواسطة م أحمد

بصرف النظر حضرتك عرفت منين نوايا الناس دى بس هل دا يعنى ان الناس اللى عندها خبرة فى الانقلابات فضلت الحكم المدنى

كلمة الاخ السورى تنطبق على جميع جنسيات الارض بما فيها النمازج اللى حضرتك ذكرتها اليابانى و الفرنسى والاميركى ....و بصراحة حاجة تحير :

نتابع النمازج المدمرة و نبوس ايدينا وش و ضهر على اننا مش سوريا و العراق

و لا نتابع نمازج البناء زى اوروبا و امريكا و اليابان و النمور و الهند و الصين و ماليزيا و جنوب افريقيا و.........إلخ

آخر حاجة فى كلمات مختصرة ... ازاى اقنع خصمى بعمل انقلاب ؟ ....بدفع له فلوس مثلا يعنى و لا ايه ؟ ولا اغريه بمناصب مستقبلا ؟ !!!

مفيش حد يقدر يعرف نوايا الغير بنسبة 100% لكن تقدر تحط حقايق وشواهد وتستنتج والاستنتاج ممكن يطلع صح او غلط والوقت هو اللي بيثبت صحة الاستنتاج من عدمه وما نقدرش نعمم ونقول كل اللي عندهم خبره في الانقلابات بيفضلوا الحكم المدني لان في حكام مدنيين بيكون حكمهم قمعي وفاسد لكن نقدر نتكلم علي الحاله التركيه علي وجه الخصوص... قفز الجيش علي السلطه في تركيا وصلهم انهم كانوا بيتسولوا وبالتالي اي حد عاقل هيرفض يكرر التجربه تاني خصوصا وان الجيش نفسه منقسم ما بين موالي ورافض.. الاتراك عارفين ان اردوغان بدء يظهر الوش التاني (وش الطمع) وبيحاول يثبت نفسه في الكرسي بكل ما اوتي من قوه وديكتاتور ومريض بجنون العظمه لكن في الاخر نص العمي ولا العمي كله...

بخصوص الحيره من النماذج اللي بنتكلم عليها فالموضوع ما يحيرش ولا حاجه ومفيش تعارض اننا نعمل الاتنين مع بعض. نحمد ربنا انه نجانا من مصير سوريا والعراق بس ما نكتفيش بكده وخلاص لا نتعلم من نماذج البناء ونسعي نكون زيهم..

اما بخصوص اقناعه الخصم بعمل انقلاب فاكيد هو لا هيقنعه بالانقلاب عليه ولا هيوعده بمناصب مستقبليه انما يستغل طمعه في السلطه ويوصله بطريقه غير مباشره انه ممكن يوصل لغرضه وده لعبة مخابرات .. لو متابع الموضوع يبقي اكيد عارف ان وزير الدفاع قال ان المتمردين محتجزين رئيس الاركان وان الحكومه مش عارفه مكانه لحد ما اعلنوا ان الامن حرره وبسرعه كانت غريبه ولما قبضوا علي قائد القوات الجويه السابق اللي كان مشارك في الانقلاب قال ان كل التحركات تمت بعلم رئيس الاركان يعني وارد جدا ان رئيس الاركان كان بيلعب دور العميل المزدوج .. يعني انا كرئيس جمهوريه عارف من اجهزة المخابرات ان فيه قادة جيش ولائهم مش ليا ومش موافقين علي تصرفاتي فاتفق مع رئيس الاركان اللي هو رقم 2 في الجيش كله بعد وزير الدفاع اللي هو فرد من الحكومه انه يفهمهم انه مش موافق علي تصرفاتي وانه عايز يعمل انقلاب وادي ايحاء لكل واحد منهم ان باقي افرع الجيش معاه وبعد التحرك يكتشفوا ان عددهم قليل وان الباقيين باعوهم

اردوغان ركن رئيس الاركان على الرف و عين قائد الجيش الاول رئيسا للاركان بالنيابة

كائنا ما كان السيناريو نصف الكرة الارضية هيتشل من الفرحه و النصف الثانى هيتشل من الحزن

المشاركة الأصلية كتبت بواسطة hany121

تمثيليه خايبه وتخطيط شيطاني من قردغان وحاشيته علشان يتخلص من كل معارضيه ويعدل الدستور وياخد صلاحيات لا متناهيه واتلعبت صح... عمال يقبض علي قيادات امنيه غير مواليه ليه وهيعمل مدبحه لكل معارضينه بحجة اللي حصل امبارح... هو فيه قادة جيش منظمين انقلاب يتقبض عليهم من الشرطه المدنيه بالسهوله ده.. هم القاده دول لما ينظموا ما سمي بالانقلاب مش المفروض انهم هيكونوا في غرف عمليات متحصنين في ثكنات عسكريه؟ ازاي الشرطه المدنيه بسلاحها الخفيف تقدر تقتحم وتقبض عليهم بالسهوله ده؟؟

وبعدين لما الجيش هو اللي نظم الانقلاب ليه بيقبض علي قضاه ومش اي قضاه دول قضاة المحكمه العليا ومحكمة النقض .. 2745 قاضي عزلهم دول كمان من منظمي الانقلاب؟؟ قردوغان بيوسع لنفسه السكه وهيدبح كل معارضيه في مجزره واحده ويخلص منهم ...

عاجل.. تركيا تعتقل 10 أعضاء بالمحكمة الإدارية وتبحث عن 140 بـ"النقض" |اليوم السابع


عاجل.. تركيا تعزل 2745قاضيا و5بالمحكمة العليا بعد تحركات السيطرة على السلطة |اليوم السابع

دول في اقل من 12 ساعه كانوا مخلصين كل حاجه وقابضين علي آلاف.. لحقوا يحققوا ويعرفوا اسماء المخططين في الوقت القليل ده؟؟ واضح ان اللست كانت جاهزه وعلي التنفيذ

المشاركة الأصلية كتبت بواسطة م أحمد