ملخص انقلاب تركيا

**Karim_Monir** · 16-07-2016 01:50 AM

ملخص اللي فهمته من انقلاب تركيا لحد دلوقتي من سكاي نيوز وعده مصادر
في حكومة شرعية اللي بيمثلها أردوغان و دي معاها الشرطة المدنية
وفي الجيش ودا لسه مش واضح موقفه لكن الانقلاب من داخله
و في جماعة فتخ الله جولن -اللي بيحاولوا يعملوا انقلاب بموالين ليهم داخل الجيش التركي
المواجهة بتحصل دلوقتي بين قوات الجيش و الشرطة المدنية
علي بن يلدريم طلع على قناة خاصة معرفش اسمها ايه يقول ان في محاولة انقلاب ودي مش حاجة مبشرة خالص انه يطلع على قناة خاصة ال trt القناة الحكومية لتركيا قفلت وتم السيطره عليها من قبل جنود الجيش التركي
في ضرب نار ومحاولات سيطرة ع البحرية و الاركان
المدرعات و الدبابات انتشرت في الشارع و طريق المطار و اغلاق اكبر جسرين في تركيا -الواصلين بين تركيا و اوروبا - و طيران على ارتفاع منخفض في انقرة و قطع الانترنت و السوشيال ميديا كمان
واضح ان التدبير قوي جدا
المترو وقف و الغاء جميع رحلات الطيران من والى مطار اتاتورك وصبيحه اكبر مطارين في تركيا
اعتقال رئيس الاركان من قبل مجموعة متمردة داخل الجيش -دا معناه ان الجيش نفسه مقسوم
اعتقال عدد من الرهائن داخل مقر قيادة الجيش
اردوغان مختفي من ٦ ايام لم يظهر على قنوات الاعلام واللي فهمتو انه بيقضي اجازته الصيفيه خارج اسطنبول من ست ايام
موقف امريكا والاتخاد الاوربي سلبي جدا
حظر تجول في كل انحاء تركيا
انفجارات عديده في كل انحاء تركيا
الاجانب والسياح لم يتم تحديد موقفهم وتم توجيه بيان ليهم بالتزامهم مساكنهم حتي تقرير خروجهم من الدوله بامان

**dede_dodo88** · 16-07-2016 03:00 AM

ربنا يستر و الوضع يهدى, الاحداث شكلها هتتصاعد و تركيا بالذات بيئة خصبة وارد يحصل فيها زي سوريا..

**ESO101** · 16-07-2016 05:24 AM

تركيا أقوى حليف سني
ولكن لا نتفائل بقصة فشل الإنقلاب
الجيش التركي منقسم وكذلك الشعب التركي
من المتوقع أن تتم تسوية للتهدئة
فتوقعي أن تركيا لن تستقر قريبًا
بخصوص موقف العالم ..
أردوغان كان يساوم الإتحاد الأوروبي بورقة المهاجرين واللاجئين
وكان يعاديهم جهارًا
فصمت الإتحاد الأوروبي إنتقامي ..

**ESO101** · 16-07-2016 05:34 AM

و لاحظوا الرقي
أعتى معارضي أردوغان رفضوا إسقاطه عسكريًا
هناك دروس في شرف الخصومة والإنتصار لمصلحة البلاد

**melouk1** · 16-07-2016 06:06 AM

اردوغان نقل تركيا لدولة قوية إقتصادياً و رفع مستوى المعيشة بدرجة تجعل الشعب التركي يتمنى بقاؤه
تركيا من الدول المانحة بعد ان كانت تتسول القروض مثل مصر في تسعينات القرن الماضي ..

**mmolazem** · 16-07-2016 08:20 AM

هناك شعب يحمى حقه و إن اختلفوا حول سياسات حكامه !!

**رامي مصطفى** · 16-07-2016 09:47 AM

انتوا نسيتوا ان تركيا بلد الارهاب مش دي شقيقة قطر.ولا انتوا بتدافعوا عن الارهاب!!!!!!
ههههههههه.دي الناس شمتانه فيها شماته؟؟؟؟؟

**mr_green** · 16-07-2016 12:05 PM

الشعب التركي ضرب مثال قوي جدا لكل العالم بوعيه و دفاعه عن حقه عشان مايرجعوش ١٠٠ سنة وره تحت حكم عسكري غاشم
مش ذي ناس تقولك ثورة جيش علي أردوغان
مش فاهم من إمتي الإنقلابات بقت ثورات!!
بالظبط ذي التليفزيون المصري لما أعلن بغشوميته المعتاده إمبارح إن أردوغان طالب اللجؤ لالمانيا!!
كلخا أيام و منظمي الإنقلاب هايتعمل معاهم الصح ليكونوا عبره لكل إنقلابي

**hany121** · 16-07-2016 05:03 PM

تمثيليه خايبه وتخطيط شيطاني من قردغان وحاشيته علشان يتخلص من كل معارضيه ويعدل الدستور وياخد صلاحيات لا متناهيه واتلعبت صح... عمال يقبض علي قيادات امنيه غير مواليه ليه وهيعمل مدبحه لكل معارضينه بحجة اللي حصل امبارح... هو فيه قادة جيش منظمين انقلاب يتقبض عليهم من الشرطه المدنيه بالسهوله ده.. هم القاده دول لما ينظموا ما سمي بالانقلاب مش المفروض انهم هيكونوا في غرف عمليات متحصنين في ثكنات عسكريه؟ ازاي الشرطه المدنيه بسلاحها الخفيف تقدر تقتحم وتقبض عليهم بالسهوله ده؟؟

وبعدين لما الجيش هو اللي نظم الانقلاب ليه بيقبض علي قضاه ومش اي قضاه دول قضاة المحكمه العليا ومحكمة النقض .. 2745 قاضي عزلهم دول كمان من منظمي الانقلاب؟؟ قردوغان بيوسع لنفسه السكه وهيدبح كل معارضيه في مجزره واحده ويخلص منهم ...

عاجل.. تركيا تعتقل 10 أعضاء بالمحكمة الإدارية وتبحث عن 140 بـ"النقض" |اليوم السابع

http://www.youm7.com/story/2016/7/16...%D8%B7/2802156

دول في اقل من 12 ساعه كانوا مخلصين كل حاجه وقابضين علي آلاف.. لحقوا يحققوا ويعرفوا اسماء المخططين في الوقت القليل ده؟؟ واضح ان اللست كانت جاهزه وعلي التنفيذ

-

الموضوع: ملخص انقلاب تركيا

LinkBack

أدوات الموضوع

عرض

ملخص انقلاب تركيا - انشر الموضوع فى :

-

-

-

-

-

المواضيع المتشابهه

ملخص لتعديلات المواتير

ملخص صيانة 10000

الكلمات الدلالية لهذا الموضوع

المفضلات

المفضلات

ضوابط المشاركة