الموضوع: السواقة لمطروح من اسكندرية

من فضلكم هو لو حد اول مرة هيروح مطروح سايق من اسكندرية الطريق سهل وفي لوحات طول الطريق تدلنا ولا في مفارق ممكن نتوه فيها

المشاركة الأصلية كتبت بواسطة م/أحمد عبد الفتاح

اول ماتمسك طريق اسكندرية مطروح من اول ٢١ لغاية مطروح البحر على يمينك ومافيش اى توهان وتخلى بالك من السكة لان ساعات بتلاقى عربيات فى وشك ماشية عكس الاتجاه فى الغالب بتبقى عربيات نص نقل - وعند بوابات القرى السياحية تركز علشان بتبقى فيه ساعات عربيات طالعة بسرعة من هناك .

كلام جميل وخلى بالك من البنزين اول ماتوصل مارينا 7 او العالمين فول بنزين لان المحطاط بتقل بعد كده فى الضبعه واحده وفى مطروح اعمل حسابك فى البنزين وخد بالك من الرادار قبل سيدى عبد الرحمن لازم واحد قبل مراسى خدبالك وربنا يستر طريقنا كلنا ؟