-
مشكلة في الفيرنا 2011
السلام عليكم
عربيتي فيرنا اوتوماتيك 2011 ظهر فيها من أكتر من سنة عيب اني لما بمشي بيها فى الشمس فى الصيف واشغل التكييف العربية بتسخن جدا وممكن عداد الحرارة يوصل للآخر .. ولو قفلت التكييف حتى من غير ما اقف الاقي العربية بردت تاني عادي ... غيرت المروحة بتاعت التكييف وغيرت الريدياتير بالكامل فى التوكيل والترموستات ولسة عندي نفس المشكلة .. ممكن تكون المشكلة مشكلة ايه ؟ مع العلم ان المشكلة بقالها اكتر من سنة يعني طبعا اتأكدت ان المية مظبوطة ونضفت فلاتر الهوا وعملت كل الحاجات المعروفة .. والمشكلة مش فى مؤشر الحرارة نفسه المؤشر مش معلق ولا حاجة كشفت عليه ... ممكن تكون المشكلة ايه ؟
-
مش عارف بصراحة هل ممكن يكون عيب السربنتينة
-
اتاكد من ان المروحة بتاعة التكييف بتشتغل لما تشغل التكييف وده بانك تدور العربية وتشغل التكييف وتفتح الكبوت وتشوف بعينك لمروحة بتشتغل ولا لا .
تانى حاجه ممكن يكون التكييف مشحون فريون بضغط اعلى من اللازم بيسبب حمل عالى على الموتور لما بيشتغل علشان كده لو المروحة شغالة تمام معاك يبقى تروح لحد بتاع تكييف يقيسلك ضغط الفريون ويشوف هل مشحون زيادة ولا كويس ويعالج المشكلة ان وجدت
Content Relevant URLs by
vBSEO 3.6.0 PL2