السلام عليكم و رحمة الله و بركاته
عايز أعرف رأيكم في الإستثمار في الساحل الشمالي
اللي لفت نظري للموضوع ده أخويا و هو بيحجز مصيف السنة دي
لقينا حجز اليوم ب1500 و الشاليه محجوز لمدة 3 شهور كاملين (يوليو و أغسطس و سبتمبر)
سألنا عن سعر الشاليه لقيته 600 ألف جنيه كاش و ده معناه أن العائد السنوي هو:
1500 * 90= 135000 بأعتبار حجز 3 شهور الصيف
مصاريف صيانة مثلا 10000 في الموسم
سمسرة 5000 في الموسم
أستهلاك مياه و نور 5000 في الموسم
يبقى العائد 115000/600000= 19%
و دي نسبة هايلة صعب تحققها في أي عقار سكني أو تجاري أو حتى مشروع تجاري مع الإحتفاظ بالقيمة في ظل تراجع الجنيه بالإضافة لأن نسبة المخاطرة صفر
طريق العلمين الجديد كمان هيخلي الساحل وجهة سهلة لأهل القاهرة و الأقاليم :auto:
ايه رأيكم
هل الحسبة مضبوطة و لا فيها تفاؤل زايد؟؟
هل في مصاريف مستخبية الواحد مش شايفها؟؟
هل في مخاطر؟؟
في إنتظار مشاركتكم
و يا ريت الملاك في الساحل يفيدونا أكتر عن تجربتهم