خبراء الألماني هل تنصحوا بهذه السياره أودي a4 2007 منوال بعد السيفيك ٢٠٠٨
السلام عليكم
انا بعت عربيتي السيفيك ٢٠٠٨ من كام شهر بحوالي ١١٥٠٠٠ الف و كنت ناوي اشتري بي ام ٣٢٠ موديل ٢٠٠٦ و شاء القدر ان اتعرض لأبتلاء من الله و الحمد لله لم اصبح قادر علي دفع الفرق
و أصبحت ابحث في حدود ١٢٠٠٠٠ الف
و كانت الخيارات
سيراتو ٢٠١٠ لم اقتنع
الينترا ٢٠١٢ شوفت لها حادث بجواري و أصبحت فتافيت
بي ام ٣١٦ كل الموجود منها حاله تعبانه
أوكتافيا ٢٠٠٧ او ٢٠٠٨ مش حاسس بيها
الي ظهور هذه السياره أودي a4 2007 منوال و بما أني من عشاق المنوال قررت البحث عن هذه السياره
لقيت واحده رشه جانبين صاحبها و عمله حادثه و فاتحه ايرباج من الجانب و صاحبها ماسك في ال١٢٠٠٠٠ و بعد الكشف محتاجه حاجات في حدود ٢٠٠٠٠
المهم اكملت بحثي الي ان وفقت في سياره زيزو بمعني الكلمه ماشيه ١٢٠٠٠٠ فابريكه بالكامل اول يد جميع الصيانات توكيل بالريبورتات بتاعتها كامله حتي و انا بكشف ألعربيه فعلا حازت إعجاب جميع الناس لدرجه ان القائم بالكشف و هو من أشهر الناس في الأودي و الفولكس فاجن قالولي لو انت مش هتاخدها احنا ناخدها ألعربيه فعلا ما شاء الله حاله ممتازه
لكن في لحظات أقول لنفسي تدفع المبلغ ده في منوال و خايف برده من أعاده البيع بعد فتره
لذلك قولت أسألكم اخواني لعل اجد ضالتي في تجاربكم و نصحائكم
و الله المستعان
