عرض للطباعة
أنا مستأجر لشقة من سنوات إيجار جديد وفيها تليفون أرضى مش بأسمى بأسم المستأجر القديم اللى باع الشقة لصاحب العمارة ، وأنا مستأجر من صاحب العمارة ومعرفش حاجة عن صاحب التليفون القديم ودخلت خدمة النت عليه وملتزم بدفع الفواتير للخط الأرضى والنت ، دلوقتى أنا دخلت تليفون أرضى جديد بأسمى ، عاوز ألغى الخط القديم (اللى مش بأسمى ولا بأسم صاحب العمارة ) وأحول النت على الخط الجديد أو أستفيد بعرض النت لخطوط التليفونات الأرضية الجديدة) ، أعمل أيه ؟
هتتجاهل الخط القديم تماماً وهو هيفصل لوحده لما تنزله فواتير وماتدفعش
لكن كدة صاحب الخط الاصلي هيواجه مشاكل لو جه يقدم على تليفون جديد في اي مكان
هيطالبوه بسداد الفواتير القديمه والغرامات أولاً
لو النت بأسمك .. تقدر تنقله عالخط الجديد عادي من خلال شركة النت .. لو ليك نقاط او امتيازات عايز تحتفظ بيها
او تقدم على نت جديد وتلغي القديم .. شوف الافضل ليك .
انا مستغرب صراحة ازاي ناس بتجيب خطوط تليفون بأسمها وتسيبها في الشقة بدون ماتلغيها
المفروض حد باع شقة .. يروح يرفع عداد الكهربا والغاز والميه او يعملهم تنازل اونقل ملكية .. ويلغي التليفون او يعمله نقل ملكية .
مايسبش حاجة بأسمه !
هوة صاحب التليفون متوفى وزوجته هىا اللى باعت الشقة وسايبين فعلاً الغاز والكهربا والتليفون بأسم المتوفى !!!اقتباس:
المشاركة الأصلية كتبت بواسطة dreamo
والنت بأسمى وأنا ليه نقاط على النت على التليفون القديم ده حوالى 50 ج خصم
ودلوقتى شركة الإتصالات كل شوية تتصل بيا علشان أقدم على النت على التليفون الجديد وهآخد راوتر هدية وخصم 50% لمدة 6 شهور
أعمل أيه ؟
ألغى النت من الخط القديم الأول وبعدين أقدم نت على الجديد ، ومدفعش فاتورة الخط القديم علشان يتلغى
ولا ممكن يطالبونى أنا بصفتى أنى كنت مقدم على النت على الخط القديم ده ، ولا رأيك أعمل تحويل بس للنت من القديم للجديد ومش مهم العرض ده ؟ بس أنا خايف يكون كده بثبت أن أنا ليا علاقة بالخط القديم ويطالبونى أنا ؟؟ مش عارف أعمل أيه ؟ آخر ميعاد لإشتراك النت على القديم بكرة 20/7/2016
مع العلم أنى أتكلمت مع خدمة العملاء دول فى التليفون وقلتلهم أنى عندى نت على الخط القديم وعاوز ألغى الخط ده ، نصحتنى الموظفة أنى أقدم الأول على النت على الجديد علشان تستفيد بالعرض وبعدين ألغى الإشتراك للنت من القديم وألغى الخط القديم كله