لو سمحت يا رجالة عايز اعرف زيت التعاون sj اية اضرارة على مكنة m52b25
ارجو الرد بأسرع وقت ممكن
لو سمحت يا رجالة عايز اعرف زيت التعاون sj اية اضرارة على مكنة m52b25
ارجو الرد بأسرع وقت ممكن
بي إم دبليو بتطلب إن الزيوت اللي تتحط في مواتيرها تكون معتمد من بي إم... يعني مش أي زيت يتحط.
زيت التعاون غير معتمد من بي إم... ده إلى جانب إن مستوى الجودة بتاعه منخفض لإن تصنيفه API SJ.
ودي مواصفة الزيت.
http://www.coop.com.eg/productFiles/4tds.pdf
لو عايز تحط زيت في موتور عربيتك.. لازم تتأكد إن مكتوب على علبته رقم مواصفة بي إم لزيوت الموتور...
لازم تلاقي رقم زي ده على ظهر العلبة ..
BMW Longlife-98 (ساعات بيكتبوها BMW LL-98)
أو BMW Longlife-01 (ساعات بيكتبوها BMW LL-01)
أي حاجة ما عليهاش أي رقم من دول ما تحطهاش في موتور عربيتك.
وعموما... اللزوجة لازم تكون زي طلب الكتالوج بردو.
...
الموضوع ده كبير حبتين... ﻹن كمية الماركات اللي في السوق لا تحصى.. وكل ماركة عندها كذا نوع زيت يختلفوا باختلاف توافقهم مع مواصفات ماركات السيارات..
باختصار .. امسك علبة الزيت... وبص على ظهرها...
لو لقيت عبارة BMW Longlife يبقى مبدئيا الزيت ممكن ينفع.. بس لازم تتأكد من إن الرقم اللي على علبة الزيت زي رقم الكتالوج أو أعلى منه..
شوف الصور دي..
http://i2.wp.com/69.195.124.137/~qui...ll01.jpg?w=590
http://blog.micksgarage.com/wp-conte.../oil-image.jpg
http://services.edmunds-media.com/im...477-125721.jpg
أشهر الزيوت (اللي أعرفها) الموجودة في مصر وتتوافق مع مواصفات BMW كالتالي:
0W-40 Oil | Mobil 1 New Life™ 0W-40
Shell Helix Ultra 5W-30 | Shell Global
Shell Helix Ultra 5W-40 | Shell Global
مجموعة آمسويل زيوت الأوروبية بالكامل
AMSOIL European
بالإضافة لأغلب الزيوت الألمانية زي زيوت وولفر مثلا.
طبعا.. زي ما قلنا قبل كده... مش كل ماركة بتبقى كل زيوتها تنفع... إنما كل ماركة بتعمل بعض زيوتها مناسبة لطلبات بعض المصنعين.. وبعض زيوتها مناسبة لطلبات مصنعين تانيين..
فمهما سمعت على أي زيت كلام جميل وقالوا فيه شعر وأغاني... لو ما كانش عليه رقم المواصفة الصح.. يبقى ما ينفعكش.
...