الموضوع: مقارنة بين أتراج و إمجراند و إنفي و لوجان و byd

المشاركة الأصلية كتبت بواسطة abo_salah

انفي
صالون واسغ
صاج تقيل وناشف جدا ( مش ورق زي عربيات اليومين دول )
قطع غيارها متوفره في كل مكان وباسعار مناسبه جدا
سعر العربيه 100 الف تقريبا
كنت اسمع ان بيركب لها قطع غيار لانسر بومه ( مش متاكد )
موتور 1500 سي سي ... يعني استهلاك بنزين معقول مش عالي
عربيه محترمه جدا لو قارنتها بالاتراج 1200 سي سي !!
صالون اوسع و الشنطه اوسع من اللوجان والاتراج

عيبها الوحيد في رأي انها مانيوال مش اتوماتيك
اعتقد كمان سعرها اقل بكتير من العربيات اللي حضرتك بتقارنها بيهم
بس خد بالك من موضوع الصاج بتاع العربيه
لانها انشف واحده في كل اللي حضرتك بتقارن بينهم

كلام جميل
بس ايه الفايدة من 1500 سي سي
أنا مش هشد بالعربية...أنا هشغلها ليموزين
و عايزها توفر بنزين
و موضوع أنها مانيوال بالنسبة لي ميزة مش عيب
عشان استهلاك بنزين أقل و أعطال أقل

المهم أن قطع غيارها متوفرة و أسعارها معقولة...دي نقطة كويسة

طب إعادة البيع ايه الأخبار؟؟؟؟

المشاركة الأصلية كتبت بواسطة abo_salah

ماهو عشان حضرتك هاتشغلها ليموزين
ما ينفعش تجيب اقل من 1400 سي سي
عشان العربيه تعيش وتعمر معاك فتره حلوه من غير مشاكل
لو موتور ضعيف هايبقي علي اد المشاوير الخفيفه يادوب
مستحيل تلاقي مثلا عربيه 1000 ولا 1100 سي سي و بتلف في الشوارع ليل نهار
مستحيل تلاقي تاكسي 1400 سي سي مثلا
كل التاكسيات 1500 1600
انا عن نفسي ( تجربه شخصيه ) معايا عربيه 1400 cc فيات بونتو
العربيه جميله مفيش كلام
بس الموتور باحس انه جايب اخره
هو اولا واخيرا طبعا حضرتك اللي هاتختار
هي نصيحه مش اكتر

شكراً للنصيحة
طب إعادة البيع أخبارها ايه؟؟

أي مشروع معرض للفشل...لو فكرت أبيع يا ترى هخسر كتير زي الأوروبي و لا ماسكة سعر زي الياباني و الكوري؟؟