عرض للطباعة
السلام عليكم ورحمة الله وبركاته
عارفة ان سؤالى اتكرر كتير وهوة عن اسبرانزا a113
العربيه عجبنى شكلها و حجمها ومواصفاتها بس فية ناس كتير خوفونى منها ال يقول دى اخرا سنتين وتتغير وال يقول صاجها بيصدى بسرعة
المهم ان فى المستعمل معروضه كتير ودة خلانى اقلق من ان ال بيشتريها بيخلص منها
ياريت حد يكون عندة a113 من كام سنة يعنى مش جديدة يقول حالتها و فعلا تستاهل اتمسك بيها والا لا
شكرا مقدما لكل واحد حيقول راى وافادة
متابع معاكى .. لانى عايز اشتريها للمدام
ان شاء الله حد يدخل و يفيدنا
برغم انى قلت سؤالى اتكرر مش معناة ان الاجابه موجودةاقتباس:
المشاركة الأصلية كتبت بواسطة mahaa
معظم المواضيع ال اعملت عن a113 من 2008- 2009
ياريت حد يقول الوضع الحالى وبالذات ال معاه من فترة
العربيه ماعيا من 5 شهور و الحمد لله اكتر من ممتازة انا كنت راكب ياباني و جربت الماني بردو و مشاء الله انا اشتريت العربيه من واحد كان هنا ف المنتدي و كان اد الثقه و العربيه كانت ممتازة
العربيه سواقتها جميله و اوبشنز مالهاش عدد و ثبات ع الطريق و خصوصا اني سافرت اكتر من مرة بيها بفضل الله بثبت السرعه علي 150 و بوصل ل 180 و ثابته و زي الفل
العربيه دي زي اي عربيه لو اول باول عملت الصيانات هاتديك احسن اداء غير كدا هيا مش بتصبر
عيوبها العفشه بتاعتها ناشفه و مزعجة بنشافنها دا انما بتفرق معاك ف السفر علشان سبورت و كمان شنطتها ضيقه انما صالونها واسع جدا جدا و بتاخد ناس كتير تكيفها حلو اوي و صينتها مش صعبه و ف الاول بس هاتتلخبط ف انك فين تعمل الصيانه و تشتري قطع الغيار لكن بعد شويه هاتتعود و الامور هاتستقر ... اللي ماعيا 2008 فيها مشكلة العضه ف الفتيس و كمان مشكلة 113 ان الغيارات ضيقه و دي ممكن تخليك بدال ماتجيب تالت تجيب اول انما كل دا بالتعود بيتظبط ... ف المجمل عربيه لطيفه جدا و احلي من عربيات تانيه ف نفس الفئة و هيا ارخصهم كمان و اذا فيه اي اساله انا هاجاوب ان شاء الله
و اخيرا صلاة الاستخارة كتييير اوي علشان ربنا يوفق
انا باشكر حضرتك جدا واسفة على التاخير فى الرد بس انا كنت فقدت الامل فى ان حد يرد عليا علشان كدة بطلت اتابع الموضعاقتباس:
المشاركة الأصلية كتبت بواسطة medo5th
ربنا يبارك لك فيها و يرزقك خيرها و يكفيك شرها
بالنسبه للمميزات انا عارفاها ودة ال خلانى احاول اجيبها انا مشكلتى فى العيوب وعارفة ان المساعدين بتوعها ناشفين اشتكى كتير من الناس منهم بس قالوا لما بيتغيروهم بتكون ممتازة
وصحيح الشنطة ضيقة بس اعتقد لو احتجت مساحة اكبر حتكون مش بصفة مستمرة والشبكة فوق العربية تساعد فى حل المشكله
سؤالى لحضرتك بما ان معاك 2008 وكدة ليها 8 سنين اخبار البارومة ايه فى العربيه ؟ لانى من كام يوم شفت 2013 وكان فيها ومتعالجة - صحيح السمكرى قال ال فيها مش مشكله بس قالوا برضة السعر مغالى فية ودة ال وقفنى عن الشراء
وشكرا لحضرتك مرة تانيه
العربيات فى الغالب بتكون على اد فلوسها ....
A113 .. مع اخويا من 5 شهور .... موديل 2010 ... عاملة 120 الف كم .. و اشتراها ب 45 الف جنيه ...عربية صغيرة و محندقة ... الى جسمه كبير شوية حيتضايق من قعدتها و من كرسيها .. و كمان الى متعود على عربيات كبيرة شوية حيتضايق جدا من حجمها ... بالرغم من ان حجمها مفيد جدا فى الملفات الضيقة
زوجة اخى .. و زوجتى ... معجبين بها جدا .. علشان حجمها الصغير
مسافة الكنبة الخلفية كويسة جدا ... انما تشيل 2 فقط ... لو 3 ... ربنا معاهم
الشنطة الخلفية صغيرة .... بس متناسبة جدا مع حجم العربية الصغير
العربية ثابتة ... صوت الموتور مزعج شوية لما تجرى بالعربية ...
الصيانة معقدة شوية ... علشان مساحة الحوض ضيقة .. و مواتير الاسبرانزا مش سهلة و بسيطة فى الصيانة
اسعار قطع الغيار معقولة جدا ... بس قليلة شوية ... مش منتشرة
العفشة ناشفة شوية ... و العربية واطية على الارض ... بس مش بتحك فى المطبات ... طالما مفيهاش 4 ركاب
التكييف ... جيد جدا
فى المجمل ... عربية استخدام خفيف ... كويسة .. و افضل من عربيات كتير فى فئتها
اشكرك على الافادة بالمعلومات - قريت فى موضوع عن السبرانزا هنا فى المنتدى ان واحد بيقول انها واسعة جدا من جوة مقارنه ب 128 قال كان معاة 128 لما اشتراها كانت اوسع جدا بس انا مش شايفة الفرق كبير بينهم الافى الارتفاعاقتباس:
المشاركة الأصلية كتبت بواسطة ahmed_eng2001
انا مقتنعة انها فعلا الافضل بس بعد ما شفت كتير منها 2012- 2013 اكتشفت انها الافضل فعلا بس لو اخدها زيرو وبما ان مش فية زيرو دلوقتى منها فالمستعمل مهما كان خفيف بيكون فية حاجةاقتباس:
المشاركة الأصلية كتبت بواسطة ahmed_eng2001
مع اخوك من 5 شهور .... موديل 2010 ... عاملة 120 الف كم .. و اشتراها ب 45 الف جنيه اخر واحدة شفتها 2013 - عامل 7 الاف كم - مطلوب فيه 66 الف وفيها بارومة بصراحة حسيت ان 66 غالى عليها
بصراحة دلوقتى بدل ما كانت هى خيارى الاول بقى خيارى الاخير وربنا يسهل والاقى حاجة مناسبه
اسعار السيارات زادت جدا فى الفترة الاخيرة .... و زى ما قلت لحضرتك .... كل عربية على اد فلوسها .... فلا تنتظرى منها الكثير
حضرتك تحددى احتياجاتك ايه فى العربية ... و بعدين الفلوس الى معاكى اخبارها ايه و ممكن تجيب ايه ... و فى الاخر .. الفلوس هى الى بتحكم
انا عن نفسى ... و ده رايى الشخصى ... مش بحب العربيات الصغيرة ... و خاصة الهاتشباك
... دى حاجة متهمش المالك ...... اول امبارح كنت بغير خرطوم الراجع بتاع الباور بنفسى .... تعبت جدا .. و رفعت العربية كتير من على الارض علشان اعرف اشتغل تحتها .. الخرطوم كان ب 160 جنيه
تيل خلفى ... 150 ...
جوان غطاء التاكيهات .. 40
تيل امامى .. 60
طقم كاتينة .. 600 جنيه .. سير و 2 بلية شداد
ربنا يوفقك للى فيه الخير
انا اللي بعتذر علي التاخير ف الرد
بالنسبه للبارومة هيا افه العربيات الاسبرانزا اجمالا ... و خدي بالك وانت بتتفرجي ع العربيه لانها ظهرت عندي بس ف حتت عادية جدا عند دوران العجل و عالجتهم عند سمكري صاحبي ب 100 ج ... الموضوع سهل و المعاينه الدقيقه هاتخليكي تتجنبي المشاكل دي ... بس علشان اكون منصف معاكي انا شوفت فيرنا و افيو و كانت البارومه مبهدلاهم ... و خصوصا لو كانت العربيه ايا كان نوعها ايه موجوده ف مدينه ساحليه
اشكرك اخى الكريماقتباس:
المشاركة الأصلية كتبت بواسطة ahmed_eng2001
زى ما قلت سابقة دلوقتى انا فعلا ملياها خيارى الاخير و ربنا يسهل بالصالح ان شاء الله
هوة انا فى اسكندريه بس ظهور البارومة فى الافيو والفيرنا اعتقد بيتاخر عن السبرانزااقتباس:
المشاركة الأصلية كتبت بواسطة medo5th
يعنى السبرانزا اخرها 3 سنين و يظهر فيها بسرعة
ال شفتة خلانى اقتنع ان السبرانزا رائعة زى ما كنت مقتعة بيها بس الزيرو ال استمتع بيها وهى جديدة وكل شئ باجله بيكون بس للاسف مفيش منها جديد اخر ديد كان ب 68 و دلوقتى فية ال بيبيع ال 2013 ب 66
باشكرك اخى الكريم على الرد
وربنا يسهل بال فية الخير