الموضوع: مش هاتصدقو اللى حصل عملت حادثة بسبب الاهمال

المشاركة الأصلية كتبت بواسطة ATKATOO

راجع من مدينة مصر والله ماشى فى حالى واكتوبر كلة واقف المهم دخلت النفق وكان واقف كلة بسبب النازلة الغبية بتاعتة وانا داخل النفق عادى جدافجاة سمعت صوت انفجار رهيب وخبطة قوية جدا انا بصراحة افتكرت الكوبرى وقع ولا حاجة اللى حصل ان تاكسى وقع جوة النفق فى مصافى المطر تخيلو ياجماعة اللى حصل التاكسى لما وقع كان فية بنات وصرخوا مع صوت واعقة التاكسى مع انفجار الكاوتش دة انت لوكاوتش فرقع فى الشارع بتتسرع من الصوت ولو دوست كلكس جوة نفق بتتسرع امال بقى كاوتش مع كل اللى حصل دة المهم كل اللى حصل دة مش حاجة نيجى بقى للاهم_وقعت التاكس جت فى نصف النفق على اليمين فطبعا كل العربيات عدت من مدخل النفق وخدت سرعتها واقعة التكسى فى المصفاة طبعا فجاة وغير متوقعة كان وراه نوبيرا لسة زيرو وراح داخل فى التاكسى النوبيرا اتدغدغت من قدام الكابوت بالريدياتير واموتور دخن والزجاج اتكسرررررر نيجى ليا انا بقى انا كنت فى الحارة الشمال وقدامى لانسر 2004 وفجاة بتاع الانسر وقف من الخضة وانا وراة مالحقتش اقف مع انى كنت مش بجرى اصلا مع الخضة والصوت رحت خابط فى اللانسر ماشى اللانسر فنوسها الشمال تدغدغ والاكصدام والرفرف الشمال انا بقى فضلت قاعد متنح ومش فاهم اى حاجة وصوت الكلكسات جوة النفق تصم والناس اتجمعت وبقو بالهبل ولا العتبة المصيبة وانا واقف بنت راحت جيا بكيا بيكانتو 2008 وراحت خبطة عربيتى من الجانب الفانوس اللى ورا راح مكسور واجانب اشمال راح متجرح اههههه المهم قلت مش مهم انا البنت نزلت واعتذرت قولتلها مش مهم وقدر الله وما شاء فعل ومشيت وكان كابوتها مرفوع من اليمين وفانوسها كمان اتكسر نيجى بقى لبتاع الانسر طلعت مش عربيتة وهو سمكرى فى الحرفيين ورايح يوصل العربية لصاحبها ومعاه الفواتير باللى تم تغييرة فيها ومش هاتصدقوا اية اللى كان متغير! الفاوس اللى ورا شمال بالاكصدام هو قالى هاتلى فانوس وهو هيتصرف فى اكصدام ماشى قولتلة حاضر (من اتلف شىء فعلية اصلاحة) اتصلت بسال على الفنوس لاقيتة ب175 جنية تايوانى قالى لاااااااااا دة انا عايز الاصلى مكتوب فى الفاتورة انى مغير الاصلى يعنى هاضحك على الناس وورانى الفاتورة لقيت مكتوب كام ؟؟؟ 745 جنية المهم كان رصيدى خلص فاخدت تليفونة اتكلم منة فسالت على الفانوس الاصلى فلقيتة بنفس السعر واديت الراجل التليفون وهو بياخد التليفون راح واقع منة على الارض راح جايبة وحطة على كابوت الانسر وكملنا كلام فجاءة بيدور على تليفونة لقاه اتسرق فى وسط الزحمة !!!!! تخيلوا المهم الموضوع خلص على ان ى اديتة 500 جنية وهو يتصرف بقى فيروز الزرقا والله ماحصلها حاجة غير ان الكابوت اتنقر من قدام والاكصدام عليها اللون الفضى بتاع الانسر اية رايكم فى اللى حصل وياريت تردو عليا علشان انا مخنوق وهفرقع وهاولع من اللى حصل وكلة بسبب الاهمال وياريت الكل يرد مش مجرد مشاهدة علشان انا تعيت من كتر الكتابة وجيبى اتوجع من ال500 جنية والعربية كمان

تم نقل الموضوع للاجتماعي وتغيير العنوان
تنبيه
يرجى الالتزام بمكان فتح المواضيع
واختيار عنوان مناسب بدون الزام الاعضاء بقرائتة او الرد
الادارة 1

اجتمعيات اية هو انا طالب عروسة اية اللى انت بتعملة دة




_________________________________
المكان المخصص للتعليق على مداخلات الاشراف هو قسم الشكاوى. لقد خالفت القاعدة رقم (8) ولذا فتستحق (إنذار).

يرجى مراجعة قواعد المنتدى

إ.م.3

المشاركة الأصلية كتبت بواسطة casperinoo

النفق ده فيه اكتر حاجه في طرق مصر بتستفزني وهي مصافي المطر المفجعه ديه



بس غريبه الحادثه قوي ...النفق ده علي طول واقف ..ازاي النوبيرا اتبهدلت كده
انا بصراحه مستغرب الحادثه ديه...لان النفق اصلا صغير ...ولازم تخشه علي هادي ..وبعد كده حتي لو دوست بنزين ..العربيه هتكون عدت الجزء بتاع المصافي لما تكون وصلت سرعة 40

+ 10000

عموما قدر الله وماشاء فعل

ساعات بشوف هناك ضباط او امناء مرور واقفين ينظمو دخول النفق ... بس اساسا ولا ليهم اي لاااازمة ولا بيعملو حاجه