الموضوع: تقيمى عن الهيونداى الجيتز بعد 20000 كم

المشاركة الأصلية كتبت بواسطة SAMEHNOSHI

انا معايا العربية دية من فبراير 2006 لحد دلوقتى, يعنى معايا بقلها 3 سنين كل يوم بسوقها و شايف انها كويسة جدا بالنسبة لحجمها و مشتكتش منها فى اي حاجة لحد دلوقتى, عايز بس اقول حاجة, كل ما العربية تكبر كل محتكون ثابتة اكتر فى السرعات العالية, يعنى اكيد الالنترا اكتر ثبات من الاكسنت فى السرعات العالية و اكيد الكورولا اكثر ثبات من الياريس فى السرعات العالية, لكن انا بتكلم ان العربية دية بالنسبة لحجمها و سعرها امكانياتها كويسة و اعطلها و مشكلها قليلة جدا, حاجة اخيرة حقولها المفروض ان العربيات الصغيرة دية مش مصممة للسفر و الجرى بسرعات عالية , دى عربيات مصممة للمناورة على سرعات متوسطة و داخل البلد فى الزحمة, و بيسموها city cars و العربية دية انا شايف انها ممتازة فى كدة

ممكن اضيف حاجة على كلامى اللى فات دة ...
ايوة الجتزعربية كويسة جدا وبقالها معايا من فبراير 2006 بدون اى مشكلة و عامل بيها 47 الف كيلو, و كل اللى غيرتة فيها لحد دلوقتى بخلاف فلاتر الزيت التالى : فلتر التكيف - البطارية بعد استعمال سنة و نصف - ولسة مغير زوج كوتش امامى. انا العربية اللى معايا دية عربية شركة مش عربية شخصية, الجتز عربية كويسة جدا يا جماعة للشباب, بس انا لما حشترى عربية شخصية ليا حشترى الكيا ريو او النيو اكسنت او الالنترا لانى متجوز و عندى بنتين عقبال عندكم و محتاج عربية اكبر من الجتز, الريو و الاكسنت العربيتن واحد بس الاكسنت كماليتها اكتر و ماتورها اعلى يبقى على السعرالمعروض هى اكيد الاحسن بس للاسف انا مش بحب شكلها خالصى و مش قادر اتقبلة و بحب شكل الريو اكتر(دة طبعا راى الشخصى و انت ممكن تكون عكس و بتحب شكل الاكسنت) كنت قاريت مرة فى المنتدى واحد كاتب ان فى عرض جامد أوى عمله الوكيل وهو زيادة 4 زجاج كهربا (بدل لتنين بس) + Airbag للسائق + الكاسيت الأصلى (مدمج فالتابلوه زى الأفيو) وكل ده بزيادة 1000 جنيه بس, لو العرض دة حقيقى و لسة موجود يبقى الكيا ريو ممتازة و انسب للاسر الصغيرة بكتير من الجتز