محتار يا جماعه ممكن حد يساعدنى لوجه الله امجراند7 ولا byd f3 ولا شيرى انفى
عرض للطباعة
محتار يا جماعه ممكن حد يساعدنى لوجه الله امجراند7 ولا byd f3 ولا شيرى انفى
انت قصدك L3 byd
بعد مقارنات على الطبيعة في المعارض اشتريت أنفي، وطبعا شوف اللي تستريحله اكتر بغض النظر عن كلام اي حد عشان متندمش بعد كده وبالتوفيق
Envy
بص طالما هتختار من ال 3 يبقي خليك في الانفي توكيل كبير ومبيعاتها كويسه
شيرى انفى
:bump2::bump2::bump2::bump2:
الانفي افضل ومتصدره المشهد حاليا
اتمنى من حضرتك تركب التلاتة وتختار اللى هتستريحلها اكتر
لأن كل واحد ادرى بذوقه واحتياجاته
لو الاختيار لنفسي اختار الانفى.
انا عن نفسي كنت محتار نفس الحيره وفي الاخر الحمد لله جبت الانفي
انفى ....تكنولوجيا المحرك افضل....صاج محمل ...عيبها مفيش اتوماتيك زى فئات الخليجى..ضمان 5 سنوات يعنى عيش برحتك
أنا عملت المقارنة دى من قبلك و الأختيار كان على الجميلة شيرى إنفى
عربية ممتازة
الانفى افضل فى كل حاجه وليها اسم فى السوق دلوقتى ويوم بعد يوم مبيعات الانفى بتزيد بس يارب السعر مايزدشى وربنا يوفق الجميع
امال إيه الشكاوي إللي في العفشة وان عفشتها بايظة وفيها تخبيط جامد؟؟؟
اتحلت فى الشاسهات الجديدة...العفشة والتريع اتحلو ..بس الكركرة بسيطة لسة...لكن صاج وماتور مشاء اللة
انا فوق 1700 رقم الشاسية الخاص بلسيارة...ومع كلام الجروب فى الوتس والفيس اكدتلهم ان التوكيل حل معظم المشاكل..فى الاصدارات الجديدة بدليل مش هشترى حاجة معيوبة معايا ضمان وهقول كويسة؟؟؟الجمعة 23 ذو القعدة 1437كمان البنزين لة عامل لما تحط بنزيمة وطنية بتاعت الجيش فرق جامد
الشاسيه ملهوش علاقه بلعافشه الشاسيه عباره عن هيكل حديد قوى يتم البناء عليه وهو ده البودى اللى الانفى نجحت فى اختبارات التصادم فى اوربا ؟لايمكن المصنع هيغير الشاسيه باى شكل اللى ممكن يتعدل العفشه او التعليق لكن شاسيه لايمكن لان ده سرنجاح الانفى الشاسيه القوى 1300كيلو ؟
لا يا باشا مش اصدى تعديل على الشاسية..انا اقصد انتاج الجديد من انفى التوكيل فى قلوب وابو رواش تم حل العيوب وفى الاصدارات الجديدة بتنزل الجديد منها حل عيوبها ...مبيعات الشهر الماضى رقم 1 فى بورصة السيارات
السلام عليكم ورحمة الله وبركاته وكل عام وانتم بخير ؟ هو حضرتك متخيل ان شركات التجميع فى مصر بتعدل على الصانع ؟لايمكن اولا مفيش شركه واحده فى مصر عندها المكابس الهيدروليك الاوتوماتيكيه اللى بتشتغل بلربوتات او التصنيع الالى للشاسيه وبلبلدى اسمها اسطامبا ودى هيا سر الخلطه لكل شركه بتصنع سيارات فى العالم ولا يمكن تدى السر لشركات او خطوط تجميع وده الكلمه الصحيحه لكل الشركات المصريه خطوط تجميع غبور ومنصور وابو الفتوح ؟ ببساطه كل حاجه بتيجى فى صندوق الشاسيه والمحرك والابواب الى اخره والايد المصريه العظيمه بتجمع طوبه فوق طوبه بدون علم او فكر رص طوب وخلاص ؟ على العموم الانفى هيا الافضل فى الوقت الحالى كسعر وتوكيل قوى لكن مايقال ان العفشه والسخونه كل ده كلام مش حقيقى العربيه كويسه جدا ومناسبه للسوق المصرى ؟
انا كنت نفس حيرتك ده بس لما سالت فى كل جروب خاص لكل عربية وعرفت مميزات وعيوب كل واحدة
شايف انهم متقاربين بس الانفى افضل من حيث الصاج والعزل والسعر :)
لكن لو هتدخل الL3 فى المقارنة انا شايف انها هتبقى افضل علشان طبعا الاوبشنز الى فيها بس لكن كتبلوه الانفى افضل وده طبعا ازواق
فانا شايف كمقارنة انفى وال L3
بس انا شايف انفى افضل كسعر ومميزات الى احنا بنحتاجها كعربية الباقى ترفيهات بس فرق ال30 الف بينهم انت اولى بيه :) لان معظم الميزات الى فى الl3 مش هتستخدمها كتير زى فتحة السقف والجى بى اس كلها ترفيهيات وبتبقى على حسب الازواق
بس خليك مقارنة بين انفى وال l3
وحاول تركب وتجرب وربنا معاك باذن الله :)