السلام عليكم
كنت بسال حضراتكم عن تاسيس صرف التكييفات
مقاس المواسير ؟
ارتفاع نهاية الماسورة عن الارض ؟
هل بتتصرف ع البلاعه ولا بيركبلها حاجه تانيه ؟
متابعكم للاهمية
وشكرا جزيلا
عرض للطباعة
السلام عليكم
كنت بسال حضراتكم عن تاسيس صرف التكييفات
مقاس المواسير ؟
ارتفاع نهاية الماسورة عن الارض ؟
هل بتتصرف ع البلاعه ولا بيركبلها حاجه تانيه ؟
متابعكم للاهمية
وشكرا جزيلا
احنا عندنا فى العمارة ماسورة بى فى سى ابيض تقريبا بقطر ٣ بوصة وعند كل شقة فيه فتحة بطبة مايلة لفوق علشان تدخل فيها خرطوم التكييف والماسورة اللى مجمعة المية بتاعة التكييفات نازلة على غرفة تفتيش ( بتبقى صندوق زهر بغطا زهر ليها دخل هو الماسورة وخرج ماسورة تانية موصله لغرفة تفتيش الصرف العمومى بتاع العمارة) والسباكين عارفين الموضوع ده لان ليه اكسسوارات تانية فى الماسورة زى وصلات بتتركب فى الماسورة عند كل شقة والوصلات دى هى اللى فيها الفتحة بالطبة اللى بتدخل فيها خرطوم التكييف ولو شقة مافيهاش تكييف بتسيب الطبة متركبة فى الفتحة
+ 1
الباشمهندس جاب الخلاصه
انا عامله عندى ولسه مركبتش تكييف وحاسسها فكره فاشله ..خرطوم عالشارع زى الناس وخلصنا
ده كان زمان
دلوقتي اصحاب العمارات بيرفضوا نزوا مواسير صرف علي الواجه
فالسباكين بقوا بيعملوا شبكه صرف بمواسير 1 بوصه في ارضيه الشقه من كل غرفه ومن الرسيبشن لحد البلاعه
شكرا لاهتمامكم وردودكم القيمه
انا جيبت بتاع تكييفات و حدد للسباك اماكن وارتفاعات المواسير وعملت صرف داخلى للتكييف
لان اصلا العمارة مش فيها صرف عمومى للتكييفات
وشكرا جزيلا
اهم حاجة كمان تعمل ماسورة كبيرة 3 بوصة عند مكان وارتفاع كل مكيف يمشى فيها مواسير التكييف بتاعة الفريون ودى الغلطة االى غلطها عندى فى البيت ومافيش اى حد من الصنايعية نبهنى ليها الا الكهربائى قبل الوش الاخير للدهان (هههههه)
علشان ما تضطرش تكسر الحيطة علشان تفوت المواسير ده غير مواسير الصرف اللى كلفتنى كتير من الوقت والجهد والفلوس وبوظت شرب النجارة 15 سم ارتفاع فلازم تظبط حلوق النجارة عالية لفوق وتعمل حساب المواسير اللى هتمشى فى الارض تحت السيراميك وفيها الصرف ده كمان
الموضوع ده كلفنى مصاريف فوق ما تتخيل والسقف بقى ارتفاعه قصير وفكيت النجارة علشان اقطع منها وارفع كل الحلوق ده غير العطلة