ارجو المساعده ارتفاع الار بى ام و عدم الدوران فيكترا بى2

**RareSpeed** · 22-07-2016 05:44 PM

السلام عليكم و رحمة الله و بركاته
المشكله محيرانى لانى غيرت حاجات كتير دون جدوى عربيتى فيكترا بى2 1600 الماتور الاسود
الار بى ام بيعلى لما ادوس دبرياج و صوت المكنه بيعلى معاه بيوصل لحد 1.5 او 2 او 2.5 و بلاقى العربيه بتمشى لوحدها بالرغم من انى مش دايس بنزين خالص و مبينزلش غير لما ابطل العربيه و ساعتها بلاقى العربيه بتاخد وقت اطول لحد ما تبطل و لما ادور تانى العربيه بتمشى عادى لحد ما ادوس دبرياج و اوقات بلاحظ انى لما بمشى بالعربيه مشاوير كتير بتبداء تهدى تانى بس لازم اطفى العربيه و ادورها تانى و كمان بيحصل و انا ماشى تنتيشه مع لما ادوس بنزين خصوصا فى اول مشوار الدوسه و كذلك الفتره الاخيره بقت بتقطع دواره تماما مفيش اى صوت غير تكة الكونتاكت و انوار التابلوه و بعد اكتر من محاوله تلقط و تدور عادى جدا مع العلم انى قايس البطاريه و الدينامو و حالتهم جيده و ملاحظ استهلاك زياده فى البنزين مع العلم انى غيرت طرمبة بنزين و بوجيهات و فلتر هواء و فلتر بنزين و موبينه و حساس ايدل و تم تنظيف البوابه اكثر من مره
و لكم جزيل الشكر

**RareSpeed** · 24-07-2016 11:06 PM

متابع

**RareSpeed** · 30-07-2016 03:54 PM

فى ناس بتقولى غير حساس ال tps و فيه ناس بتقول ممكن تكون مشكله فى ضفيرة الكهرباء
منتظر الرد من فضلكم

**mohamed sedaa** · 30-07-2016 07:54 PM

iحضرتك قيس ضغط طلمبة البنزين لو اكتر من 50 psi يبقي ف الغالب هو السبب
في بلف علي ماسورة الرشاشات بيركب عليها عداد ضغط

**RareSpeed** · 30-07-2016 09:28 PM

انا غيرت طرمبة البنزين يا باشا و محصلش اى تغيير بالرغم من ان القديمه حالتها كانت كويسه جدا

**mohamed sedaa** · 30-07-2016 10:52 PM

في منظم للضغط ملوش دعوه بالطلمبه هو اللي بيتحكم في ضغط البنزين
لو ضغط البنزين عالي الرشاشات هتحقن كميه اكتر من المفروض. ده هيعلي ال rpm ويحلي العربيه تاكل بنزين
انا عندي مركز صيانه و قابلت دي اكتر من مره ف الفكترا b
و ممكن يكون سبب تاني بس لازم نتاكد من ده الاول

**RareSpeed** · 31-07-2016 06:07 PM

تمام هتاكد باذن الله و الف شكر

**mbx4e** · 04-08-2016 12:57 AM

وممكن حساس الماب Manifold Air Pressure sensor
دا لو فيها
او السيرفو
وحساس الشكمان حالته ايه ؟؟؟

**Drsalah** · 04-08-2016 02:51 AM

احيانا لو علبه الشكمان مرسبه كربون او مسدوده دا بيخلى ضغط دخان الشكمان يرجع على الموتور ويعلى الار بى ام اما بالنسبه للدبرياج وبتمشى لوحدها شيك على مجموعه الدبرياج اكيد فيها تلف وان شاء الله خير

**Colin Chapman** · 04-08-2016 09:08 AM

المشاركة الأصلية كتبت بواسطة mbx4e

وممكن حساس الماب Manifold Air Pressure sensor
دا لو فيها
او السيرفو
وحساس الشكمان حالته ايه ؟؟؟

DESCRIPTION：
HHO carbon clean machine is the newest achievement with HHO gas and HHO agent cleaning at the same time.its innovative design and updated spare parts can increase the machine working efficiency to reach safer operation.