الرجاء المساعدة , مغترب ومحتار فى العربيات
السلام عليكم ورحمه الله وبركاته ,
فى الاول احب ان اشكر المنتدى الرائع وعلى مشاركات الاعضاء الفعاله , وعايز مساعدة ضرورى
انا بشتغل فى السعودية وقدامى سنترا خليجى 2016 ب 47000 ريال , جنوط وليد والفاضيه يعنى طاسات ب 42500 ريال وقدامى سيراتو استندارد فاضيه خالص 40500 ريال واللى فيها جنوط ب 46000 ريال , والالنترا بردة فى نفس القيمه تقريبا
المشكله الاولى : ان الاسعار متقاربه بينهم ومحتار بينهم ناس تقولى خليك فى الشعبى والمضمون وهات سيراتو عشان قطع الغيار فى المستقبل , وناس تقولى السنترا احلى بكتير واوسع وكفايه انها يابانى تقفيل تايلاندى واهى بتتجمع فى مصر يعنى قطعها هاتبقى موجودة أجلا او عاجلا .
المشكله التانيه : ان بعد ارتفاع سعر الدولار فى مصر , اما بحسب دلوقتى تمن العربيه بالدولار فى مصر وليكن مثلا 200 الف جنيه والدولار مثلا فى حدود 12 جنيه يبقى 16500 دولار تقريبا , وسعر اى عربيه من اللى انا محتار بينهم فى حدود 12500 دولار يعنى الفرق 4000 دولار فقط يعنى حوالى 50 الف جنيه ولسه مدفعتش جمارك لو هانزلها بعد سنه او اتنين ان شاء الله .
ولو هاكبر دماغى من موضوع عربيه انزلها مصر هاجيب مستعمل , والمستعمل هنا هايبقى فى حدود 30 الف ريال وهاخسر فيه فى خلال سنتين فى حدود 10 الف ريال فى بقول طب ماكنت جبت مالك اول وزيرو احسنلى
أفيدونى لان دماغى تعبت من التفكير
تحياتى