الموضوع: رينو سانديرو ستيب واي ولا سيتروين سي اليزية

الرينو جنوط ١٦ (أكبر من الستروين ١٥) وفيها جى بى اس وانتشارها اكتر فده يرجح كفتها من وجهة نظرى

المشاركة الأصلية كتبت بواسطة حسام حامد

هل فرق مقاس الجنوط دة يرجح كفتها في الثبات علي الطريق ولا ارتفاعها عن الارض يلغي الميزة دي؟

أنا كنت باتكلم عن وجهة النظر الاقتصادية بمعنى ان لو فيه عربية من ماركة معينة منزلة طرازين واحد بجنوط ١٥ وواحد بجنوط ١٦ حتلاقى اللى بجنوط ١٦ اغلى فدى تعتبر اوبشن زيادة ولو عربية فيها جى بى اس وعربية مافيهاش وتمنهم واحد او قريبين من بعض حاتبقى اللى فيها جى بى اسى فيها اوبشن زيادة .
من وجهة النظر الفنية برضه بالنسبة لعربية من ماركة معينة ومنزلة طراز ١٥ وطراز ١٦ الاتى مقارنة بين الاتنين :
١- الثبات فى الملفات احسن للـ ١٦ نتيجة ان نسبة ارتفاع جانب الاطار اقل فى الـ ١٦ عن الـ ١٥ وده بيقلل الحركة الجانبية للاطار فى الملفات (يعنى مش بتتزحلق فى الملفات) .
٢- الـ ١٥ اريح شوية من الـ ١٦
٣- الـ ١٦ بيستحمل اكتر شوية من الـ١٥
٤- الـكاوتش الـ ١٥ ارخص شوية
٥- الكاوتش الـ ١٦ اختياراته محدودة لأنه مقاس قليل شوية فى العربيات بس موجود .