الموضوع: أسعار بعض قطع غيار شيري أنفي

تيل الفرامل كأنه غالى شوية
لكن يتوقف على كونه بيتغير كل اد ايه..
يعنى هل كل 25 الف كيلو مثلا ولا اقل؟
ونوعه كويس ولا لأ؟
وهل فيه تيل من ماركة تانية يركب مكانه؟

بالنسبة للفوانيس والمرايات والأكصدام هل حضرتك او حد من الزملاء عنده فكرة عن اسعارها برضو ؟

المشاركة الأصلية كتبت بواسطة arkoon

تيل فرامل 380
فلتر بنزين 85 ( ممكن تجيب بتاع الدايو ب 45 )
فلتر زيت 45 ( بتاع التويوتا ب 30 يركب عليها )
فلتر هواء 118 ( بتاع ال 516 يركب عند التجار برا التوكيل من 75 ج وانتا طالع )
فلتر تكيف 70
شمعات احتراق 195 ( ممكن تجيب من 65 الى 220 حسب نوع البوجيه )
---
ولو حد عنده أي معلومات ممكن يضيفها .
تحياتي.

ممكن نعرف فلتر الزيت هو موديل ايه من تويوتا وكمان فلتر البنزين اي نوع من الدايو ومكان تركيب فلتر التكييف فين؟

المشاركة الأصلية كتبت بواسطة dr_haitham79

تيل الفرامل كأنه غالى شوية
لكن يتوقف على كونه بيتغير كل اد ايه..
يعنى هل كل 25 الف كيلو مثلا ولا اقل؟
ونوعه كويس ولا لأ؟
وهل فيه تيل من ماركة تانية يركب مكانه؟
_( التيل نوعه كويس وتقريباً كل 30 الف ودا بيرجع للاستخدام بردوا حسب طبيعت فرملتك وتعاملك مع العربية )
بالنسبة للفوانيس والمرايات والأكصدام هل حضرتك او حد من الزملاء عنده فكرة عن اسعارها برضو ؟

الفوانيس اسعارها زمان مقارنة بالحالي : مش كل الاسعار عندي بصراحة بس على قد ماقدر :
فانوس خلفي كان ب 450 دلوقتي ب 700 وفانوس أمامي سعر جديد 1700
اكصطدام خلفي سعر قديم 550 دلوقتي ب 880 .

المشاركة الأصلية كتبت بواسطة mostafakamal

ممكن نعرف فلتر الزيت هو موديل ايه من تويوتا وكمان فلتر البنزين اي نوع من الدايو ومكان تركيب فلتر التكييف فين؟

فلتر زيت التويوتا الهايلكس بيركب عليها وبتاع الكورلا اهم شئ الفلتر يربط كويس وكمان اللانسر البوما 2007 فلترها يركب .
فلتر بنزين التيجو يركب وكما 516 ودايو نوبيرا انتا لما تدور على قطعة تروح وتسأل عاوز زي دي مش تقوله نوع العربية خالص _ ( قطعة بتركب على البي ام هيا هيا بتركب على فيات لو قلت نوع عربيتك انتا كدا بتسمحله انه يدبلر السعر )
اما عن مكان فلتر التكيف ومروحة التنقية الدالخية فهيا موجودة في درج التخزين امام الراكب الجانبي .
طريقة الوصول :
افتح الدرج اكبس من الجنبين وانزل بيه لتحت .
هتلاقي قطعة طويلة بلاستك من الجنبيت ماسكة براحة فكها عشان متكسرش البلاستك الي بيمسك في الاطراف .
هتلاقي الفلتر اسحبه لبرا ومكتوبة عليه مكان Up عشان ترجعه لنفس الوضع بتاعه
نضفه او غيره على حسب حالته .

( تابع اسعار بعض قطع الغيار في التوكيل )

شبكه اكصدام علويه 820
فانوس امامي 1700
فانوس خلفي 695
فانوس شابوره امامي 350
فانوس شبورة خلفي 190
فانوس استوب 460
مرايات شمال 550
مرايات يمين 500

المشاركة الأصلية كتبت بواسطة arkoon

فلتر زيت التويوتا الهايلكس بيركب عليها وبتاع الكورلا اهم شئ الفلتر يربط كويس وكمان اللانسر البوما 2007 فلترها يركب .
فلتر بنزين التيجو يركب وكما 516 ودايو نوبيرا انتا لما تدور على قطعة تروح وتسأل عاوز زي دي مش تقوله نوع العربية خالص _ ( قطعة بتركب على البي ام هيا هيا بتركب على فيات لو قلت نوع عربيتك انتا كدا بتسمحله انه يدبلر السعر )
اما عن مكان فلتر التكيف ومروحة التنقية الدالخية فهيا موجودة في درج التخزين امام الراكب الجانبي .
طريقة الوصول :
افتح الدرج اكبس من الجنبين وانزل بيه لتحت .
هتلاقي قطعة طويلة بلاستك من الجنبيت ماسكة براحة فكها عشان متكسرش البلاستك الي بيمسك في الاطراف .
هتلاقي الفلتر اسحبه لبرا ومكتوبة عليه مكان up عشان ترجعه لنفس الوضع بتاعه
نضفه او غيره على حسب حالته .

شكرا لحضرتك عندي سؤال كمان لو سمحت انا عارف ان الموتور ياباني فهل حضرتك تأكدلي المعلومة دي

صناعة صيني تكنولوجيا يباني ميتسوبيشي شركة اكتيكو الصانع الصيني لمحرك السيارة مطور من شركة avl النمساوية موتور ميتسوبيشي بالنسبة للمكانيكة لكن مش صناعة يبانية . :) تحياتي .