تحديد انواع الادوات الكهربائيةواسعارها واماكنها
السلام عليكم,
كل عام وحضراتكم بخير, انا بحمد لله شبه خلصت تشطيب الشقة وكله بفضل الله سبحانه وتعالى وبفضل نصائح الاخوه هنا في المنتدى. فانا ناوي ان شاء الله ابتدي رحلة بحثي واللف ع الاجهزة الكهربائية وطبعا كنت كنت قرات بعض المواضيع الي تخص الموضوع ده فكنت حابب استفسر عن الاجهزة الكهربائية الي ممكن اجبها من حيث : نوعها وموديلها + رينجات الاسعار + ما هو توكيل الاجهزة + افضل الاماكن لشرائها كالتالي :
1- الغسالة
2- الثلاجة ( كنت قرات هنا ان الشارب ممتازة)
3-البوتوجاز ( نزلت امبارح شوفت بوتوجاز اريستون ايطالي بالكامل فهل ده كويس ولا فيه انواع تانيه ؟ )
4- سخان كهرباء
5- سخان غاز ( قرات هنا ان فيه سخان اريستون ايطالي تجميع مصري 10 لتر من جهاز خدمات القوات المسلحه )
6- التكييفات والي كان عليها هنا لغط كتيير هنا بس الخلاصه الي فهمتها ان الي جي والكارير بس طبعا لالي جي غالي اوي دلوقتي.
7- التلفزيونات ( لما نزلت شوفت ان الل جي الاسمارت كويسة فهل فيه حاجة تانيه ؟ )
* يا ريت بس يا جماعه تقوليلي الاماكن الي ممكن انزل اشتري منها وتوكيل الاجهزة , وشكرا مقدمااااا :)