الموضوع: تقييم السيارة جاك اس تو Jac S2

الف مبروك جميله جدا.كلها هيونداي i35
سعرها كام.
وربنا يباركلك فيها

المشاركة الأصلية كتبت بواسطة Sindibad

عندك حق لأن التوكيلات القديمة اساءت جدا للصيني وبالذات بعض السيارات التي كانت تستورد وتباع لمرة واحدة وبعدين الوكيل يختفي

لما تشتري سيارة - أي سيارة - حتى لو ماركة معروفة - لازم تتأكد ان السيارة موديل ماشي وله قطع غياره وله ظهير تاريخي زي السلاسل المعروفه النترا - كورولا - سيفيك - باسات - اوكتافيا - حاجه كده متكررة وليها كل خمس سنين تحديث للشكل - بالشكل ده تضمن انك واخد حاجه مضمونة مش كده؟؟؟؟


هههههه لأ طبعا مفيش مضمون في السوق المصري - مثلا اللي اشتري الكورولا من سنة 2008 و2009 لبس في الفتيس الجنوب افريقي وزهق من السيارة واللي باع بخسارة واللي صبر رغم عن انفه ومثلا اللي لبس في الجيتا والباسات ومشاكل الفتيس من موديل 2010 و2011 وغيره كتير

شوف الصيني قادم غصب عني وعنك وعن كل الناس ومش هنلاقي غيرة الفترة اللي جايه لأن البلد بتخرب ومفيش دولار والأسعار مولعة نار ولحد ما تتعدل بعد خمس عشر خمشتاشر تلاتين سنة هيكون الصيني حلم بالنسبة لكل الناس وهتشوف

والقرف ده هيكون منتهى امل ناس كتير - انا عمري خمسين سنة وحضرت ايام لما كانوا بيقولوا على الياباني بلا قرف زيك كده والكوري برضه فاكر الأكسيل - ههه كانت امل المصريين في سيارة رفاهية

الوقت جه على الصيني - والأيام بيننا -

معلومة - عاوزك تروح الصين مرة وهترجع مغير رأيك تماما
سلام

تسلم ايدك ولسانك على الكلام الجميل ده وانا كمان معايه صينى شيرى a15 وبركب عليها قطع غيار الجولف 2و3 وبتركب عادى بدون اى تعديل ؟وانا ياصديقى سنى قريب منك 45 سنه واشتغلت من صغرى ميكانيكى سيارات واشتريت 16 عربيه مستعمله جميع الانواع من الادا الى الانوس ودلوقتى معايه صينى مشاء الله زى الفل 6 سنيين من الزيرو الله اكبر سيبك من اللى يشتم فى الصينى بلاش ترد عليه خالص قول له اشوفك امس وشكرا ؟

السلام عليكم

اليوم ذهبت الى مدينة الشروق لترخيص السيارة بعد ما جاء اوراقها
فكانت فرصة لتجربتها على الطريق العام السريع (السويس) انا سقت رحلة ذهابا والزوجة ايابا من التجمع
الملاحظات بأمانة

1- التكييف جميل جدا واحسن من الكوري
2- الموتور صوته مش مسموع لو السرعة ثايتة
3- استهلاك البنزين 7 لتر لكل 100 كم متوسط داخل وخارج المدينة
4- العفشة احلى حاجه فيها مريحة جدا
5- زوايا الرؤية ممتازة
العيوب

1- تنقص جراب نظارة
2- تنقص كونسول وسطاني
3- تنقص بلوتوث
4- الدركسيون ناعم لدرجة تخوف ومحتاج سواق قدير للتحكم
5- الثبات متوسط نظرا لعدم الأختبار الجدي ولكن ملاحظ ان العفشة طرية حبتين فده هيأثر لكن لازم نجرب بجدية في مكان امان وهعطيكم الاخبار
6- السماعات والكاسيت مش حلوين عاديين واقل من العادي كمان
7- الموتور صوته بيعلى لما تتسارع والسحب بطيء لازم تزود فوق ال2200 اربي ام علشان تسحب معاك كويس

الكلام النهائي فيها

السيارة حلوة مفيش كلام - تنفع سيدات ورجال - جوه البلد ملكة ممتازة وناعمة ومجالها اكتر جوه البلد - بره البلد هتسد معاك لكن متتوقعش منها اكتر من امكانياتها يعني الثبات فوق ال120 مش هيبقي امان - التكييف الكراسي الرؤية الفرامل العفشة دي كلها مميزات لصالح السيارة و ده نقطة قوتها
الموتور الجير بوكس اماكن التخزين الكاسيت دول نقاط الضعف
السعر 135 الف جنيه - الوكيل ممتاز والخدمة ممتازه لأن معايا سانج يونج ونفس الوكيل ونفس مركز الخدمة

وأخيرا لكم مني تحياتي واي حد عاوز سؤال انا تحت امره

الصراحة تقييم فوق الممتاز

الحقيقة العربية ماشاء الله حلوة ... بس للاسف سعرها طلع لاكتر من 220 الف جنية .... فيا ترى ايه اخبارها معاك دلوقتى ... والتوكيل عامل ايه معاك ؟

المشاركة الأصلية كتبت بواسطة waeli

الحقيقة العربية ماشاء الله حلوة ... بس للاسف سعرها طلع لاكتر من 220 الف جنية .... فيا ترى ايه اخبارها معاك دلوقتى ... والتوكيل عامل ايه معاك ؟

السيارة ليست جيدة كما يبدو، المحرك و علبة التروس ليست قوية و متشنج


لذلك إذا كنت تبحث عن متعة لقيادة السيارة يمكنك البقاء بعيدا عن هذه السيارة


مع تحياتي
The car is not as good as it appears , the motor and the gearbox is not powerful and jerky

so if you are looking for fun to drive car you stay away from this car

Regards