السلام عليكم
انا معايا كيا سيفيا ودي الزيوت الموصي بها عايز اعرف بقي دي بتبقي فين ولا مثلا البنزينه بيبقي فيها كذا نوع من الزيوت علي حسب كل عربيه .. ارجو الافاده في المكان اللي اجيب منه ولما اجيب اقوله ايه يعني بتاع البنزيزنه هايفهمني؟
شكرا مقدما
عرض للطباعة
السلام عليكم
انا معايا كيا سيفيا ودي الزيوت الموصي بها عايز اعرف بقي دي بتبقي فين ولا مثلا البنزينه بيبقي فيها كذا نوع من الزيوت علي حسب كل عربيه .. ارجو الافاده في المكان اللي اجيب منه ولما اجيب اقوله ايه يعني بتاع البنزيزنه هايفهمني؟
شكرا مقدما
المكتوب ده درجه لزوجه الزيت الموصى بها لموتور عربيتك وهما درجتين لزوجه الأولى 10/30 والثانيه 10/40 والدرجه الأولى من الصعب تواجدها في مصر اما الثانيه فهى موجوده وهتلاقيها مكتوبه على جركن الزيت وفيه أسماء تجاريه كتير عندها الدرجه دى توتال وشل وولف وكتير وهو زيت تقريبا نصف تخليقى .
ببساطة حضرتك هتروح أي بنزينة (نظيفة) تختارها.. وتروح لمنطقة السوبر ماركت أو المكان المخصص لبيع الزيت فيها...
وبعد كده اتفرج على علب الزيت الموجودة عندهم...
كل علب الزيت ليها وش وظهر.. الوش عليه معلومات معينة.. والظهر عليه معلومات أهم بكتير..
http://www.pqiamerica.com/March2013PCMO/mobil1.gif
على ظهر العلبة هتلاقي كل المعلومات اللي تهمنا عن مستوى جودة الزيت.. والذات أكواد الـAPI والـACEA وأي أكواد تانية.
باختصار.. حضرتك هتقارن المواصفات المكتوبة في الكتالوج مع المكتوب على العلبة.. لقيتها زي الكتالوج أو أحسن يبقى الزيت ده تمام وينفع معاك..
لقيت الأكواد دي أقل من طلبات الكتالوج.. ما تفكرش فيه ولا تقربوش من موتور عربيتك.
دور كويس لحد ما تلاقي الأكواد دي... ولو ما لقيتهاش ما تشتريش الزيت.
دي صور الكتالوج اللي حضرتك رافعها..
http://www.nilemotors.net/Nile/attac...1&d=1469435981
http://www.nilemotors.net/Nile/attac...0&d=1469435922
حسب الصورتين دول.. فمواصفات الزيت المناسب للعربية هي كالتالي:
اللزوجة
10W-40 أو 10W-50
مستوى الأداء (الجودة)
لا يقل عن API SG.. وده يعتبر مستوى منخفض نسبيا .. بس تقدر تحط أعلى منه طبعا..
يعني تقدر تحط أي زيت بمستوى جودة SH أو SJ أو SL أو SM أو SN (بشرط يكون باللزوجة المطلوبة في الكتالوج)...
أي زيت بيحقق الشرطين دول هيكون أفضل زيت لعربيتك...
عموما.. الزيوت الكويسة اللي في السوق دلوقتي ما تقلش درجة جودتها عن SL.. وكل ما مستوى جودة الزيت كان أعلى كل ما حافظتك على موتورك أكتر.
أنصحك بزيت كاسترول ماجناتك 10W-40
Castrol Arabia | Castrol MAGNATEC
http://www.castrol.com/content/castr...2844119544.jpg
ومش هو بس... فيه زيت تانية كتير في السوق ليها نفس المواصفات ...
...
أيوه هي دي..
ونصيحة أخوية .. ياريت تدخل على الموضوع ده علشان محدش يشتغلك :)
http://www.nilemotors.net/Nile/341680-a.html
...
انا قريت معظمه .. ماهو اللي خلاني ادور علي كتالوج العربيه اصلا انا كنت فاكر ان اي زيت موتور بس الفكره في البراند يعني مثلا موبيل احسن حاجه فاهم؟ طلع فيه اعتبارات تانيه انت عرفتهالنا بقي :) انا اصلا اول مره اركب عربيه فا لسه بخبط وبقرأ كتير عشان الصنايعيه مايشتغولنيش .. شكرا ليك جدا :)
ما تحطش موضوع البراند في دماغك...
أهم حاجة المواصفات ... لإن فعليا لو لقيت نوعين زيت زي بعض بالضبط في الأكواد باتعت الجودة مش هتلاقي فرق محسوس في أداءهم في العربية ..
ولو قدامك زيوت متشابهة في المواصفات يبقى ساعتها بس ندور على البراند.. ولو البراندات كويسة ممكن نبص بعد كده على بلد المنشأ..
إنما المواصفات هي دايما الأساس.. حتى لو كان الزيت بتاع التعاون أو مصر للبترول.
إنما المشكلة الأصلية هي احتمال الغش.. يعني تشتري زيت مستعمل (أو حتى زيت أكل) متعبي في عبوة زيت مشهور وتحطه في عربيتك.. يبقى كده الموتور مع السلامة..
يمكن علشان كده بس بنحاول نلجأ للبراندات المشهورة ونشتريها من أماكن معروفة بسمعتها ..
...