كان عندى صوت دبة واحيانا رجة والعربية باردة روحت للميكانيكى كشف وقاللى غير القاعدتين بتوع الموتور اللى تحت لانى مغيرتهمش خالص من ساعة العربية ما جت هو بيقول مشققين بس طبعا انا مشفتش لانى منزلتش تحت العربية
بالمهم انى اشتريت القاعدتين اللى تحت واحدة تحت الرادياتير + واحدة اللى تحت فى النص بس واضح ان قواعد الموتور عندى كلها مفرغة من الداخل ولما مسكت قلب القاعدة اللى فيها الجلبة الحديد بلاقيها بتتحرك معايا بايدى ولا الأستك بتاع الفلوس فكل اللى متخيله ان الجلبة اللى انا بحركها بايدى دى احس انها ولا جلبة عجلة حتى
كنت قريت فى اكتر من موضوع انى ممكن املى الفراغات الموجودة فى القاعدة بالسليكون أهو منها حماية وفي نقس الوقت السليكون مرن يعنى بيروح وبيجى معى كاوتش الجلبة دة لانى بصراحة لما اشترتهم حسيت ان القواعد دة استحالة تشيل حاجة اصلا مش موتور عربية بتجرى
هل لو مليت الفراغات دى بالسليكون ليها ضرر لانى فعلا بعد ما اشتريتهم حسيت انى رميت فلوس فى الارض مع اقتناعى بانهم مهمين طبعا بس انك تحرك قلب القاعدة بصباعك الصغير وتروح وتيجى معاك دى صعبة جدا
اة بالمناسبه فيه قاعدة منهم تحس انها مسكة نفسها شوية مش بتتمط زى التانية
وشكرا
واسف على الاطالة
ملف مرفق 13004