الى اخواني بالعبور او الشروق اخوكم في حيره من أمره

السلام عليكم ورحمة الله وبركاته
اتمني تكونوا بأفضل حال
اخواني الكرام هذه مشاركتي الاولي واتمني الا تردوني صفر اليدين لاني احترت ,,,,
سؤالي
اتمنى اعرف ايهما افضل اليوم هل هي مدينة الشروق ام العبور وخصوصا اني شفت نفس المشاركه دي لكن قديمه من 2012 واعتقد ان الوضع اليوم متغير عن 4 سنوات
انا لدي من 200 ل 250 الف واريد دفعهم مقدم لشقه وماعرفشي ايهما افضل من حيث لو حبيت استقر فيها او ابيعها بعدين
كل طلبي من شخوصكم الكريمه
ايهما افضل وايه مميزات كل مدينه وماهي افضل الاحياء بمدينة العبور والشروق اللى اقدر اجيب فيها شقه بالمقدم ده وهل هليوبوليس الجديده ممكن نقارنها بالعبور والشروق والا لا ,,, وهل بالمقدم ده اقدر اجيب اي حاجه في التجمع ,,
انا عارف ان أسألتي كتير لك لاني محتار ياجماعه والله وخايف اخد اى خطوه بدون دراسه واندم بعدها ,,,,
جزاكم الله كل خير وبارك فيكم على الرد

الشروق أفضل لانها مدينة سكنية فقط
العبور مدينة سكنية تجارية صناعية زراعية وتكون افضل إذا كان عملك يتعلق بأحد الانشطة السابقة بها

الشروق لها طريقين للدخول والخروج بثلاث روابط على طريقى مصر الأسماعيلية وطريق السويس
العبور لها طريق واحد على مصر الاسماعيلية بمدخلين وطريق فى نهاية المدينة لبلبيس الصحراوى

هليوبوليس الجديدة مدينة جديدة ولا تصلح للسكن الآن لقلة الخدمات ولكنها استثمار جيد على المدى الطويل

اقتباس:

---

المشاركة الأصلية كتبت بواسطة no comment

الشروق أفضل لانها مدينة سكنية فقط
العبور مدينة سكنية تجارية صناعية زراعية وتكون افضل إذا كان عملك يتعلق بأحد الانشطة السابقة بها

الشروق لها طريقين للدخول والخروج بثلاث روابط على طريقى مصر الأسماعيلية وطريق السويس
العبور لها طريق واحد على مصر الاسماعيلية بمدخلين وطريق فى نهاية المدينة لبلبيس الصحراوى

هليوبوليس الجديدة مدينة جديدة ولا تصلح للسكن الآن لقلة الخدمات ولكنها استثمار جيد على المدى الطويل

---

هل هناك احياء مميزه أخي الكريم بالشروق وماهي متوسط الاسعار الذي يتناسب مع ما أملك من مقدم ,, جزاكم الله خيرا على ردك ,,,, واتمنى من الاخوه الا يبخلوا علي بالمعلومه ان كانت لديهم

وجود المنطقه الصناعيه وتوكيلات السيارات في العبور خليتها اكثر حركه ونمو واكثر سكانا وسوق العبور وجوده ميزه كبيره وبيخدم علي المدينه كلها واسعار الشقق في ارتفاع دايما بسبب الحركه السريعه وعامتا كل دول في القسم الغربي من المدينه من مدخل طريق الاسماعليه كمان في اكثر من طريق يربط ما بين طريق السويس و الاسماعليه زي الروبيكي في بدر و مبارك في الشروق ودول عن طريقهم بتطلع من طريق السويس لطريق الاسماعليه بلأضافه لقربها من موقف العاشر والحرفيين و طريق المطار والشيراتون وطالعه الدائري. بالنسبه لافضل الاحياء انت لازم تروح تتفرج بنفسك وتحدد الانسب ليك في حدود المبلغ اللي معاك بس أنا ارشحلك الحي الثاني علي الطريق الرئيسي قدام المدارس و السنترال ودا جنب الحي الاول اللي تحس انه حي في وسط البلد من كتر الحركه وفي منطقه هناك شبه الحرفيين بس علي اصغر فيها كل حاجه تخص العربيات وجنب برضوا حي الشباب اللي نفس حاله الحي الاول وجنب نادي العبور الرياضي والقسم والمستشفيات وخدمات كتير وفي نفس الوقت بيتميز بالهدوء الشديد فا دا يعتبر حي استراتيجي بالنسبالي عامتا انا هقولك علي جروب علي الفيس ادخله وهتلاقي شقق معروضه كتير في كل الاحياء اسم الجروب " ملتقي سكان العبور و جمعيه أحمد عرابي و مصر الجديده و مدينه نصر" ادخل هناك وخد فكره عن الاسعار والحياه واي حاجه اطلبها وهحاول اساعدك فيها ان شاء الله

نسيت اقولك ان وحده مرور العبور جوار الحي الثاني برضوا وتقريبا عمري ما شوفتها زحمه الكلام دا من سنه تقريبا

الشروق افضل
مدينه سكنيه صرف
تقريبا كومباوند كبير مفتوح
محدوده المساحه مالهاش اي توسع عمراني ودا في رائي افضل وميزه كبيره
مافيهاش تكاتك نهاءي زيها زي التجمع
العبور وبدر فيهم
مافيهاش مصانع
الشروق ليها مدخلين اسماعيليه والسويس
مقتنع انها افضل بكتر
العبور لو هاتسكن في السابع او السادس
بجوار كارفور ماشي
خلاف كده مش شايف اي ميزه

معلش وحاجه تانيه هي نفسيه
العبور قليوبيه
الشروق قاهره
مرور وتجنيد ومحاكم وجامعات مختلف
تماما

اقتباس:

---

المشاركة الأصلية كتبت بواسطة hugan

الشروق افضل
مدينه سكنيه صرف
تقريبا كومباوند كبير مفتوح
محدوده المساحه مالهاش اي توسع عمراني ودا في رائي افضل وميزه كبيره
مافيهاش تكاتك نهاءي زيها زي التجمع
العبور وبدر فيهم
مافيهاش مصانع
الشروق ليها مدخلين اسماعيليه والسويس
مقتنع انها افضل بكتر
العبور لو هاتسكن في السابع او السادس
بجوار كارفور ماشي
خلاف كده مش شايف اي ميزه

---

و الشروق احسن مكان فين؟
و طمنا عليك و مشكلة المرور

اقتباس:

---

المشاركة الأصلية كتبت بواسطة volociximab

و الشروق احسن مكان فين؟
و طمنا عليك و مشكلة المرور

---

ربنا يبارك في حضرتك
الشروق الافضل فيها مدخل ١ بالكامل فيلات من طريق السويس الي طريق اسماعيليه
الاعلي سعر في الشروق كلها لانها فيلات
وكل سكانها رفيعي المستوي
يوجد احياء عمارات ممتازه
وابعد عن مناطق عمارات الشباب
و العائلي اللي انا باني فيه جيد المستوي

اما بخصوص القضيه حضرتك عارف ان البلد دي بيمشي فيها كل شيء بالحب
شهاده من المحكمه بانقضاء الدعوي

اقتباس:

---

المشاركة الأصلية كتبت بواسطة mahmoudselim

وجود المنطقه الصناعيه وتوكيلات السيارات في العبور خليتها اكثر حركه ونمو واكثر سكانا وسوق العبور وجوده ميزه كبيره وبيخدم علي المدينه كلها واسعار الشقق في ارتفاع دايما بسبب الحركه السريعه وعامتا كل دول في القسم الغربي من المدينه من مدخل طريق الاسماعليه كمان في اكثر من طريق يربط ما بين طريق السويس و الاسماعليه زي الروبيكي في بدر و مبارك في الشروق ودول عن طريقهم بتطلع من طريق السويس لطريق الاسماعليه بلأضافه لقربها من موقف العاشر والحرفيين و طريق المطار والشيراتون وطالعه الدائري. بالنسبه لافضل الاحياء انت لازم تروح تتفرج بنفسك وتحدد الانسب ليك في حدود المبلغ اللي معاك بس أنا ارشحلك الحي الثاني علي الطريق الرئيسي قدام المدارس و السنترال ودا جنب الحي الاول اللي تحس انه حي في وسط البلد من كتر الحركه وفي منطقه هناك شبه الحرفيين بس علي اصغر فيها كل حاجه تخص العربيات وجنب برضوا حي الشباب اللي نفس حاله الحي الاول وجنب نادي العبور الرياضي والقسم والمستشفيات وخدمات كتير وفي نفس الوقت بيتميز بالهدوء الشديد فا دا يعتبر حي استراتيجي بالنسبالي عامتا انا هقولك علي جروب علي الفيس ادخله وهتلاقي شقق معروضه كتير في كل الاحياء اسم الجروب " ملتقي سكان العبور و جمعيه أحمد عرابي و مصر الجديده و مدينه نصر" ادخل هناك وخد فكره عن الاسعار والحياه واي حاجه اطلبها وهحاول اساعدك فيها ان شاء الله

---

أ محمود , جزاكم الله خيرا على الرد الشافي ,,, هاحاول اشترك فى الصفحات وممكن اكلم حضرتك ان احتجت اي استفسار ,,,
انا كل اللى محتاجه حي يكون بعيد عن الزحمه والتكاتيك والبياعين وفي نفس الوقت يكون راقي مأهول بنسبة 70% وممكن لو الخدمات في باقي الاحياء بالعربيه ممكن اروح ,, فهل الحي التاني بالشكل ده وايه راي حضرتك فى الحي التاسع , هو انا مخطط على متوسط 500 الف اجمالي المبلغ اللى ممكن ادفعه ( 200 مقدم + 300 اقساط على 3 سنين مثلا )

اقتباس:

---

المشاركة الأصلية كتبت بواسطة hugan

الشروق افضل
مدينه سكنيه صرف
تقريبا كومباوند كبير مفتوح
محدوده المساحه مالهاش اي توسع عمراني ودا في رائي افضل وميزه كبيره
مافيهاش تكاتك نهاءي زيها زي التجمع
العبور وبدر فيهم
مافيهاش مصانع
الشروق ليها مدخلين اسماعيليه والسويس
مقتنع انها افضل بكتر
العبور لو هاتسكن في السابع او السادس
بجوار كارفور ماشي
خلاف كده مش شايف اي ميزه

---

تحياتي لشخصك الكريم أ hugan وشاكر افضالك على الرد ,,,, هل موضوع ان كتير من أحياء الشروق مادخلهاش اي مرافق وده خلى كتير من الملاك يسيبوا بيوتهم ويتأجروا حقيقي !!! هل المشاكل دي لسه موجوده !!! واتمني حضرتك تدلني على أفضل الأحياء بما يتناسب مع المبلغ اللى معايه " اجمالي 500 ألف " وتكون راقيه من حيث السكان وطبيعة المباني مع وجود المرافق ولو نسبة 60 او 70 % ,, هل حضرتك حسيت باختلاف عن 4 سنين فاتت من حيث زيادة القاطنين فيها و حركة العمران والمرافق ونسبة الاماكن الخضرا !!!! ا!!!.,,,, انا هاروح الشروق علشان اشوف الأماكن هناك وهاعتمد على الاماكن اللى حضرتك هاتحددها ,,, واسف على كثرة السؤال ,,,,,

الشكر لله
شوف هي المشكله موجوده بنسبه بسيطه
لكن بتكون من خلال نصب بعض الشركات
اللي بتبيع قبل ماتبني وتوصل المرافق
لذلك اللي يشتري يكون المكان انتهي التشطييب وتم توصيل المرافق كامله
هي دي المشكله عدم معرفه البعض اسلوب شغل الشركات وازاي تائمن نفسك
اما افضل مكان المدخل الاول بلا منافسه
فيلات
يليها عمارات المدخل الثاني من طريق السويس
يليها الا سكان العائلي
الاسعار في حدود 3000للعمارات 3500للفيلات

اقتباس:

---

المشاركة الأصلية كتبت بواسطة mo7md007

أ محمود , جزاكم الله خيرا على الرد الشافي ,,, هاحاول اشترك فى الصفحات وممكن اكلم حضرتك ان احتجت اي استفسار ,,,
انا كل اللى محتاجه حي يكون بعيد عن الزحمه والتكاتيك والبياعين وفي نفس الوقت يكون راقي مأهول بنسبة 70% وممكن لو الخدمات في باقي الاحياء بالعربيه ممكن اروح ,, فهل الحي التاني بالشكل ده وايه راي حضرتك فى الحي التاسع , هو انا مخطط على متوسط 500 الف اجمالي المبلغ اللى ممكن ادفعه ( 200 مقدم + 300 اقساط على 3 سنين مثلا )

---

الحي التاسع ممتاز جدا .عندك برضوا عمارات مبنيه علي الطريق الرئيسي للعبور بجوار مدخل الحي الاول أمام نادي العبور مباشره وفرع تسيباس وامام رئاسه المدينه بتمتاز بالشكل الموحد الحديث وامام كل عماره جنينه خاصه بيها وراقيه جدا وسكانها ايضا والهدوء الجميل و 90٪ من سكانها عايشين فيها إن لم يكن كلهم والاهتمام بالنظافه هناك بمستوي عالي لانها واجهه المدينه بالنسبه للحي التاني فا فيه نفس المواصفات دي بس المباني هناك عائليه وبعض اصحابها بيبيعوا شقق ليهم في مبانيهم وفيها بعض العماير الخاصه ببنك الاسكان. بص هي الحكايه كلها في الحي الاول هو القلب النابض للمدينه الحقيقه فيه جميع الخدمات اللي ممكن تحتاجها وفي اي وقت في ال 24 ساعه ووقت الانفلات الامني اللي حصل كان هو الحامي والامان للاحياء القريبه منه ودا بيخلي العقارت القريبه منه اسعارها تعلي كل فتره . بالنسبه للاحياء القريبه من كارفور جميله جدا بس وجهه نظري ان هدوئها قاتل جدا سواء صبح او ليل ودا عن نفسي مابفضلهوش في الايام دي. عامتا بالنسبه لمشاكل التكتك والقليوبيه فا في اتحاد الاحياء من محامين و رجال اعمل وغيرهم بيعمل اجتماعات دوريه مع رئاسه المدينه والناس بتنشر نتيجه الاجتماعات دي في جروب مغلق علي الفيس وعامتا هما اتحاد قوي وبدور علي المصلحه للمدينه اللي هي مصلحتهم في الاخر برضوا. يعني انا رأي انك تتفرج علي المدينتين وتشوف كل حاجه بنفسك وتتأني تماما في اختيارك وربنا يوفقك ان شاء الله

[IMG]http://nileup.com/up/uploads/nilemotors_14695748101.jpg[/IMG]
دي شكل المباني اللي انا قصدتها في كلامي لو هتروح المدينه حاول انك تتفرج عليها جميله بصراحه

أ محمود , أ hugan ,,, أنا عاجز عن الشكر ياجماعه والله,,, أسأل الله ان يبصركم بالخير وأن يبصر الخير بكم وأن يمتعكم وذويكم بالصحه على ردودكم على كل أسألتي ,,, جزاكم الله خيرا اخواني الكرام :)