هل فعلا غطاء القربه ممكن يبخر الماء ويسبب ارتفاع فى حرارة الموتور فجاه؟ وما هى وظيفته بالضيط ؟ هل هى ضغط الماء لاسفل القربه وجعل الماء فى حاله انضغاط ثم يرفع الضغط عند عدم الحاجه مرة اخرى؟
عرض للطباعة
هل فعلا غطاء القربه ممكن يبخر الماء ويسبب ارتفاع فى حرارة الموتور فجاه؟ وما هى وظيفته بالضيط ؟ هل هى ضغط الماء لاسفل القربه وجعل الماء فى حاله انضغاط ثم يرفع الضغط عند عدم الحاجه مرة اخرى؟
غطا القربة في الأوبل مشابه لغطا الرادياتير في العربيات اليابانية والكورية..
الفرق إن دايرة التبريد في الأوبل وأغلب العربيات الأوروبية بيسموها دايرة مغلقة.. إنما في الياباني والكوري والأمريكاني اسمها دايرة مفتوحة..
في الدايرة المغلقة غطا القربة مهم جدا لإنه بيحافظ على الضغط جوه الدايرة ويمنع خروج بخار الماء..
http://repairpal.com/images/managed/...stem_09.11.png
على عكس غطا القربة في الياباني والكوري والأمريكاني ... لإن غطا الرادياتير هو اللي بيحافظ على الضغط.. والقربة مجرد وعاء بيستقبل فائض بخار المية الخارج من الرادياتير.. لحد ما الرادياتير يسترجع الفائض مرة تانية بعد ما يبرد.
http://static1.squarespace.com/stati...ng_system2.gif
يقال إن الدايرة المقفولة كفائتها أعلى.. بس الدايرة المفتوحة أبسط ومشاكلها أقل.
...
شكرا لردكم الوافى لى استفسار احب ان افهمه هل غطاء القربه لو تالف لا يكبس الماء بالقربه وبالتالى اجد الماء مرتقع قرب نهايه القربه ولو سليم بيضغط الماء للاسفل فى القربه ولا موضوع ارتفاع الماء وانخفاضه طبعا والعربيه دايره المسئول عنه هو الترموستات بالفتح والغلق حسب احتياجات السيارة ( ملاحطه. السيارة اوبل فيكترا سي مانوال)
شكرا جزيلا لاهتمامكم
أنا ما اتعاملتش مع العربيات اللي فيها دايرة مغلقة إلا قليل قوي.. فبصراحة ممكن ما أفيدكش في كل التفاصيل...
عموما...
الثرموستات مالوش دعوة خالص ﻹنه لما يقفل المفروض إن الدايرة تفضل شغالة بس داخل الموتور فقط.. والمية اللي برا الموتور (في الرادياتير والقربة) يفضل مستواها ثابت....
واللي بيحصل دايما إن مستوى المية يزيد في القربة لما العربية تسخن نتيجة تمدد المية والبخار اللي بيتكون مع سخونية الموتور... مش العكس.
...