الموضوع: محتاج مساعدتكم هشتري سوزوكي فان 2016 زيرو

1 - ايه اللي اخد بالي منه وقت الشراء في العربية وافحصها ازاي ؟

تبص على العربية من برة ومن جوة تشوف اى خبطات او حكة فى الصاج بتحصل كثير وبيداروها تشوف انوارك واشاراتك تبص على العداد وتشوف مشيوا بيها ولا لأ تدور عربيتك وتطمن ان دوارتها سريعة ومفيهاش مشاكل

2 - عايز اعرف جدول الصيانة كل قد ايه وايه هي الصيانة اللي المفروض اعملها
مع العلم اني من اسيوط ومفيش فرع سوزوكي عندنا
اعمل الصيانة برة ولا هيبقي في ضرر علي العربية ؟

العربية مش مستاهلة انك تروح بيها توكيل كل اللى هتعملة هتلاقى عندك فى كاتلوج العربية جدول الصيانة وهو ده اللى بيمشوا بيه فى التوكيل هتمشى عليه مع اى مكانيكى معرفة شاطر

3 - علشان العربية تبقي ثابته ايه افضل مقاس ونوع الكاوتش والجنط العريض المناسب
اللي ميأثرش علي العربية ؟

انا مركب 175/70 ده مناسب ومتعرضش اكثر من كده غلط على العفشة وهيدايقك فى فتح الباب الجرار وبالنسبة للجنط اختار واحد ميطردش العجلة لبرة كل ما العجل يبقى داخل جسم العربية يبقى افضل علشان فى الشتاء والطينة مراياتك وجسم العربية هيتبهدل كل ما العجل يبقى برة جسم العربية