انا ربني رزقني بطفل امبارح الحمد لله
درجه الحراره لا تطاق
وعندنا تكييف ف غرفه النوم
هل لو شغلته يضره ؟؟
الطبيعي انا كنت بنام عليه ودرجه الحراره ٢٦ وشغلته علي ٢٧ بس البيبي عطس
وطول الوقت بيعيط
عرض للطباعة
انا ربني رزقني بطفل امبارح الحمد لله
درجه الحراره لا تطاق
وعندنا تكييف ف غرفه النوم
هل لو شغلته يضره ؟؟
الطبيعي انا كنت بنام عليه ودرجه الحراره ٢٦ وشغلته علي ٢٧ بس البيبي عطس
وطول الوقت بيعيط
اولا ربنا يباركلك فيه ويحافظ عليه
ثانيا لا مانع من تشغيل التكييف علي 27 ولكن لا يكون مواجه للتكييف
ثالثا لازم تعرضه علي استشاري اطفال في منطقتك (واضح ان حضرتك من اسكندريه...وذلك لتحديد سبب ارتفاع الحراره اللي هيكون في الغالب من قلة الرضاعه مع ارتفاع حرارة الجو المحيط ولكن لا يجزم بالسبب الا بعد الكشف عليه
وافضل ناس اعرفهم عند حضرتك في اسكندريه (ا.د.ماجد عيسي) او
ا.د عمرو عباسي).
آمين يا رب ...
انا رافع الريشه لفوق بحيث ان تيار الهواء يبقي بعيد عنه
حضرتك انا كنت اقصد ان درجه حراره الغرفه هيا اللي لا تطاق مش درجه حراره الطفل .. هو بيرضع كويس الحمد لله ... ولسه واخد اول تطعيم ليه انهارده
هل اوديه لدكتور ولا كده عادي ؟
ربنا يباركلك في المولود
بس نصيحه ماينامش في غرفه مكيفه اضمن.لأن لسه مناعته ضعيفه جدا.وفيه حاجه غريبه ملاحظها ساعات باظبط الحراره على ٢٧ ةاصحى قلقان بالليل من البرد واخليه على ٢٨ ممكن لو حصل معاك كده يتعب لاقدر الله.
التطور الطبيعي للحاجه الساقعه ان الام تنام بالمولود في غرفه غير مكيفه والمروحه تكون مسلطه ع السقف وتلف تعمل هوا في الغرفه مش مسلطه عليهم مباشر.
وحضرتك تنام في التكييف بحجة المولود ممكن يتعب وممكن يصحى يعيط طول الليل وانا عندي شغل الصبح وحرام عليكم عايز انام واصحى فايق ولا علشان مش فارقه معاكم وبتصحو الظهر!!!!!...
بس اهم حاجه انا ماقولتلكش حاجه
الف مبروك، يتربي في عزك
درجة الحراره تكون 27 مع وجود غطاء خفيف للطفل
طبعا ما تعرضوش لاي تيار هواء مباشر ابدا
نصيحه لازم تشوف دكتور اطفال كويس يشوفه، تشيك روتيني ليس الا
ألف مبروك يا باشا و ربنا يباركلك فيه
التكييف لغاية 24 مفيش مشاكل حتى لو ينام بالليل فيه (هو اصلا مالوش مواعيد نوم) بس أهم حاجه الهواء مايكونش موجه ناحيته و تغطيه بغطاء خفيف.
العطس و الكحه و الزغطه كلهم طبيعيين في الأول , ماتقلقش.
يوم الأحد يتطعم BCG و تستلم الدفتر لو لسه ماستلمتوش.
و يرضع وقت ما هو عاوز و هو المفروض هيظبط مواعيده كمان 4 أسابيع و تكرعه بعد كل رضعه عشان مايجيلوش مغص و أهم حاجه الأم ماتزهقش من الرضاعه أو تقول إن اللبن قليل..... طبيعي جدا إن اللبن في الأول (لبن السرسوب) بيبقى خفيف لكن مع الاستمرار في الرضاعة بيبدأ إفراز اللبن يتحسن و الرضاعة تكون مرة من صدر و المره اللي بعديها من الصدر التاني.
و بعد اسبوع من الولاده تروح المستشفى اللي اتولد فيها يتطمنوا عيله و على وزنه و اٍسأل الدكتور لو يكتبلك نقط Vitamin D عشان العضم و نقط للمغص و كريم للتسلخات.
البراز طبيعي ان يكون لونه اصفر على برتقالي أو أخضر لكن مايكونش فيه دم (أحمر) أو أسود.
الطهارة يفضل في أول 40 يوم و مش لازم توديه لأستاذ كبير عشان هياخد فلوس على حاجه مش مستاهله.
و بلاش كل واحد ييجي يزوركم يشيله و يبوسه من خده عشان مايلقتش أي عدوي لا قدر الله.
لو عاوز أسامي دكاتره سواء للمتابعة أو للطهارة قول لي.
المشكلة الاكبر في تعرضه لدرجات حرارة مختلفة
يعني الولد - ربنا يحفظه - يطلع من الغرفة للحر عشان يغسل وبعدها يرجع تاني للغرفة المكيفة
او ان تبريد التكييف يكون مش جيد وطول الوقت الحرارة تبرد والترموستات يفصل التكييف ولما الجو يبقى حر يرجع يبرد الغرفة تاني
اظبط التكييف على درجة تخلي الجو مقبول فقط بدون اي درجة تبريد