الموضوع: مشكلة في شيفرولية لانوس 2016

السلام عليكم
عندي لانوس 2016 ماشية لغاية دلوقتي 18000 الف كيلو ( تاكسي ) من أول ما العربية وصلت 15000 الف كيلو وانا ملاحظ بعد المشاكل
1. سحب العربية ضعيف من غير التكيف وضعيف جدا مع التكيف اذا كنت بحط بنزين 80 أو 92 وغيرت فلتر الهوا ونفس المشكلة
2. عند تحميل أي نوع كهربا علي العربية ( تكيف . نور . كاسيت . انتظار . ) أو حتي فتح باب العربية بيشغل الانتظار ) عداد rpm بيعله لحد واحد ونص مع العلم أنه مش طول الوقت كده سعات بحمل كهربا ومفيش مشكلة
3.اخدت خبطة في الشكمان في مطب بس خبطة جامده شويه وتم حل المشكلة بس بسمع صوت تسريب غاز لما بكون واقف في مكان هادي هل ده ممكن يكون في تنفيس من الشكمان علما أن العربية مش بتسخن
4. بعد تشغيل العربية لمده 5 ساعات متوصله بحس أن العربية كأنها تعبت ( رعشة . سحب مفيش . ) لازم اريحها شويه وارجع اشغلها ترجع تمام بس مش اوي

آسف علي الإطالة بس كنت عايز اعرف انا بس الي عندي المشاكل دي ولا ده عادي في الانوس ولو مش عادي ارجوا المساعدة في حلها

اللانوس شغالة تاكسي من زمان ومنسمعش عنها الشكاوى اللى حضرتك ذكرتها..
يعنى دى مش طبيعة اللانوس
من رأيي حضرتك تتابع مرة صيانة مع مركز متخصص وتشوف ان كان فيه حاجة عايزة تتظبط
وتسأل حد من الزملاء اصحاب اللانوس مع التشغيل الكتير قد يكون فيه احتياطات معينة بيعملوها واحنا بالاستهلاك العادى مكناش نعرفها.
واخيرا:
مادامت العربية تاكسي من رأيي حضرتك تعيد النظر لتحويلها غاز بعد ما تتظبط معاك ان شاء الله.