الموضوع: نور الفرامل بقى كماليات

انا فعلا بضايق لما بلاقي عربية قدامي نور فراملها عطلان وعشان كده بحاول اسيب مسافة بيني وبين اللي قدامي تحسباً لاي مفاجأة من مفاجآت شوارعنا الجميلة.
انا اكتر حاجة بتعكنن عليا لما اي نور من عندي يبوز يعني نور الفرامل ده بحاول من فترة للتانية اشوفه شغال ولا لا بس طبعا ده يستلزم ان حد غيري هو اللي يسوق او يضغط على الفرامل وانا واقفة ورا العربية عشان اشوفه وده غالبا بيحصل لما يكون مثلا الميكانيكي بيجربها او بتاع ضبط الزوايا بيدخل العربية (لاني مش بحب ادخلها بنفسي :k17:) اما الاشارات فطبعا لازم كل اسبوع تقريبا بجربهم واشوفهم شغالين ولا لا ولو حصل مثلا وفيوز الاشارات ضرب بتعكنن جدا :k17: وبيبقي اول مشوار اقرر اروحه بالعربية وقتها هو الكهربائي عشان يصلح الفيوز ده وبأسرع وقت ممكن لاني مبستحملش امشي من غير اشارات بصراحة .

وبجد بستغرب جدا من الناس اللي بتكون راكبة عربيات حديثة والمفروض يعني ان كل انوارهم شغالة يعني مش عربية قديمة مثلا ونورها بايز ولا كشافها مكسور ومع ذلك مش هاين عليهم يستعملوا الاشارات الجانبية دي ، بجد حاجة غريبة يعني من حقي اعرف العربية اللي قدامي واللي حواليا دي رايحة فين عايزة شمال ولا عايزة يمين عشان اعمل حسابي لو هاتنقل من حارة للتانية علي الاقل على الاقل عشان اوسعلهم واسيبهم يدخلوا يوتيرن لو انا هامشي طوالي مثلا.

بجد ليه الناس بتعتبر الاشارات والانوار والمرايات الجانبية كمان كماليات يعني مش فاهمة ماهي لو مالهاش استخدام عملوها ليه يعني اكيد مش منظرة ولا يكونوا عمولها عشان يفرحوا العيال الصغيرين على اساس انها أضواء وألوان مبهرة بقي وكده .

انا بقف عل جنب لو صادف السياره اللى قدامى( ومشاء الله دول كتييييييييييييييييييييييي ييير) نور الاستوب بايظ
منتهى الغباء وقله الفهم دى اول طريق السلامه ليك قبل ماتكون للى وراك