اقتراحاتكم يا خبراء فى جامعات مصر المحروسة

طبعا لانى بثق فى رأى اعضاء المنتدى الافاضل
ولانى وسط اخواتى من مختلف التخصصات والاعمار حابب اخد رأيكم ؟

انا بنتى السنه دة كانت فى الثانوية العامة 2016 والحمد لله خلصنا من هذا الهم الثقيل بمجموع 79 % علمى علوم وخلصنا من شومنج والتسريبات وحرق الاعصاب

طبعا المجموع دة لا يسمن ولا يغنى من جوع بس الحمد لله على كل شىء حابب اسمع اقتراحات تدخل كلية ايه ؟
بس تكون حكومة لانى مش بشجع الكليات الخاصة الا للضرورة القصوى ولو سألتنى هقولك البنت فى الاخر شهادتها لنفسها ولولادها فى المستقبل ....يعنى الشهادة الجامعية للبنت بتختلف عن الولد .....فياريت تكون اقتراحاتكوا للكلية والتخصص يفيدها فى مستقبالها

وغالبا نطاق الاختيار هيكون الموقع الجغرافى (الجيزة ) وغالبا جامعة القاهرة

وشكرا لمساعدتكوا مقدما

انا مش متابع تنسيق الكليات بس لو تربيه اساسى او تجارة يبقى كويس وبالتوفيق

تربية - تربية تعليم أساسي - تربية نوعية - رياض أطفال - إقتصاد منزلى - كلية تمريض - المعهد العالى للتمريض - زراعة إنجليزى (تخصص بساتين) بس خللى بالك الدراسة فى زراعة صعبة جداً مش سهلة

اقتباس:

---

المشاركة الأصلية كتبت بواسطة amr011111

انا مش متابع تنسيق الكليات بس لو تربيه اساسى او تجارة يبقى كويس وبالتوفيق

---

فعلا كليات التربية اختيار كويس خصوصا سوق العمل للمدرسين فية طلب متزايد ....شاكر لمشاركتك

اقتباس:

---

المشاركة الأصلية كتبت بواسطة خالد

تربية - تربية تعليم أساسي - تربية نوعية - رياض أطفال - إقتصاد منزلى - كلية تمريض - المعهد العالى للتمريض - زراعة إنجليزى (تخصص بساتين) بس خللى بالك الدراسة فى زراعة صعبة جداً مش سهلة

---

الف شكر لمشاركتك بس حابب اعرف الفرق بين كلية تربية وتربية نوعية وتربية تعليم اساسى

بالنسبة للتمريض معتقدش هيكون عندها قدرة لانها بتخاف من الهوا :new::new: فما بالك بالحقن والجراحة والكلام الكبير دة

وبالنسبة لزراعة حلوة الفكرة بالرغم من الصعوبة .....ربنا ييسر والتنسيق يظبط

التربيه اللى هى تقدر تدرس اعدادى وثانوى
انما التربيه الاساسى انها تدرس ابتدائى وقدام تدرس اعدادى وبالتوفيق

كليه حاسبات ومعلومات فى اى جامعه خاصه

التكنولوجيا لا نهايه لها ةهى الحاضر و المستقبل
بس استثمر فيها صح

اقتباس:

---

المشاركة الأصلية كتبت بواسطة ah.farid

الف شكر لمشاركتك بس حابب اعرف الفرق بين كلية تربية وتربية نوعية وتربية تعليم اساسى

بالنسبة للتمريض معتقدش هيكون عندها قدرة لانها بتخاف من الهوا :new::new: فما بالك بالحقن والجراحة والكلام الكبير دة

وبالنسبة لزراعة حلوة الفكرة بالرغم من الصعوبة .....ربنا ييسر والتنسيق يظبط

---

كليات التربية بها أقسام إنجليزى وفرنسي وألمانى ولغة عربية وفيزياء وكيمياء وأحياء وتاريخ وجغرافيا وعلم نفس وتدرس إعدادى أو ثانوى
التربية تعليم أساسي فيها لغة عربية وحساب وعلوم ومواد إجتماعية بيكون التدريس للإبتدائى والإعدادى
التربية النوعية بيكون فيها موسيقى وفنون ورسم وأقتصاد منزلى وإعلام تربوى والتدريس إبتدائى وإعدادى
التربية للطفولة المبكرة (كلية رياض أطفال سابقاً) التدريس لمرحلة الــ kg
وممكن زى ماأحد الأخوة قال كلية حاسبات ومعلومات فى جامعة خاصة بس تراعيها بالدورات على طول
وربنا يوفقكم