المشاركة الأصلية كتبت بواسطة tasaka
بسم الله الرحمن الرحيم
الفتيس :
4 نقلات انوماتيك .. و ستيبترونك
المفروض انه بتاع ميتسوبيشى جالانت
حسب الرابط .. المفروض ده الكود بتاعه
F4A4BK1-N1Z
متطلبات الزيت عندى :
المطلوب زيت ديكسرون 3
تغيير زيت فتيس .. 4,8 لتر ( بس موش واضح ان كان شامل الفلتر ام لا ) ..
بس من سؤالى لميكانيكى التوكيل ان فلتر الفتيس ما بيتغيرش .. لو كلامه مظبوط يبقى المفروض نزودهم كلهم بعد تصفيه الزيت ( 4,8 لتر )
مافيش فلتر مابيتغيرش إلا لو كان فلتر قلبه شرايح معدنية (للهيدروليك وده بيتنضف برضه وليه تنظيف إبتدائى عن طريق يد موجوده عالفلتر بتلففها ١٠ لفات مثلا وتنظيف تام بفكه وغسيله واعادة التركيب) وده مش موجود غير فى بعض العربيات النقل والمعدات التقيلة. تغيير الزيت من شهرين :
استعملت زيت امسويل مالتى متوافق مع ديكسرون 3
الكميه اللى نزلت من الكرتيره ( بدون عمل اى شيئ خاص بالفلتر .. فقط تصفيه الزيت من الطبه ) .. تقريبا 4 لتر .. او 4 لتر و ربع
الكميه اللى وضعناها 4.5 لتر ( علشان انا طلبت القياس على ال P موش ال R ) ..
يعنى ازيد ربع او نصف لتر من الزيت القديم اللى نزلناه .. بس فى نفس الوقت اقل من الكميه المذكوره فى الكتالوج ( 4,8 لتر ) بربع لتر
الفرق ده جوه الفلتر طريقه القياس :
فى الرابط
file:///C:/Users/Previewtest/Downloads/As-T-T026%204FA4%20Automatic%20Transmission%20Chery%20T igo%20ttt%20OK%20OK%20OK%20OK.htm
صفحه 98 .. طريقه القياس على N
صفحه 157 .. طريقه قياس على P ..
و دى مذكوره فى الفصل الاخير فى الكتالوج ( فصل تعليمى عام )
صفحه 160 و ما يليها .. طرق قياس اخرى لاختبارات اضافيه Stalling و lag و غيره فيه منها بيكون على R
يظهر ان طريقه القياس على N بتكون لما تملى الفتيس و هو فاضى لسبب ما .. علشان كده الكميه المذكوره فى الطريقه 6.5L
تجربه الفتيس النهارده :
- قمت بمحاوله تكرار حدوث العيب باتباع نفس الخطوات .. العيب لم يظهر
- الفارق الوحيد انى عملتها العصر الساعه 5 بدلا من ميعاد الدواره البارده الطبيعى اللى بيكون الساعه 9 او 10 مساءا ..
ال ار بى ام فيه فرق على البارد ..
الساعه 5 النهارده .. بدأ 1500 و نزل 1200 ثم 1000 نقريبا بسرعه .. ده الطبيعى بتاع العربيه قبل عمل الريست .. انا دائما لا اعشق اول تعشيق الا بعد وصول ال ار بى ام 1000 موش اكتر من كده
لكن بعد عمل الريست بيبدأ 1800 ( عالى اوى ) و بعدين نزول بطيئ ل 1200 .. يمكن علشان الدواره بتكون بالليل و الجو بارد ( الساعه 9 او 10 مساءا ) .. و باعشق اول تعشيقه عند ال 1200 ( لانه بيطول على اللفات دى موش بينزل بسرعه ل 1000 زى قبل الريست )
انا شاكك ان ال ار بى ام العالى ده ليه علاقه مباشره .. يس برضه نرجع نقول هى بتقعد على N دقيقتين و ال ار بى ام بيكون بقى طبيعى 700 او 800
لو نقلت عالاربى ام العالى بتحصل خبطة فى كل اوضاع الفتيس الخطوات التى تم عملها النهارده للاختبار :
دواره بارده .. انتظار 20 ثانيه .. تعشيق R و الرجوع متر .. الانتقال الى N و الانتظار دقيقتين .. ثم بدلا من تعشيق R عشقت ال D علشان اشوف هل هتظهر مع ال D كمان ؟ .. كل شيئ طبيعى
ثم تكرار نفس الخطوات ثم تعشيق R .. كل شيئ طبيعى
ثم تكرار اى احتمال اخر .. .. كل شيئ طبيعى
قياس مستوى الزيت :
- تم القياس على N , R ,P .. تم القياس على البارد و على الساخن
- الساخن ..
مشى 10 دقائق ثم القياس .. ( لو مشيت نصف ساعه مثلا حنطلع كل القياسات زايده على اى نقله من الثلاثه ) .. كل اللى قرأته على النت هو مشى لمده بسيطه حتى يصل الزيت الى حوالى من 80 الى 100 درجه .. و بيطلبوا 5 دقائق مشى بالعربيه
- البارد على الواقف بدون تحريك السياره و الحراره تقريبا 90 سلانسيه
- ال N و P بيعطوا نفس النتيجه .. الاثنين اعطوا العلامه السفلى للسخن ( فيه نقص )
- ال R اعطى مقاس مظبوط .. العلامه العليا للساخن
أعتقد المقاس مظبوط خصوصاً والفلتر ماتغيرش وبيبقى اكيد جواه شوية زيت وكمان العلامتين بتوع الـ min والـ max طالما انت بينهم يبقى كويس وعلشان تطمن اكتر نحاول نحسب حجم الفلتر لو كنت شفته بالتقريب كده حاول تحسب حجمه ولو طلع مثلاً ٣٠٠سم مكعب يبقى فعليا حايشيل حوالى ٢٧٠ سم مكعب ( دول جوه الفلتر ومنزلوش ولازم يدخلوا فى الحسبة ) ولو الزيت اللى انت حطيته ٤٥٠٠ سم مكعب يبقى ناقصلك ٣٠ سم مكعب تزودهم ويادار مادخلك شر علشان توصل للـ ٤٨٠٠ سم مكعب المكتوبين فى الكتالوج. الخلاصه :
- كميه الزيت فى الكتالوج 4.8 لتر
- تم وضع 4.5 لتر فقط اثناء تغيير الزيت .. و القياس اليوم اعطى مظبوط على R
- القياس ناقص على N و P .. لو تم اكمال 0,3 لتر حسب كميه الكتالوج حيكون مظبوط
السؤال :
-
هل لو الزيت ناقص 0,3 لتر ممكن يسبب كده .. ام انها كميه غير مؤثره ؟؟ لان المقاس ناقص على P , N
٣٠٠ سم مكعب كتير ويفرقوا أكيد - بس زى ماقلتلك فوق الفلتر لسه جواه زيت
-
و هل لو الزيت زايد 0,3 لتر ممكن يسبب كده .. ام انها كميه غير مؤثره ؟؟ .. لاننا حطينا اكتر من الزيت اللى نزل حوالى ربع الى نصف لتر .. بس لاحظ ان الميكانيكى قاس غلط وقتها .. لانى لقيته مظبوط على R النهارده ( بالرغم انى زودت ربع الى نصف لتر على المقاس بتاعه علشان اوصل ل P يومها )
عالإجمالى إللى اتحط مايعتبرش زايد
- هل ال ار بى ام اللى على البارد اللى عالى شويه بعد عمل الريست ليه تأثير و هل كمبيوتر الفتيس برضه بيتعلم و يأخذ فتره مع ال ار بى ام .. برغم ان الدبه حصلت بعد ما ال ار بى ام بقى طبيعى 800 مثلا
الأربى ام العالى بيعمل خبطة فى الفتيس بس مش أى درجة علو فى الاربى ام حاتعمل الخبطة لازم تكون عالية عن الايدل مثلاً ٤٠٠ لفة يعنى العلو يكون بنسبة كبيرة (وده من تجاربى الشخصية مش كلام علمى أو فيه مرجع بيقول كده)
بالنسبة لكمبيوتر الفتيس فهو برضه اتعمله ريست ( كل عربية ليها ريسيت بس الغالب إن الطريقة بتاعة شيل الكبل السالب شغالة مع معظم العربيات) والريسيت لكمبيوتر الفتيس علشان برضه يشيل الـ behavior أو الـ driving habits لأن الكمبيوتر دايما متابعها وبيسجل تقريباً أخر ٤٠ نقلة تموا إزاى - وبعد الريسيت الـ relearn بتاع الفتيس بيتعمل اتوماتيك بعد حوالى ربع ساعة سواقة عادية وهادئة بدون كيك داون.
تحياتى و اعزازى و تقديرى
المفضلات