عايز اركب تكييف خلفى فين؟ و بكام؟
عرض للطباعة
عايز اركب تكييف خلفى فين؟ و بكام؟
عربيتك ايه نوع وموديل ؟ وتقصد ايه بالخلفي؟
ابيزا 99 عايز تكييف منفصل او فتحات للتكيف للكنبةغااخافية
هتركبه ازاي
لو كدا تبقى كونسوله فيها مجرى هوا واخد من كويل مع شجرة مجاري الهوا لو العربية مالهاش اساسا يبقى اللي هايعمل كدا هايعدل يجيب بتاع اي عربية تانيه ويركبها
بس برده مش عملية غير مع العربيا الزيرو
هو صاحب الموضوع عايز كدا ليه ايه نوع المشكلة عندك قوة اندفاع الهوا ولا التبريد ؟
مش بيحسوا ويطلبوا انك تطفيه وتفتح الشباك
يبقى عندك مشكلتين درجة البروده وقوة اندفاع الهوا
ودا محتاج تنظيف التلاجه الداخلية من الاتربة والاوساخ لانها اكيد مسدوده طينه وشجر وتراب ودا بيأثر على اندفاع الهوا وكفاءة التبريد وبيزود الحمل الحراري كمان تأثيره الصحي
وتقيس ضغوط الفريون وتغير سرعة المروحة الداخليه البلاور فان عشان تعرف الفروق عشان تعرف قوة الكباس من ضعفه وتتأكد ان المراوح الخارجية شغالة صح بجميع سرعاتها والسربنتينة الخارجية ريشها او الزعانف بتاعها سليمة ونظيفة ومافيش عائق لاندفاع الهوا واحتمال تشحن فريون وتشوف فيه تسريب او لا بس تعمل الاجراءات الاخرى اولا عشان تأخد كفاءة اكتر
سؤال هل كفاءة وتبريد المكيف بتختلف يعني درجة السقوعة والعربية واقفة عالسلانسيه وهي في مكانها
عن ماهي ماشيه على سرعة قول مثلا
٧٠/٨٠كم/الساعة؟
ايوة بتختلف
ياريت حضرتك حبة تفاصيل
وهتحتاج تكشف علية لان عندك عطل او نقص في الكفاءة بتاعته ومحتاج تعمل اجراءات صح عشان الكشف يبين العطل
الابيزا اللي معاك كباسها بيشتغل فريون ١٣٤
بياخد زيت تخليقي ١١٥:١٣٠جرام وفريون ٩٠٠جرام
لو اللي راكب عند مكتوب عليه١٣٥ جرام زيت يبقى تاخد فريون٧٧٥جرام
اجراءات الكشف
١-نظف كويل التلاجه الداخلية كويس جدا
نظف السربنتينه الخارجية كويس جدا
اتاكد ان المراوح الخارجية شغالة صح بكل سرعاتها
٢-طبيعي انك تقيس الضغوط للكباس عشان تعرف كمية الفريون ناقصه او ضغوطه عالية ولا ضعيفه يعني الكباس مفوت ولا تعبان وممكن تزود فريون لو النظام اتحسن اعرف انه ناقص وفيه تسريب لازم يتعالج الاول مع اني افضل انك
ماتزودش فريون انا افضل انك تفضيه تماما وتغير زيت الكباس هاتفضي الزيت اللي فيه وتشوف الكمية دي كام وتحط زيها وطبعا لون الزيت اللي نازل هايبين حالة الكباس اذا كان محتاج تغيير ولا لا لو وسخ اسود اعمل حسابك على واحد
وممكن تغير مع الزيت بلف الكونترول ويتفرغ كويس جدا قبل الشحن لمدة نص ساعة او ساعة وبعدين تشحن فريون بالوزن تعرفه زي ماقلتلك عن طريق معرفة كمية زيت الكباس المكتوبة عليه
المهم تعرف الضغوط العالي والواطي كام قبل (قياس الضغط قبل الشغل اللي هايتعمل وبعده )الكلام دا وبعد الكلام دا
لانه بيحدد الاعطال التانية زي
حالة السربنتينه الخارجية بتأثر جامد جدا على كفاءة التكييف وغالبا بتبقى مسدوده سدد جزأي داخلي والناس مابتحبش تغيرها لانها غالية
طبعا بتغير معاها الفلتر بتاع الفريون او الرسيفر دراير وكمان الاكسبنشن دايما بيعلق بسبب الرطوبه جوا المواسير عشان كدا لازم تفرغ كويس جدا
بعد اكتمال الشحن ودي علامته
ماسورة السحب او الراجع الماسوره الكبيره تبقى معرقة مياه ومنديه بس الكباس لا لو وصل الندى للكباس تبقى شحنة زياده لو عملت طبقت تلج تبقى ناقصه
الضغط الواطي يكون٣٥psi مايزدش عن ٤٠ غير كدا يبقى عطل كباس او اكسبنشن
العالي ١٨٠psi مايزدش عن ٢٣٠psi وانت معلي rpm على 2000 لفة اعلى من كدا يبقى سربنتينه ودراير مسدوده
درجة الحراره في الفتحات الاماميه توصل٤و ٥ او٦ على اعلى سرعة مروحه داخليه
هتراجع طبعا على قلاب بوابةالدفاية او السخن يبقى مقفول تماما
مش محتاج لان المساحة صغيره من جوا وبعدين لو عايز اعمل دا اوبشن بس عالج المشكله وارفع كفائة النظام عندك الاول
تعمل هواية الكونسول للكنبه الخلفيه
انت ممكن تعملها زي ما انت عايز هي فكرتها مجرى هوا زي فتحات هوايات الطابلوه طبعا تعملها مجرى هواء واخد من علبة البلاور هو دي اعتقد اصعب جزأ عشان كدا قلت انك تجيب بتاعت اي عربيه استيراد وتوفقها تركب عندك
غير كدا ممكن تفك اجزاء كتيره في الطابلوه او تحله كله عشان تعملها صح وبكفائه
لاشكر على واجب اما بالنسبة لموضوع
هواية الكنبه الخلفيه ممكن تقرفك في التعديل دا شي اكيد كتوفيق قطع غيار مناسبه وتركيب صح ملائم وقوي عشان تديك كفائه
بس الاول صلح التكييف لانه مش شغال بكفائه
وانا مديلك تفاصيل مفيده جدا وعلمية وعمليه تساعدك على حل اي مشكلة عندك في التشخيص ورفع الكفاءة للمكيف بس واضح ان حضرتك مش عايز تخش في تفاصيل فنية بسيطه هاتفيدك جدا وهاتفرق وتوفر معاك هري واشتغالات الصنايعية والفنيين وغاوي حوار الهواية الخلفيه ( ممكن تكلفك متوسط ٣٠٠جنيه ممكن اكتر او اقل على حسب لازم تفك اجزاء من الطابلوه وعلبة البلاور تاخد منها مخرج هوا وهاتحط دكت او مجرى ليها لغاية الفتحات ورا ) ومايكنش مفعولها قوي او زي ما انت متوقع وهاتجيب هوا .
بس الاساسي السقوعيه يعني درجة الحراره او كفائة التبريد .
تاني حاجه مهمه قوة اندفاع الهوا من مروحة جوا الطابلوه او البلاور فان.
واحكام بوابات التوجيه جوا علبة البلاور فان. ونظافة الكويل الداخلي او التلاجه و....الخ.
لو لسا عايز تعملها اعملها مع شغل التكييف هايبقى ليها نتيجه حلوة وهايبقى تعديل مناسب وفعال واوبشن حلو زي ماقولتلك سابقا.
لو في مشاكل بتواجهك قولي وانا اساعدك فيها.
ahmed_eng2001
:bump2::bump2::bump2::bump2::bump2::bump2::bump2: