عرض للطباعة
بعد مشوار حوالى ساعه ونص ركنت واخر اليوم نزلت ادور مدارتش النور ضعيف جدا
بصيت على كابل لبطاريه لقيته مهوى وصاموله واقعه
ربطها ودورت زق واتوكلت على الله وروحت كان مشوار حوالى ساعتين وبطلت حاولت ادور ابدا
مع ان اللمبه لونها اخضر
دلوقتى هل البطاريه شيعت ولا محتاجه شحن على الدنجل ولا ايه بالظبط
وايه اخبار البطاريه نسر كويسه ولا ايه وطبعا جافه
على حسب، روح عند اي حد بتاع بطاريات قيس شحن الدينامو و قيس البطارية
شحن الدينامو بيتقاس و العربية دايرة
شحن البطارية بيتقاس بنفس الجهاز بردو اما بتبطل العربية القراية اللي بتبقى طالعه دي بتبقى قرايه البطاريه، المفروض تديلك قرايه في حدود 12 فولت او اقل حاجة بسيطه
و عموما البيان الاخضر بتاع البطاره ده ملوش اي 3 لازمة
شكرا على المتابعه
قست البطاريه ب الافوميتر مره جاب 10 ونص ومره تانيه جاب 12 بس لو حاولت اشغل اى حاجه حتى لو لمبه اشاره
قياس البطاريه بينزل جامد سالت اتنين واحد قالى باظت وخد واحده جديده وواحد تانى قالى نجرب نشحن المشكله انو بعيد
موضوع الكابل المهوى ده ممكن يكون عندك مشكله بره البطاريه. سؤال هى البطاريه معاك بقالها اد ايه
شارى العربيه بيها بس اعتقد بقالها كتير
غالبا كده البطارية ودعت، على جهاز قياس البطارية بيعمل عليها حمل كبير بزرار كدة شوف مع الحمل ده البطارية قرايتها كام و اتأكد ان القواطيش مش مملحه و مربوطه كويس علشان لو مملحة بيبقى اكنها عامله عزل شوية و لو مهوية ممكن مع اي حركة تفقد شحنتها
بيان البطاريه الاخضر ده اشتغاله وهزلي وغير حقيقي ولا يعبر عن حالة البطارية نهائي
طلع عندى ماس او تهريب حاجه كده الانوار مهيسه ومؤشر الحراره مش شغال ونص شاشه العدادات فاصل وربنا يستر