القايمة وكتب الكتاب من الأخر الفرح

**melouk1** · 02-08-2016 12:53 AM

المشاركة الأصلية كتبت بواسطة ahmed1981

ولا قلة أدب ولا حاجة
دي ليها أصل في الشرع وسبب معروف ومحدد
وبرضه مش إجبارية
وجهات نظر يعني وأعراف متداخلة مع الشريعة الإسلامية
أنا مستغرب إن وجهات النظر يتقال عليها قلة أدب ؟؟؟؟!!!!
عموماً رأيي في القايمة هنا :ــ

islamic ahmed1981: قائمة المنقولات الزوجية ( نموذج لقائمة المنقولات بصيغة وورد في نهاية الموضوع )

ـ

ده رأي انا يا فندم و انا معرفش حضرتك و معرفش كان رأيك ايه
وانا رأي زي منا قولته بالظبط و ده أقل شيء يتقال في الموضوع ده

يعني راجل بيدي بنته شرفه و عرضه للراجل تاني بكلمة من الله و على سنة رسوله يستحل بيها معاشرتها و يكون لها الحامي و الحافظ بعد الله و مخافش منه

و اخاف على شويه خشب و حلل و اجهزة كهربائيه من الضياع !!!!!!

يبقى كان اولى امضيه على وصل امانه لو زعلها او دايقها او لم يعاملها بما شرع الله بينها
و لا دي مش مشكلة عنده و الكنبة و المرتبة و النجفة اغلى !!

طب اللي بيجهزوا بنتهم ب نص مليون جنيه و اكتر اقسم بالله العظيم و يقولوا للي بيتجوز بنتنا بالدنيا مش عاوزين منك الا تحافظ عليها
يبقى دول ملايكة ولا ولاد اصل و بنتهم اهم من كل حاجه

ا كل ده لا اصل له في دين الله حتى الشبكة هدية لا شيء منها في دين الله .. فقط المهر لاشيء آخر ويبدأ من ربع جنيه و خاتم حديد كما حصل مع أفاضل أسيادنا من الصحابة
رضوان الله عليهم

ده نوع من عدم و الثقه و الامان و لا توجد في الاسلام الا في الشعب المصري فقط

**ESO101** · 02-08-2016 01:35 AM

المهر حق للمرأة .. سواء أخدته خشب ولا ذهب .. هو حق أصيل تشترطه بما تراه وكيفما أرادت
وإن كان الرجل أساسًا يقدر المرأة
ويراه مجرد خشب لماذا يهتم بهذه الأمور الشكلية التي لا قيمة لها عنده ؟
أمنوك على إبنتهم ... لا يحق لها أن تأمن عندك ( شوية خشب ) هو حقها أساسًا !

يظهر تقدير الرجل المتقدم للمرأة من خلال هداياه ..
هذا مع العلم أنه حق يطلب وليس هدية تمنح
ولكن
قليل الهدايا و العطاء .. بخيل .. أو فقير .. لا مشكلة فيهما شرعية
ولكن يصعب على بنت العز المعيشة في هذا المستوى سواء للشخصية أو لظروفه المادية

شوية خشب وشوية معدن ..
صحيح ليس لهم قيمة أساسًا ومايجوش - مع العفو - ضفر كلب حراسة فبيت أبوها
ولكن تظهر المستوى المعيشي والمعدن الحقيقي للمتقدم

لا تريد دفع المهر أو لا تريدها أن تشترط مهرها ؟
إذًا تنازل عن قوامتك فأنت تساويت معها في العطاء
تحميها وتحفظها ... نحن لسنا في غابة .. وهي بدورها تحميك وتحفظك
تعمل خارج المنزل لأجلها وهي تعمل داخله لأجلك
كلاكما تعادلتم فلا درجة لك عليها
تخرج كما تخرج أنت بلا إذن وليس لك كلمة عليها
أما إن كنت تريد النظام بشرع الله وسنة رسوله
فللمرأة حق مادي عليك يكسبك القوامة تشترطه وتمكن منه
وليس الشعب المصري بل كل الشعوب الإسلامية
يدفع في المهور الكثير وتستلمه وتحفظ مالها وليس له حق فيه
وتغرق العروس بالهدايا
وشهر عسل في أجمل بقاع الأرض
وأفراح تمد فيها الولائم مد البصر

بدون تطاول ... للفقير حياته وللغني حياته ..

**احمد المصرى** · 02-08-2016 10:31 AM

ال بيقول على القايمه غلط او قله ادب لو بتجوزك بنتك مش هتقول كدا وثانيا الناس حاليا بتمسك فى القايمه لان فى بعض اشباه الرجال لو مكتمش قايمه مش هيقدر البنت تفكير متخلف من اشباه الرجال ولكن دى الحقيقه بكل اسف مش موضوع فلوس ولا خشب ولا خلافه

لما نرجع لايام الرسول فى الرجوله من الشباب يبق نعمل ذى ايام الرسول

والقايمه من الشرع والسنه

اخر حاجه ....... للاخ صاحب الموضوع ... الطبيعى فى القايمه عند الناس الطبيعيه انت بتكتب كل حاجه موجوده فى الشقه فعليا بالاسعار الفعليه وفى ناس قيله بتذود فى القيمه ودى قله ادب

**Mohamed212** · 02-08-2016 12:36 PM

المشاركة الأصلية كتبت بواسطة ahmed1981

مبدئياً
مفيش رأي في الدنيا يقول على الرأي الآخر قلة أدب
كده مش رأي
كده غلط وعيب وخروج عن اللياقة

المهم

إنت بس مش فاهم عدم اللامؤاخذة

القائمة مش بتتعمل عشان خايفين على الخشب
بتتعمل بدل المهر الشرعي

في حاجة في الزواج إسمها مهر عندنا كمسلمين

المهر فرض

الغلبان مبيدفعوش فلوس
فبيتكتب مقابله العفش في القايمة

راجع الأساس الشرعي للزواج والمهر وسبب القايمة

بخصوص إنك مكتبتش لزوجتك قايمة
فأكيد إنت دفعتلها مهر
ولا إيه ؟؟!!
فلوس أو دهب اللي غيرك بيدفعه خشب وإنت مش واخد بالك وبتدفهم دهب
زيك زيه بالظبط

مش مسألة مآمنينلك
ده فرض عليك
المهر فرض عليك
ذاكر بس الإسلام شوية
قبل ما تسخن وتشتم

واضح كده يا باشا

ـ

بالله عليكم اهدوه شوية
انت هترد وهو هيرد وهتغلط زي ما هو غلط
صاحب الموضوع واضع خطيبته في كفة والمطالب والقايمة في كافة

وداه في رائي غلط

انا مكتبتيش قايمة علي فكرة بس مراتي تاج فوق راسي واهلها هما اللي طلبه اننا منكتبش قايمة

ومش معنا اني مش كاتب قايمة ان مفيش حاجة رابطاني

هو بالفعل القايمة بدل المهر بس الناس زادت في المطالب وزادت من الضيق علي الشاب
وحولت الجواز لتجارة وشركة تامين لحقوق الزوجة

اللي بيطالب بكتابة القايمة علشان يحفظ اشباه الرجال اختار لبنتك صح ويسر لبنتك في جوزها ومتعجزش الشاب في كتابة القايمة اكتبها بس مش علشان تحفظ حق بنتك اكتبها علشان دينا بيقول كدا ساعتها هتكتبها كتابة عدل

ورائي لصاحب الموضوع لو خطيبتك واثق من اخلاقها ومن البيت اللي دخلته اكتب اي قايمة هما عايزنها
لكن لو مش واثق دور علي الثقة في خطيبتك الاول لو وجدها كمل موجدهاش متكملش ودور علي الثقة في انسانة هتكمل معاك عمر

انت بكره كل اللي في جيب هتلاقيه بيتحط في البيت ولعيالك وهتجيب بدل العفش والقايمة 100 مرة

ربنا يكرمك

**ahmed1981** · 02-08-2016 01:07 PM

المشاركة الأصلية كتبت بواسطة mohamed212

بالله عليكم اهدوه شوية
انت هترد وهو هيرد وهتغلط زي ما هو غلط

مغلطناش في حد
لا تقلق
النقاش هادئ :)

المشاركة الأصلية كتبت بواسطة mohamed212

اللي بيطالب بكتابة القايمة علشان يحفظ اشباه الرجال اختار لبنتك صح ويسر لبنتك في جوزها ومتعجزش الشاب في كتابة القايمة اكتبها بس مش علشان تحفظ حق بنتك اكتبها علشان دينا بيقول كدا ساعتها هتكتبها كتابة عدل

في زمن الكذب والكذابين والمنافقين والممثلين
زمن خراب الذمم
أحياناً بعد ما بتختار صح
بتكتشف إن كله كان تمثيل متقن

فمش دايماً الاختيار الصح بيكون واقع صادق

وأنا متفق على عدم المغالاه من أي طرف

**melouk1** · 02-08-2016 02:00 PM

اولا انا مبغلطش في حد ولا عمري هغلط في حد

وقلة الادب بيجي من العرف اللي بيختلف من بيئة للتانية و من عائلات و مستويات مختلفة بالتأكيد

مش كل الناس الأصول عندها واحدة بالطبع في الزمن ده

بالنسبة للناس اللي قالت لامؤاخذة و مش فاهم و سخنت و ذاكر ده من عيوب النت لان اللي قدامك كان استحالة يكلمك كده لو في الحقيقة قصاد بعض و الأسلوب ده انا اتعفف اني ارد عليه لاني لم اهدر حسناتي في اي مكان قبل كده الحمدلله

لكن مفيش راجل بيرضى ناس تخونه و يكتب على نفسه قايمة

وناس كتير جداً فقرا عمرهم ماعملو كده والعائلات الكبيرة المشهورة في كل مكان في مصر عمرها ما عملت كده و حضرت جوازات لناس مشهورة في المجتمع و رجال أعمال تربطني بيهم علاقات وطيدة و ناس اولاد مشايخ كبار في الازهر و اولاد اشهر شيخ سلفي شافاه الله واحنا في عيلتنا مفيش بنت اتجوزت بقايمة ،
ولا راجل كتب قايمة ،
و انا لما رحت اتجوز زوجتي تاج راسي و قرة عيني قولت لوالدها و هو رجل فاضل على قدر من العلم و الدين و شخصية عامة معروفة قولتله مش عاوز اي شيء غير بنت حضرتك انا مبخليش الست تدفع فلوس في حاجه الحمدلله
و رغم ذلك عمل اللي عمره ما طلبته بمبالغ الله وحده يعلمها و كان بيأسس فيلا مش شقة ولقيت بيجيب من نفسه
و مش عاوز حد يقول عشان انتو الاتنين ماديا كويس
لا خالص
ياما حضرت مجاملات و مساعدات لناس شريفة جميلة و بسطا و محدش جاب سيرة قايمة و كله بالاحترام و الحب
والقايمة دي شيء شاذ ونسبة بسيطة في الناس اللي بتعتقد انه لازم يتكتب و مسمعناش بيه الا في السنوات الاخيره للاسف و في الاخر بيطلقو عشان مروحة و يوم كتب الكتاب كمان زي ما موظف بيشتغل عندنا من سنين و عندي في الشركة حكالي مره من اكتر من ١٠ سنين على مشكلة من النوع ده

الجواز ده ود و حب و ثقة و ناس شارية بعض

اللي مخون حد ميتجوزوش ببساطة ..

و محدش رد على جملة البنت واستحلال معاشرتها اهم ولا الخشب اهم ،، و يمضي على ايه اهم على حسن معاملة بنته و لا على النجف !!

و انا اللي شفته من صغري مئات الألوف بتتصرف في جوازة و الناس بكل حب و تراحم محدش بيقول لحد جبت ايه ولا بكام
و شفت ناس على قد حالها كتير عمرهم ما قالو كلمة قايمة و بيتجوزوا بأبسط الأشياء
والكلام ده لانه عيب بين الازواج ممكن يكون بين اتنين شركاء مثلاً زي ما ربنا علمنا في سورة البقرة في آية الدين ،، لكن اكتشفت اهو دلوقتي ان الناس طبقتها على الجواز

و اخيراً
اللي ممكن خلاصة لكل الكلام ده

قال رسول الله صلى الله عليه وسلم: أنا زعيم ببيت في ربض الجنة لمن ترك المراء وإن كان محقا، وببيت في وسط الجنة لمن ترك الكذب وإن كان مازحا، وببيت في أعلى الجنة لمن حسن خلقه. وحسنه الألباني ـ رحمه الله تعالى.

**ESO101** · 02-08-2016 02:46 PM

البعض يأخذ شرع الله بعاطفية مبالغ فيها
إقترب من أن يطلب إلغاء كتابة عقود الزواج بحجة أنه يرفض تخوينه
متناسي أن الحياة تتغير والنفوس تتبدل والحقوق تكتب وتدون للحياة وللممات

وكأننا متمسكين بالمهر الخشبي الذي يستخدمه هو شخصيًا
وكأننا ضد أن يدفع مهرًا بالمال أو الذهب أو الألماظ الذي لن يستفيد منه شيء
ولكنا تزوجنا ودفعنا بدون طلب مايتناسب مع الأعراف وقدمنا المهور كل شخص بحسب وضعه
المهر حقها وكتابته حقها
كونك تشعر بأنهم مخونينك فليه مابتحسش بإنهم مخونينك لما بيفرضوا عليك كتابة العقد وتوثيقه
كلها أمور مستحدثة لحفظ الحقوق بعدما ضيعوها أشباه الرجال

**volociximab** · 02-08-2016 05:26 PM

فى الزواج مفيش حد بيسأل حد عن حاجة و كل واحد بيقدم ما يقدر عليه بحسن نية و لا يفكر فى قايمة او غيره بالرغم من انه ماضى على قايمة و دافع شبكة
الكلام عن الحقوق و القايمة و خلافة بيكون ساعة الاختلاف
و ساعة الاختلاف بيتغير الحمل الوديع الى وحش كاسر ظالم ناكر للحقوق و بالتالى تحتاج توقيع فلان على القايمة
و انا رجل غريب داخل بيت اهل زوجتى طالب بنتهم و يرون في الزوج الصالح لكنهم لم يروا وجهى الاخر عند الغضب و الخلاف
و الامضاء على القايمة بيدفع اى وساوس للشيطان من جانب العروسه و اهلها بعد ذلك-انه بيعاملك وحش عشان ممضاش على حاجه و مش هامه
يذكرنى بقوله تعالى(اولم تؤمن قال بلى و لكن ليطمئن قلبى)
ابحثوا عن تفسير الشعراوى لهذه الاية
و على كل حال الاسلام بسط الامور فى الزواج-بس التقليد و الفشخره و الوسوسة تجعل الناس يعتقدون انهم يقيدون الزوج بهذه الاشياء
و الزوج يمكنه ان يعاملها معامله تجعلها تعطيه القايمة و الذهب و كل ما تملك فى مقابل ان يطلقها
المسألة نفسية
و الست لو زوجها عمل مشكلة ساعة التوقيع على القايمة تتذكر ذلك الموقف لزوجها طول عمرها
فمادام انت مقتنع بالبنت و اهلها و القايمة كتبت ما هو موجود بالفعل امضى(سلو بلدنا كده)
---------------------------------------------
و للعلم يمكن مصر البلد الوحيدة التى تقوم فيها المرأة بمشاركة الزوج فى تأثيث البيت-فسلو بلدنا جعل الست ايضا تحمل اشياء ليست عليها

**ahmed1981** · 03-08-2016 04:29 PM

الربط بين حقوق الزوجة وبين التخوين هو قمة خلط الأوراق والمراء والجدل

لا تنظر من برجك العاجي لمن يعطي المهر قائمة ورقية فيها خشب
وتنسى أو تتناسى أنك دفعت ذهباً ومرجان

وتقول على من قبلوا بالورقة يخونون الزوج
أما من قبلوا بالذهب والمجوهرات فلا يخونون !!!!!

قمة التناقض
كلاكما سواء

وأجمل شيء في التناقض
أن أشبع الناس من جدالي ثم أذيل كلامي بحديث عن فضل ترك الجدل
أو أصف أعراف غيري بقلة الأدب ثم أذيل كلامي بالحديث عن أدبي وأني لن أضيع حسناتي

تحياتي :)

ـ

-

الموضوع: القايمة وكتب الكتاب من الأخر الفرح

LinkBack

أدوات الموضوع

عرض

-

-

-

-

-

-

-

المواضيع المتشابهه

موبايل سامسونج للبدل بمجلدات وكتب اسلامية

دموع الفرح ...!!!

اعمل الفرح فين

أنا وجين :خطوبة ودخلة..وكتب الكتاب بعد اسبوع!!!

برامج كمبيوتر.... وكتب الكترونية

الكلمات الدلالية لهذا الموضوع

المفضلات

المفضلات

ضوابط المشاركة