الموضوع: سؤال بخصوص الاعفاء المؤقت من الجيش

السلام عليكم
يارجاله انا كان عندي استفسار بسيط بخصوص الاعفاء المؤقت من الجيش وتغيير سببه
اولا انا والدي ووالدتي مطلقين بقالهم 15 سنه ووالدي اتجوز وخلف اخ ليا ( غير شقيق ) وعنده حاليا 10 سنين تقريباً .. المهم انا قدمت على اعفاء مؤقت من الجيش من حوالي 5 سنين فاتوا والسبب ان امي مطلقه .. لكن مكتوب في الإعفاء ( يجب تسليم نفسك للخدمه العسكريه فور انتفاء السبب او بلوغ 29 سنه )

وكلها شهور وهتم 28 سنه ولظروف خاصة لسه بدرس في الجامعه ودي اخر سنه ليا وعايز اغير السبب بتاع الإعفاء لأن والدي حاليا تجاوز 60 سنه وطلع معاش بقاله فتره وانا بصراحه شايف ان السبب دة اقوى واحسن وافضل ليا خصوصا ان بيني وبين امي مشاكل وكل شويه تهددني بموضوع الاعفاء المؤقت

عايز اعرف نصايحكم وايه الاجراءات المطلوبه علشان اقدر اغير سبب الإعفاء وهل في طريقه اخد اعفاء نهائي بما ان ابويا تجاوز ال 60 واخويا لسه 10 سنين

موضوع خلع الكتف مبيطلعش اصلا انا دكتور و جيشي كان في منطقة تجنيد،،،،
السببين التانيين مضمونين مليون %
الاول انك العائل الوحيد لوالدتك طالما مش متزوجة
الثاني انك العائل لوالدك اللي عدى ال60 و اخوك القاصر.
قدم بأي واحد من الاتنين و ان كان التاني اسهل يعني