الموضوع: الحمد لله استلمت الجين تو 2009

المشاركة الأصلية كتبت بواسطة M.Nabil

الله يخليك يا جميل ميروك عليا انا انضمامي لاجمل لاحلي قسم واجدع اعضاء البروتانوية.


بكرة ان شاء الله وانا راجع من الشغل هعدي بقى افحصها حتة حتة واصورها, انت بس تقشر واحنا ناكل.
استفسار بسيط: هل موضوع الريموت ده يقلق اوي ولا لا, اصل الريموت دوسة واحدة تفتح الشنطة والعربية ولا تفتح ولا تقفل, علشان مضايقني اوي الموضوع ده

شوف يا راجل يا طيب
الموضوع مش معضلة
الناس اصلاً بتغير المفتاح كلة علي بعضة
روح التوكيل هيظبط لك البرمجة بتاع الريموت و خلية يكتبهالك في الضمان
و قول للوالد ... أنها شقاوة ريموت و مش من حق الجديدة تدلع و لا أية

الف شكر يا احسن شباب , شباب البروتانوية, وانا ان شاء الله اول ما هستلم الورق والضمان هنط فوق دماغهم لحد ما يصلحوها,وبكرة هفحصها حتة حتة ةهصورها, علشان لو في حاجة تانية لا قدر الله يعملوها بالمرة, ويارب منقابلش مشاكل تانية.
looooooooooooooooool @ mazagange
استاذ مزانجنجي المرجع الوافي للبروتون والدي بالفعل خليته يقرا ردودكم واقتنع 70% وهروح التوكيل الصيانة علشان يقتنع تماما علشان مش هقدر افرط فيها ولا حتى ابدلها انا لما صدقت, ربنا يستر عالحلوة ومتدلعش في اكتر من السنتر.

مبرووك يا باشا على حبيبة الجماهير (الجين2) و يارب تفضل الجين2 كده مشرفاك :k49: و موضوع الريموت ده بسيط مايزعلش يعنى اوى طبعا فرحتها اكبر ... و مبرووووك تانى ...

الف الف مبروك ياباشا بس هو ايه ............. لازم يعنى العربية يكون فيها حاجة مش مظبوطة مفيش اختيارات ؟؟؟؟؟ ولكن هنعمل ايه الحب اعمى
ان شاء الله ابيع عربيتى واجيبها قريب

المشاركة الأصلية كتبت بواسطة hamada_sivo

مبرووك يا باشا على حبيبة الجماهير (الجين2) و يارب تفضل الجين2 كده مشرفاك :k49: و موضوع الريموت ده بسيط مايزعلش يعنى اوى طبعا فرحتها اكبر ... و مبرووووك تانى ...

سيفو باشا الف شكر على ذؤقك وان شاء لببه تتصلح ويطلع مفيش اي حاجة تانية, وابقى اقابلكم عالطريق

المشاركة الأصلية كتبت بواسطة amrrashed

الف الف مبروك ياباشا بس هو ايه ............. لازم يعنى العربية يكون فيها حاجة مش مظبوطة مفيش اختيارات ؟؟؟؟؟ ولكن هنعمل ايه الحب اعمى
ان شاء الله ابيع عربيتى واجيبها قريب

ربنا يخليك يا باشا عمو عز لازم يبقى في حاجات بس ارحم من ناس كتير عالاقل ان الحاجات دي اقل وبسيطة

مايكل مبرووووك يا معلم ربنا يحافظلك عليها وطلع بقي علي مارمينا انا رحت يوم الجمعة يلا ربنا معاك و مش تقول انك شبراوي يا جدع ده انا من شبرا انت منين بقي من شبرا عايزين نتقابل ونتعرف بقي ...يلا ومبروك مرة تانية يا جميل

مينا باشا الله يخليك حبيبي, انتم السابقون ونحن اللاحقون , خبر جميل جدا انك انت كمان شبراوي, لازم بجد نتقبال ونتعرف ولازم نعزم كل البروتانوية على عاصمة جهنم شبرا ونوريهم ال ش.ش.ش (شهامة شباب شبرا)