الموضوع: مياه الراديرتير

استخدم مياه خضراء الامريكى او شليد
وزود بمياه التكييف

الكمية 4 لتر ونصف على حسب العلامة بتاع القربة اللى عندك

السلام عليكم ورحمة الله وبركاته سؤال انا لما غيرت المياه من الاصلى الى مياه ملونه نوع اخر ظهر عندى صوت لما العربيه تسخن بحس بصوت من عند طلمبة المياه ولما برش مياه عاديه عند سير الكاتينه الصوت بيروح فتره بسيطه ويرجع تانى لما العربيه تسخن بعد المراوح ما تشتغل يبدء يظهر مع السلانسيه ولما بزود الصوت يروح ومش عارف والصوت ده ماظهرشى غير بعد دورة الغسيل وتغير مياه بتاعت كارفور مش عارف اسمها انا اشترتها من هناك وبعدها بشويه ظهر الصوت ده ممكن حد يقولى اعمل ايه واحل المشكله ازاى وشكرا ؟

دخلتونى ف نفس الدوامه برضوا

انا الكلام دا كله عارفه وقريته كتير

انا كنت عايز حد معاه جين 2 يقولى انا بستخدم النوع ده من فتره طويله وكويس معايا ومريح الموتور ويقولى بيحط قد ايه ميه مقطره وقد ايه من النوع اللى بيستخدمه

اما بالنسبه للصوت اللى Mohamed Desoky بيسمعه فدا صوت طرمبه المياه ودا حصل معايا قبل كده وكان بعد تغيير المياه مباشره برضوا !!!!!!!!!!! والحل انك هتغير الطرمبه والدنيا هتبقى تمام........شكرا

المشاركة الأصلية كتبت بواسطة midotada

دخلتونى ف نفس الدوامه برضوا

انا الكلام دا كله عارفه وقريته كتير

انا كنت عايز حد معاه جين 2 يقولى انا بستخدم النوع ده من فتره طويله وكويس معايا ومريح الموتور ويقولى بيحط قد ايه ميه مقطره وقد ايه من النوع اللى بيستخدمه

اما بالنسبه للصوت اللى mohamed desoky بيسمعه فدا صوت طرمبه المياه ودا حصل معايا قبل كده وكان بعد تغيير المياه مباشره برضوا !!!!!!!!!!! والحل انك هتغير الطرمبه والدنيا هتبقى تمام........شكرا

شكرا ليك بس انتى عارف ان مشكلة مياه التبريد دى محيره جدا وكمان السوق مليان حجات مغشوشه طبعا المياه الاصليه لا يمكن تتعوض تانى وانا اتنمى انها ماتكونشى طلمبة مياه لانها الاصليه والعربيه لسه عامله 55الف كيلو بس يارب يكون العيب فى المياه لان اغلب قطع الغيار مغشوشه وده هو اللى مخوفنى وكمان طلمبة المياه مع سير الكاتينه ؟وانا مغير سير الكاتينه والبليه قبل كده وانا اللى غيرتهم بنفسى واقدر اغير الطلمبه بس المشكله قطع غيار تكون اصليه ودى اصعب حاجه فى بلدنا الحلوه جمهورية الغشاشين العربيه شكرا لحضرتك وربنا يرحمنا برجمته ؟

المشاركة الأصلية كتبت بواسطة borio1704

احتمال تكون الطلمبة متآكلة وده صوت احتكاك الأكس بتاعها مع الجلبة.

واحدة من أهم مميزات مياه التبريد الأصلية أو المناسبة لدورة التبريد هي إنها بتساعد على تزييت الطلمبة.


عموما... موضوع مياه التبريد ده موضوع مكعبل شوية وأنا شخصيا بحاول أوصل فيه لحاجة تسهل اختيار السائل المناسب..

وبشكل عام.. مياه التبريد في منها 3 أنواع أساسية حسب إضافات منع الصدأ.. ومالهاش دعوة باللون...



الـiat ده بتاع العربيات القديمة.. غالبا اللي البلوك بتاعها زهر والرادياتير نحاس.

الـoat ده بتاع العربيات الحديثة.. اللي البلوك والرادياتير بتاعها ألومنيوم .

الـhoat ده فيه خليط من الـiat والـoat.. وأعتقد إنه ينفع في الاتنين.. بس ده ما شفتوش في مصر.


المشكلة إنك لو حطيت الـiat مع الـoat ممكن تعمل ترسبات وتسد الدورة.

وما ينفعش تحط الـiat في موتور ألومنيوم أو رادياتير ألومنيوم علشان ممكن يخرّمه.


والمشكلة الأكبر إنك صعب قوي تعرف المية اللي في إيدك دي من أنهي نوع فيهم... إلا إذا بعدت عن الألوان المشتركة.




...

السلام عليكم ورحمة الله وبركاته تسلم يا بشمهندس انا دايما تعبك معايه فى الزيت والمياه الف شكر طبعا كلامك علمى ؟بس انا عايز نوع مياه فيها نسبة زى مياه زيتيه اللى كانت فى العربيه الاصلى كانت مياه سا بت علامه فى الارض مياه فيها زيت خفيف جدا واتمنى انك تقولى على نوع قريب من نفس التركيبه دى مياه زيتيه يمكن الحق الطلمبه قبل ماتخرب خالص لان طلمبة المياه سليمه جدا وبتقلب كويس ومفيش اى تسريب كله عادى مفيش غير الصوت اللى بيروح ويجى فى السلانسيه وانا اتاكت من الاكس انه سليم مفيش اى رشح والطلمبه نعمه مفيش خشونه وكله تمام محتاج من حضرتك والاخوه الزملاء يقول لى على نوع معين ومضمون اشتريه من اى مكان اروح اجيبه وانظف الدوره واحط مياه زيتيه انا مش عارف لا عارف نوع ولا اسم احسن من مياه كارفور مجهولة المصدر شكرا ليك ولكل الزملاء ؟