الموضوع: سنترا ولا أوبترا

المشاركة الأصلية كتبت بواسطة ahmedbakry

السلام عليكم

الحمد لله بعد ما استقريت على الاتنين دول قررت أختار وحدة منهم

بس عندى كم سؤال كدة للى جربهم أو للى يعرف عنهم


استهلاك البنزين لكل وحدة منهم

قطع الغيار وأسعارها وتوفرها

الصيانة برة وجوة التوكيل ايه أخبارها

نوع الفتيس (أذا كان اتوماتيك عادى ولا cvt)

متانة الصاج بتاع العربية

وأخيرا سعر اعادة البيع ايه نظامه


وشكرا مقدما

أنا هجاوبك من وجهة نظري.. مع العلم بإني ما اتعاملتش مع أي واحدة فيهم


مبدأيا.. تقدر تعرف المعلومات الرسمية عنهم من هنا...

https://www.chevroletegypt.com/bypas...Optra-my16.pdf
https://www.nissan-cdn.net/content/d...W%20SENTRA.pdf

وعموما.. هما يعتبروا فعلا في فئة واحدة من ناحية الأبعاد والمواصفات...

إنما موضوع السعر مختلف لأن الأوبترا هي أصلا إنتاج شركة صينية اسمها باوجن.. والشركة دي أصلا شركة مشتركة بين جنرال موتورز وشركة SAIC الصينية

علشان كده جنرال موتورز أخدتها ونزلتها هنا باسم شيفروليه.

تقدر تعرف معلومات أكتر من هنا:
https://en.wikipedia.org/wiki/Baojun_630


نيجي للأسئلة:

المشاركة الأصلية كتبت بواسطة ahmedbakry

استهلاك البنزين لكل وحدة منهم

ما أعتقدش فيه فرق كبير... وإن كان الفرق غالبا لصالح الأوبترا لإنها 1500 cc .. بس السنترا فتيسها CVT

المشاركة الأصلية كتبت بواسطة ahmedbakry

قطع الغيار وأسعارها وتوفرها

ما عنديش فكرة بصراحة.. بس يفترض إن قطع غيار الأوبترا تكون أرخص لإنها صيني... إنما من ناحية توافرها... فغالبا السنترا هتكون متوفرة أكتر.. انت هنا بتتعامل مع يابانيين (المفروض).

المشاركة الأصلية كتبت بواسطة ahmedbakry

الصيانة برة وجوة التوكيل ايه أخبارها

ناس كتير بتتكلم على إن التعامل مع توكيل منصور سيء جدا... والله أعلم.
معنديس فكرة عن الصيانة بره.. بس خلي بالك إن ده يعتمد على مدى انتشار العربية.

المشاركة الأصلية كتبت بواسطة ahmedbakry

نوع الفتيس (أذا كان اتوماتيك عادى ولا cvt)

الفتيس في الأوبترا أوتوماتيك 6 سرعات... والفتيس في السنترا CVT...

والفتيس الـCVT عموما بيوفر شوية في البنزين.. بس اعتماديته عليها علامات استفهام.

المشاركة الأصلية كتبت بواسطة ahmedbakry

متانة الصاج بتاع العربية

كل العربيات دلوقتي ما بتركزش على متانة الصاج في الحوادث البسيطة... إنما الأهم هو الحماية في الحوادث الكبيرة لا قدر الله..

رأيي تبعد عن كل عربيات شيفروليه في مصر في الحتة دي بالذات.

المشاركة الأصلية كتبت بواسطة ahmedbakry

وأخيرا سعر اعادة البيع ايه نظامه

سعر إعادة البيع في أي عربية هو ترجمة لمدى انبساط ملاك العربية منها... وده بيدخل فيه كذا عامل:

1- كمية الأعطال (الاعتمادية)
2- مدى توافر قطع الغيار
3- سهولة الصيانة
4- حجم مبيعاتها في السوق.. كل ما اتباعت أكتر كل ما هتلاقي حاجتها بسهولة وكل الناس هتفهم فيها.

أتوقع إن سعر إعادة البيع لصالح النيسان.


أرجو إني أكون قدرت أفيدك.


وأقترح عليك كمان تدخل على الموضوع ده.. يمكن يسهل عليك الاختيار..

http://www.nilemotors.net/Nile/329150-a.html


...