عرض للطباعة
السلام عليكم ورحمة الله وبركاتة
شباب عندي شويه مشاكل فى سيارة سمند 2007
اولا مشكله فى السحب دائما خصوصا فى التاني حتى بعد تغير ديسك واسطوانة
ثانيا الغيار التاني في مشكلة والمكانيكي عرفني ان دة مشكلة فى الفتييس نفسه
ثالثا المكنة اعتقد انها خفيفة
رابعا مشاكل فى الكهرباء
اقترح علي مكانيكي ان اغير المكنة والفتيس واجيب مكنة وفتيس 405 كاربتير وهرتاح من كل المشاكل دي
خصوصا ان بسافر كتير واكتر حاجة تأرقني ان السياره تعطل مني على الطريق
ياريت اقتراحتكم وهل لو قمت بالخطوه دي خطوه صحيحة
شوف ميكانيكى تانى غير ده - هو عرف منين ان المكنة خفيفة؟؟؟؟؟ هل قاس الكبس بتاعها ؟؟؟؟؟؟هل مثلاً بتاكل زيت ؟ - ممكن يكون مش مقفل الاسطوانة كويس او مركب اسطوانة مش بتاعتها أو خلوص الدبرياج مش مظبوط .
وبعدين عاوز يغير مكنة وفتيس ٤٠٥ ماهى ماكنة وفتيس ٤٠٥ اصلاً - وكمان كربراتير !!!!! طيب حاتعمل ايه فى الكمبيوتر ؟؟؟؟ حايعرف يظبط الدنيا ولا حيلغيه ولا حايعمل ايه وتقعد كل شوية تروحله مرة حساس ومرة كرابراتير ومرة بوبينة ومرة الكمبيوتر باظ وتقعد فى مشاكل طول العمر؟؟؟؟؟
شوف واحد تانى يكشف مظبوط وتكشف كمبيوتر كمان وتشوف ايه القصة - يراجع على تقفيل الاسطوانة ويظبط الدبرياج والزيت بتاعه ويشوف زيت الفتيس ناقص ولا لأ وقواعد الفتيس مظبوطة ولا قطعها -اكشف على الفرامل لتكون قافشة - وتكشف على الموتور وتغير البوجيهات والفلاتر والزيوت وروق الموتور وفك البوجيهات شوف شكلها ايه هل معرقة زيت - هل البوجيهات محروقة ومكربنة جامد - لو مكنتش غيرتهم من زمان يبقى غيرهم بالمرة - شوية منظف رشاشات على تانك البنزين وهو مليان - يعنى ماتستسلمش لأى كلام يتقال الحاجات دى عاوزة صبر وصيانة مظبوطة الاول وبعدين نشوف حكاية تغيير الموتور - وان شاء الله مش حايتغير - وابقى طمننا
يجب توخى الحذر عند التعامل مع اى صنايعى علشان لا نضمن تغير الضمائر !!اقتباس:
المشاركة الأصلية كتبت بواسطة unoacm
بارك الله فيكم يا شباب هشوف حد تاني وامشي علي ارشادتكم وربنا يسهل