-
الاسماعيلية
لو سمحتو ياجماعة معايا دايو نوبيرا موديل 2000
لما بدور العربية الصبح وادوس بنزين جامد بتطلع نقط مية من الشكمان مع بخرة خفيفة مع العلم انا لسة شاريها مستعمل والعربية مشيت 98 الف كيلو كانت مرفوعة ولما بطلع مقاس الزيت بيطرطش زيت وهيا دايرة هل كل دة معناة الموتور خفيف ولا اية اسف طولت عليكو ارجو الافادة
-
أولاً ألف مبروك وربنا يديك خيرها ويكفيك شرها ويبارك فيها بإذن الله
خروج نقط ميه من الشكمان مش حاجه وحشة ده بيسموه الموتور بيعرق وده بيدل على جودة الحريق داخل الموتور والمية دى عبارة عن تكثيف لبخار الماء.
وانت ايه اللى يخليك تطلع مقاس الزيت وهى دايرة :) :)
ده برضه عادى نتيجة شغل المكابس وعملية الحريق بيبقى فيه شوية ضغط فى الكارتير إلى حد معين مسموح بيه - بس لو لقيت الضغط ده جامد ومصحوب بريحة عادم يبقى فيه مشكلة .
عموماً إطمن وتابع مستوى المية ومستوى الزيت من حيث النقصان (أو الزيادة)
عموماً لازم تعملها شوية صيانات الأول طالما لسه مشتريها :
- تغيير زيت وفلتر موتور .
- تغيير فلاتر هوا وبنزين .
- تغيير بوجيهات.
- تغيير فلتر تكييف.
- تغيير سيور.
- تغيير مياه التبريد .
- تغيير الكاوتش لو قديم .
- الكشف على تيل الفرامل وتغييره لو كان متاكل.
- الكشف على زيت الفتيس .
- ظبط الزوايا
- الكشف على العفشة
ولو افتكرت حاجه تانية حاقولك :)
Content Relevant URLs by
vBSEO 3.6.0 PL2